Luke 10:6 - Wik-Mungkan

⁶ Than pam wanchang wik minamwey ngeeyiythan niiyantaman-a, yaa, nil God.ana ngangk minangam anman iiy-iiyow thant keꞌ niiyaman waaꞌan thanta. Puth than nath kaangk keꞌwey ngeeyayn wik min God.antaman-a, nil piip God.ana ngangk minangam keꞌ iiy-iiyow thanta, yaꞌa.

Luke 10:6 Iomraidhean Croise

Luke 10:5

Niiy aak town ang-ngulan wampān-a, aꞌ putha aawuchang ngulan pek ngoonchān-a, niiy kaꞌathamana wik inangan thawān thanta, ‘Ngan kaangk nil God.ana ngangk minangam iiy-iiyow niiyanta.’

Luke 10:7

Thanwey nath thawayn niiyant angman paanthanak thanttangan-a, yaa, niiy puth angman thanttang paanthāna, niiy aawuch thon-thonangan keꞌ iiyān yaꞌa. May minh ngeen nathan theeꞌayn niiyantanwey-a, yaa, niiy may thanttamana mungkāna. An mina than may minhan theeꞌayn niiyanta, an niiyaniya puth wik min God.antam anangan waaꞌ-waaꞌaniy thanta. Niiy may puth-puthamakan keꞌ thawān thanta.

Ephesians 5:6

Pam wanchang nath wik way waaꞌiythan niiyant-a, keꞌ muukamathiythan niiyang way yumpanakan-a, an niiy keꞌ ngeeyān thanang. Puth nil God.angan kan-kanam wayathow thanang pam wanch wik nungantaman keꞌan ngeey-ngeeyantan nunanga.

2 Thessalonians 3:16

Nil Lord.ang thonakam ngangk ngamparaman min yumpana. Ngeen nath wampow niiyant-a, aak min nathwey-a, nathwey aak way wampiy-a, ngan kaangk nil Lord.angan ngangk min yumpow niiyang, aꞌ angman iiyow niiyantang.

James 3:18

Ngamp ngangk minangaman iiyimp-a, aꞌ kul keꞌanangwey wun-wunimp-a, aꞌ puth wiy anangan maꞌ-aathimp thanang ngangk kulaman nochathimp thanangwey-a, anpalan than wiyangan ngul thathayn aꞌ than kaangk minam ngul iiyayn thampweya.

1 Peter 1:14

Niiy wik ngeeyān nunang God.ana, puth niiy pam wanch nungantama, woyan wayan keꞌ wak-wakān, keꞌ niiy keenkan wak-wakana, niiy keꞌaman yippak meeꞌmiy nunang God.ana.