Luke 11:39 - Wik-Mungkan

³⁹ Nil puth Jesus.angan kanam thiich nunang nil want-wanttakan ngaantam-ngeey aꞌ nil thaw ngul nungant, “Niiyant Pharisees il-ilantana aak niiy-niiyant yimanangan wunana; niiyaniy-a, yuk cups-a, plates anangan maꞌ-yotam pung-punganiya aꞌ pach-pachathaniya! puth niiy ngangk niiyantaman keꞌam pach piꞌ-piꞌaniy yaꞌa, niiy puth pam yangk moꞌ-moꞌaniy, way-wayam paththam iiy-iiyaniya.

Luke 11:39 Iomraidhean Croise

Matthew 15:19

Puth than pam wanchangana nath way anman ngaantam-ngeeyiythan-a, than puth way ngul yump-yumpantan, thananiy-a, pam wanch mul-mulathantan, putha maarich thak keeꞌ-keeꞌantan, aꞌ pam wanch wiyantamana way min maꞌ-kuch-kuchathantan thanttam ngula, aꞌ putha wik uuy-uuyamantan, aꞌ pam wiy anangan aak-yaꞌang waaꞌ-waaꞌantan thanangweya.

Matthew 7:15

“Pam wiy anangan thaw-thawantan niiyant keꞌ wik God.antam waaꞌantan, an yaꞌ paththam, wik uuy-uuyamantan. Niiy wik thanttamana erkam keꞌ ngeeyāna. Thanana pam way paththam keꞌ kuꞌ kulliy yimanangan puth than yaan muuk-muukamathantan niiyanga, than keꞌ kuꞌ maal yimanangan wampantan niiyant yipam wayathayn niiyang, meeꞌ wichayn niiyang woyan God.antam anpalan woyan way aakanakan.

Luke 16:15

Nil puth Jesus.an thaw ngul thant, “Niiy thaw-thawaniy thant pam wiy al-alantan niiy keꞌ pam min paththam iiy-iiyaniya, an yaꞌa, nil puth piip God.angan ngangk niiyantaman kan thath-thathana. Than pam wanchangan nath thaaꞌ-kuump-kuumpiythan niiyangan-a, puth niiy meeꞌ God.antangan min keꞌam iiy-iiyaniya, yaꞌa.

Luke 7:13

Nil Jesus.angan thath nunangan-a, nil paththam ngangk maman aꞌ thaw nungant, “Nint keꞌ peeyāna!”

Luke 7:19

aꞌ kuch pulang Jesus.antan yipam engkowpul nungant, “Ayyang, nint kan waaꞌān nganta! Nint pam anan ey? Nil John.angan waaꞌ-waaꞌ ngant ey? nint wampānan ey? Nint nath yaꞌa! Ngan nath pam thon alantan kuup-kuupanan nungant ey?”

John 12:6

Puth nilan kan-kanam keꞌam ngaantam-ngeey thanang pam wanch wukal keꞌanang anangan, yaꞌa, an nilan yaan thawa, pam nil anman puth maꞌ-kuchanana. Nil Judas Iscariot alangaman wukal thanttam Jesus-a, ngurp nungantam al-alantaman boxang piꞌ-piꞌ thanttam, aꞌ nil maꞌ-kuchanang wich-wichim thanttam.

John 13:2

Anpalaniy-a, Jesus-a, aꞌ than ngurp nungantam anangan kan-ngul nyiinin may mungkanakan. Nil oony way alangan kanam kuchek Judas.antangan wik wunp, nil yipam wik yumpow thanttang, pam way al-alantangan, Jesus.an mulathayn nunang. Nil Judas anan-a, nhengk Simon Iscariot.antam.

Acts 5:3

Nil Peter.an thaw nungant Ananias.antan, “Nint ngeenak wik erkam ngeeyan nunang oony wayaniy e? Nil ngul thaach nintang ey? keꞌ-paal nintan wik uuyaman ey? Ngeen-Wiy Min God.antam alantan ey? Nint wukal wiy anangan nungkarakam piꞌ-piꞌan thanang than nungkaran theeꞌin aak anpalana!

Galatians 1:14

Pam komp thaaꞌ-wantanamang wik thayan Jews.antaman thath-thathina, ngayiya work piꞌan ep-paththam iiy-iiyangana, thananiya keꞌ yaꞌ work manyam iiy-iiyinwey. Ngay ngangk punch-aakaman aak woyan nganttaman wak-wakangana, aak wuut mangk nganttamangan wak-wakina.

2 Timothy 3:5

An than yaan muukamayn, than wik thonakam thaaꞌaman yaan thaw-thawayna, puth than God.an keꞌ ngangkang piꞌ-piꞌayn nunang nil yipam thayanathow thanangana. Niiy kech-kech iiy-iiyān thanttam pam yim-yimananganwey thath-thathān thananga.

Titus 1:15

Than weeꞌ-weeꞌanangan nath ngangk minangam anman iiy-iiyantan-a, an than min paththama, puth than weeꞌ-weeꞌanangan nath ngangk minangam keꞌwey iiy-iiyiythanwey-a, an than min yaꞌa. Than keꞌaman God.an ngangkangam piꞌ-piꞌantan nunang, an than kuchek wayangam paththam ngaantam-ngeeyantan. Than wayan yumpantan-a, thanan ngaantam-ngeeyantan ngul than keꞌ min iiy-iiyantan, puth yaꞌa, way thak ngaantam-ngeeyantan.

James 4:8

Niiy thinth-thinth wampān nungant God.antan-a, aꞌ niliy puth-a, thintham ngul wampow niiyanta. Than weeꞌ-weeꞌanangan way yump-yumpantan-a, than wantiythan ngula, aꞌ putha than weeꞌ-weeꞌanangan yaan-yaanangan monkan-wakantan nunang God.an-a, than kan-kanam paththam monkan-wakiythan nunang God.ana.