Luke 10:17 - Wik-Mungkan

¹⁷ Ngul-ngulana than pam seventy-two anangan ngangk minangam paththam ngul palaman wampin nungant Jesus.antan aꞌ thawin nungant, “Ayyang, moom-ang, ngan namp nungkaraman wich-wichana aꞌ anpalana nil God.angan maꞌ-aath-aath nganang work piꞌ-piꞌanam anangan yump-yumpān. Aꞌ ngan oony way anangan kenth-kenthan thanttam pam wanchantaman. Ngan namp nungkaraman wich-wichan-a, an paththam oony way anangan erkam pent-pentin thanttamana.”

Luke 10:17 Iomraidhean Croise

Matthew 4:24

Wik thooꞌ pent Jesus.antaman, aak pal-puy aak umyompanam Syria.angana -- amanamana than pam wanchangan ngul pam wanch way alpan anangan wampathin nungant -- than wiy anangana, oony way piꞌ-piꞌin ngangkangan; puth than wiy anangana thay-thayanamin, than puth wiy ananganiy-a, kunp wun-wunin, makaran yal-yalamina -- aꞌ nil Jesus.angana maꞌmangkaman miyalath thanang.

Mark 16:17

Than weeꞌ-weeꞌanangan ngangkang piꞌ-piꞌayn ngayangan-a, an ngay maꞌ-kunch ngul yumpāng thanang work piꞌan yipam meenathayn pam wanchanta, aꞌ puth ngay thayan paththam yumpāng thanang than yipam oony way anangan kenthayn thanang ngangk pam wanchantam anpalan, aꞌ puth than thaaꞌnganth wik wiy-wiyam Ngeen-Wiy Min God.antaman thawayn.

Luke 10:1

Amanamana nil Lord Jesus alangana pam yot miꞌ thanang seventy-two, than yipam umputh iiyayn aak thon-thonakan. Puth nil Jesus aꞌ ngurp nungantam wiy anangan than koy-koyyuw ngul iiyayn. Nil Jesus.angana pam kuch-kucham kuch thanang.

Luke 10:20

Than oony way al-alangana kanam wik ngeey-ngeeyin niiyang puth niiy kenth-kenthan thanangana. Niiy nanpalan ngangk min keꞌ iiy-iiyāna, yaꞌa. Niiy wik inangan ep ngaantam-ngeey-ngeeyāna aꞌ ngangk min wun-wunow niiyanta: nil piip God.angan namp niiyantaman kanam ump lat nungantamangana niiy puth pam wanch nungantama.”

Luke 10:9

Pam wanch aakan punchanan weeꞌ-nathan weech-weechowan-a, niiy miyalathān thanang, aꞌ niiy wik inangan waaꞌān thant, ‘Aakan thinth-thinth kan-ngul wampana niiy God.an thathān nunanga nil moom piꞌan paththaman, nil pam wanch yotam maꞌ nungantang ngulan piꞌ-piꞌow thananga.’

Luke 9:1

Anpalaniy-a, nil Jesus.angan pam ngurp nungantam twelve anangan karpam yalmath thanang aꞌ nil thaw thant aꞌ puth thayanam yump thanang yipam oony way anangan kenth-kenthayn pam wanch al-alantaman ngangkangan piꞌ-piꞌinwey, aꞌ yipam miyalathayn thanang weechanan thanang.

Romans 16:20

An nil God.angan ep-paththam maꞌ-aath-aathan ngampangana keꞌ-paal ngangk minangam iiy-iiyāmp ngamparakamana. Nil paththam maꞌ-aath-aathow niiyang niiy yipam oony way piꞌanana um thaamp-thaampān nunanga, keꞌ niiy thaꞌang yimanangan maak-maakaniy nunangana. Ngay kaangk nil Lord Jesus Christ.ana minam iiy-iiyow niiyanta putha maꞌ-aath-aathow niiyang thampa.

Ephesians 5:24

Aꞌ ngampaniya ngeey-ngeeyanamp nunanga Christ.ana. Yaa, niiy puth wanch thum al-alanganiya yimanangan ngeey-ngeeyān pam thum niiyantam anangana.