John 13:3 - Wik-Mungkan

³ Nil puth Jesus.angan-a, kanam thiich nil God.angan work piꞌanan maꞌ nungantangan want, pam wanch maꞌmangkaman piꞌ-piꞌow thanang aak ingana. Nil kan meeꞌmiy nil inpal keny piip God.antaman uk, aꞌ puth keny koyam ngulan matow piip God.antan.

John 13:3 Iomraidhean Croise

Matthew 11:27

Aꞌ nil Jesus.an thaw ngul pam wanch al-alantan, “Piip ngatharam God.angan way min maꞌmangkam maꞌ ngatharang want-want thanang. Nil weeꞌang kan-kanam paththam thiichiy ngayang puk nhengk God.antamaniy e? An nilam thonamang anman piip God.angana thiich ngayanga. An puth weeꞌangam kan-kanam thiichiy nunang piip God.ana? puth ngay nhengk nungantam ilangaman ep-paththam thiichang nunang, aꞌ puth pam wanch anangan thana, than ep thiichantan nunangan, ngayaman uwang thanang, wikan waaꞌ-waaꞌang thantana.

Matthew 28:18

Aꞌ nil Jesus.ana thintham ngul wamp thant aꞌ thaw thant, “Piip ngatharaman thaw ngathara ngay pam moom wuut piꞌan iiyānga pam wanch maꞌmangkamantana aꞌ putha way min maꞌmangkamantana ngay moom thampa, aak inan earthangana wuntana puth aak in kenyan wuntana.

Luke 10:22

Aꞌ nil Jesus.an thaw ngul thant pam wanch al-alantan, “Piip ngatharam God.angan maꞌmangkama maꞌ ngatharang want thanang. Nil weeꞌangam paththam thiichiy ngayang puk nhengk God.antamaniy e? Nil thonamang thonak piip God.angama. An weeꞌangam paththam thiichiy nunang piip God.ana? Ngay nhengk nungantamang ep thiichang nunang aꞌ putha than pam wanch wiy al-alangan ngayan waaꞌ-waaꞌang thant nil want-wanttakan wun-wunan than thamp ep thiichin nunang.”

John 1:18

Ngamp puth God.an keꞌ thathanam. Nil nhengk nungantamangan puk nungantam kaaꞌ-thonamangan ep meenath ngampar nil God.an want-wanttakan, nilan puth God.antang nathpalman wun-wun Jesus.aniya.

John 13:1

Aak anan kan wamp may piꞌan Passover.akan. Nil Jesus.angan kan ngaantam-ngeey aakan thinth kan wamp-wamp nungant, nil aak inan kan-ngulan wantowa, koyam ngulan iiyow piip nungantamakan. Nil puth Jesus.an nathpalman kaangk wun thant pam ngurp nungantam al-alantan aak ingana, nil kan-kanam paththam keꞌ-ngoongkam anman kaangk wun-wun thant.

John 17:2

Nint puth thawan ngathar moom piꞌan iiyāng thant pam wanch maꞌmangkamant, aak umyompanam inana, ngay yipam ngangk aak umpuyam wunanakan theeꞌāng thant, wiy al-alantan, nintan miꞌan thanang ngathara. Than puth ngangk aak umpuyam ngul wunayn nungkaranga,

John 3:13

Pam wanch puth aak heavenakan keꞌam yippak matina, yaꞌa; nil pam thonam thonak epa, nil God.angan kuch nunang pam wanchantan, nil ep ang kenyan wun-wun God.antang, puth nilam uk ngula aak iikanakan.”

John 3:35

Nil piip nungantaman-a, kaangk wunan nhengk nungantamak Jesus.antan, aꞌ nil thaw nungant moom piꞌanan iiyow aak umyompanamakan.

John 7:29

Ngayiy-a, ep meeꞌmiy nunang, ngay puth nungantam anpalan wampangan, aꞌ puth nilaman kuch ngayang aak iikanakan.”

John 7:33

Nil Jesus.an thaw pam wanch yotamant, “Ngay inana manyam ngul wunāng niiyantanga, aꞌ ngay kan-ngul koyam iiyāng nungant, nilan kuch ngayanga.

John 8:14

Nil Jesus.aniy thaw thant, “Nungkway ngay ngatharakaman wik waaꞌing-a, an kan-kanam waaꞌ-waaꞌing ngathamangan, ngay puth ep meeꞌmiy, ngay wanttinpalan aak wampangana, puth-a, ngay aak wanttinak ngulan iiyānga. Niiy meeꞌmiy yaꞌa ngay aak wanttinpalan wampangan, putha, ngay aak wanttinak ngulan iiyānga.

John 8:42

Nil puth Jesus.an thaw thant, “Nil puth God.an piipiy niiyantamwey-a, niiy puth kaangk wunin ngathar, puth ngay ina God.antam anpalan wampanga, aak iikanakan ukang niiyant. Ngay puth ngay-ngayam keꞌ wampang, yaꞌa, nilam kuch ngayang aak iikanakan.

Acts 2:36

“Than pam wanch maꞌmangkam aak Israel anpalan-a, mak thiichayn nil Jesus anana, niiyan mulathan nunang-a, nil pam anman nil God.angan waaꞌan, nil moom piꞌan pam wanch maꞌmangkamantana nil pam anman nil God.angan kaaꞌngak kuchowan.” Nil Peter.an wik inangan thaw thantaniya.

1 Corinthians 15:27

Puth lat ngench thayanangan waaꞌ-waaꞌana, “Nil God.an wik yimanangan thawa: nil Christ.an moom piꞌan way min maꞌmangkam al-alantana aꞌ putha pam wanch maꞌmangkam al-alantana, nilam yot inangan maꞌ nungantang piꞌ-piꞌan.” Puth nil God thampan maꞌ Christ.antangan keꞌam iiy-iiyan yaꞌa! Nil puth Christ.ana moom piꞌan God.antamana yaꞌa, puth nil God.angan moom piꞌan paththaman yump nunanga.

Hebrews 1:2

Aꞌ aak ngul-ngulana God.angana puk nhengk nungantam anan kuch nunanga wik min thampa, nilan-a, waaꞌ-waaꞌ ngul ngampara. Aak keenkanam anpalmana, nil piip God.an thawa nhengk nungantam alantan aakan yumpow thamp, aak inman umyompanamana putha aak in kenyan, aꞌ putha nil God.an thaw yuk way min aak an kenyana aꞌ putha yuk way min aak inpalana an nungantam thamp puk nhengk ngatharamantam.