Luke 10:9 - Wik-Mungkan

⁹ Pam wanch aakan punchanan weeꞌ-nathan weech-weechowan-a, niiy miyalathān thanang, aꞌ niiy wik inangan waaꞌān thant, ‘Aakan thinth-thinth kan-ngul wampana niiy God.an thathān nunanga nil moom piꞌan paththaman, nil pam wanch yotam maꞌ nungantang ngulan piꞌ-piꞌow thananga.’

Luke 10:9 Iomraidhean Croise

Matthew 3:2

Nil thaw-thaw thant, “Way niiyan yumpaniya niiy kan-ngul wantān a! Niiy palaman God.antan weentānwey a! Aak thinth kan-ngul wampan nil God.angan maꞌ nungantangan piꞌ-piꞌow thanang pam wanch anangan.”

Matthew 4:17

Aak an-aniyangan ngulan-a, nil Jesus.angan kan-ngul thaaꞌ-aath-aath thananga, wik min nungantam anangan waaꞌ-waaꞌ thant pam wanchantana, “Niiy wayan yaam keꞌ iiy-iiyāna, niiyana woyan min God.antam anman iiy-iiyān ngula. Puth aak anan ngul wampow nil God.angan maꞌ nungantangan pam wanch yot ngulan piꞌ-piꞌow.”

Mark 4:30

Aꞌ nil Jesus.an thaw, “Aak ngul-ngulan-a, nil God.angan pam wanch yot maꞌ nungantangan piꞌ-piꞌow thanang. Aakan wanttak nath wunowa?

Mark 6:13

Aꞌ oony yot anangan kenth-kenthin pam wanchantamwey ngangkangan piꞌ-piꞌin, aꞌ putha yuk olive oilan yeech-yeechin thanttang al-alantangan weech-weech thanangan, aꞌ amanamaniya than miyal ngul wunin.

Luke 10:10

“Niiy nathwey wampin aak town thon-thonangan-a, puth than kaangk keꞌ nath niiyangan paanthathayn aak thanttang angman-a, niiyaniya aak town wakan iiy-iiyāna aꞌ niiy wik inangan thaw-thawān thant,

Luke 10:11

‘Ngan thaꞌ wookan wunyathān aak inpalana, aꞌ ngan kan-ngul wantān niiyang niiy puth kaangk keꞌ wik nganttaman ngeey-ngeeyāna. Niiy wik inangan konangam piꞌ-piꞌāna: aakan thinth kan-ngul wamp-wampan niiyant, niiy yipam thathān nunang God.an moom piꞌan paththaman.’ ”

Luke 9:2

Aꞌ nil kuch thanang thanan yipam wikan waaꞌayn thant wiyantan puth aakana thinth ngul kan wamp-wampana nil piip God.angana pam wanch yota maꞌ nungantangan piꞌ-piꞌow thananga, aꞌ putha than yipam pam wanch alpan anangan miyalathayn thanang.

John 3:3

Nil Jesus.an thawant, Nicodemus.antan, “Ngay nungk in kan-kanam thaw-thawanga; niiywey putham keꞌan meeꞌ-penchin-a, niiy maꞌ God.antang keꞌ iiyin, yaꞌa.”

John 3:5

Nil Jesus.an thaw nungant, “Ngay wik kan-kanam thawang nungk. Nil paman keꞌwey puthaman meeꞌ-penchiy-a, ngak alantamana aꞌ puth Ngeen-Wiy Min God.antam alantaman-a, nil maꞌ God.antang keꞌ wuniy yaꞌa.

Acts 28:28

Aꞌ Paul.an wik thamp ngulan thawa, “Ngay inan waaꞌāng niiyant: ngay kan-kanam waaꞌāng thant Jews yaꞌ al-alantan wik God.antaman puth nil kaaꞌ-piichanathan ngampanga. Than puth kan-kanam ngeeyayn wik min God.antaman aꞌ than kan-kanam ngul wik erkam ngeeyayn nunanga!”

Acts 28:31

Nil thaaꞌ-aath-aath thanang aꞌ thaw thant ngul puth God.an keꞌ moom piꞌan thanttam pam wanch ngangkan theeꞌ-theeꞌin nungant al-alantana aꞌ puth-a, thaaꞌ-aath-aath thanang Lord Jesus Christ.antam thamp. Nil putha keꞌam winynyang moꞌa yaꞌa, ngangk thayanam pam wanchantan waaꞌ-waaꞌ thant wik min God.antamana aꞌ pam wanchangan keꞌ wayathiythan nunang yaꞌa wikan waaꞌ-waaꞌa.