Luke 1:47 - Wik-Mungkan

⁴⁷ Nil God.ang ngangk min yumpan ngayang, nil minam piꞌan ngayang.

Luke 1:47 Iomraidhean Croise

Luke 2:11

Ngutang inmana, aak town David.antamangan, puk many kanam meeꞌ-pench -- nil ngulan kaaꞌ-piichanathow niiyang. Niliya Christ, moom piꞌan paththama, pam anman nil God.an thaw nil ngulan kuchow niiyant.

1 Timothy 1:1

Ayyang, nhengk ngatharam Timoth.ang, ngay in Paul.ang lat inan umpang nungkar. Ngayang God.ang wik thampang kuchpul Jesus Christ.ang. Nil puth God.angan kanam kaaꞌ-piichanath ngampang, puth nil Christ Jesus.angan ngul kalow ngampang aak-aakanak kenyan God.antangan wun-wunāmpa.

1 Timothy 2:3

Ngampan meeꞌ-wuth-wuthanamāmpa pam wanch yotamantan-a, an min ngampara, puth God.antana ngangk min ngul wun-wunow nungant. Niliy puth-a, nhengk nungantaman kuch nunang kaaꞌ-piichanathow ngampang way ngamparam anpalana.

Titus 1:3

Ngul anpalaniya, aak anan nil God.angan miꞌ-a, nil God.angan wik min nungantaman waaꞌ ngul. Aꞌ nilan puth wik min thampan kuch ngayangan yipam waaꞌāng niiyant nilan puth kaangk ngampan nungantang wunāmp aak umpuyaman. Puth nilam thonamang ngampang kaaꞌ-piichanatha.

Titus 2:10

Aꞌ puth keꞌ yuk way min maꞌ-kuchathanak thanttamana, work min anman iiyayna aꞌ than ngul moom al-alangan ngaantam-ngeeyayn thanangan minaman iiy-iiyantan. Aꞌ pam wanch wiy al-alangan ngul wik anangan ngaantam-ngeeyayna wik God.antaman min kan-kanama, wik anangan nunang God.an waaꞌan nil ngampangan kaaꞌ-piichanathan way ngamparam anpalman.

Titus 2:13

Nil Jesus.angan kaaꞌ-piichanath ngampang aꞌ kaaꞌngak ngampang aak nungantangan wunāmp. Ngampana aak inman kuup-kuupanamp nungant aak-aakanakan nil palaman wampow ngampar. Aak an-aniyangan, ngamp nganthan thathāmp parkowan, aak anman nilan wun-wun. Aꞌ ngamp ngul thathāmp nil God.an min paththaman aꞌ thayan paththam.

Jude 1:25

Nilam thonam anman Goda, nil God alangaman kuch nunang Jesus Christ.an Lord ngamparaman kaaꞌ-piichanathow ngampang way amanamana. Nilana moom wuut piꞌan paththam ngamparam maꞌmangkamantam aak nath-nathan wun-wuntan aak inganiywey. Puth nilaniya maꞌ thayan paththama, aꞌ min-minam thamp. Nil God alangan-a, pam wanch aꞌ yuk way min maꞌmangkam anangan maꞌ nungantang piꞌ-piꞌan aak nathpalman aꞌ in-inman-a, maꞌ nungantang piꞌ-piꞌan, aꞌ aak ngulakam piꞌ-piꞌow thamp. Puth ngampaniya keꞌ-ngoongkam anman thaaꞌ-kuump-kuumpāmp nunang, aak inmana puth maꞌ-yotama. Wik inaniya an kan-kanam paththam. Anman kan Jude