John 1:1 - Wik-Mungkan

¹ Keenkanaman-a, aak keꞌan yippakan wun-a, nil WIKan aak nathpalman wun-wun, murkanim anman, nilam Jesus.an. (Than Jesus.an waaꞌin nunang keꞌ WIK anman ngampar, puth nil wik God.antaman waaꞌ-waaꞌ ngampar, aꞌ nilan waaꞌ-waaꞌ ngampar nil God.an want-wanttakan nila.) Niliy-a, keꞌ God anman.

John 1:1 Iomraidhean Croise

Luke 24:53

Thananiy-a, ngaaꞌ thon-thonan-a, kinch ongkan-a, aawuch ngench thayanang angan than-thanin, thankyou thaw-thawin nungant God.antan.

John 1:14

Nil WIK anan-a, ngurp keꞌ ngamp yimanangan wamp, aꞌ ngamparang aak ingan wun-wun. Ngan thathan nunang pam piꞌana aꞌ min-minam paththam, nil keꞌ pam wiy yimanangan yaꞌa; nil puth ngangk minangam iiy-iiy thant pam wanchantan, wik kan-kanam anman thaw-thaw thant. Nil yimanangan iiy-iiy nilan puth nhengk God.antam, nhengk kaaꞌ-thonam anman nungantam.

John 1:18

Ngamp puth God.an keꞌ thathanam. Nil nhengk nungantamangan puk nungantam kaaꞌ-thonamangan ep meenath ngampar nil God.an want-wanttakan, nilan puth God.antang nathpalman wun-wun Jesus.aniya.

John 1:2

Nil angman wun-wun God.antangan. Aak nathpalmana, nil God.antang wun-wun, pul karp.

John 16:28

Nil puth kuch ngayang, aak inpal kenyan aak iikanakan ukangan; puth ngay aak inan kan-ngul wantāng, aꞌ ngay koyam ngul iiyāng piip ngatharamant.”

John 17:5

Piip-ang, keenkanaman-a, aak keꞌan yippakan wun-a, ngay nungkarang nangman wun-wunangan, ngal puth-a, thonam anman, ngangk min anman. Nint ngayang minam ngaantam-ngeeyāna, keꞌ ngal keenkanaman wunala, yimanangan nganyang minam ngaantam-ngeeyān.

John 20:28

Aꞌ nil Thomas.an thawant, “Nint in Lord ngatharama, God ngatharama!”

John 8:58

Nil Jesus.an thaw thant, “Ngay in kan-kanam paththam waaꞌ-waaꞌang niiyanta. Abraham.ana keꞌaman yippak aak-ngeey-a, ngay man-yetham iiy-iiyangan a!”

Romans 9:5

Than wuut mangk thanttamana, inangana, Abrahama, Isaaca, aꞌ putha Jacoba; aꞌ nil Christ.an aak iikanak ngulan wamp-a, niliya pam Jew wampa. Nil Christ.ana, moom piꞌan ngampar yotamantana. Ngamp thaaꞌ-kuump-kuumpāmpana, ngulakama! Yey, kan-kanama!

Ephesians 3:9

Ngay wik God.antaman engkanang waaꞌ-waaꞌāng pam wanch yotamant, wik anpalana nil God.angan ngulan yal-yalmathow thanang pam wanch anangan ngangk thanttaman theeꞌin nungant, Jews aꞌ puth Jews yaꞌ anangan than yipmam pam wanch nungantam iiyayn. Nil God.angan nathpalman wikan nungantakam piꞌ-piꞌ, puth nil engkanang kan-ngul pentath ngampar -- God ngamparamangan, nil way min yotam inangan yumpa.

Philippians 2:6

Kaꞌathamana nil Jesus.ana piip God.antangan wun-wun aak ang kenyana, niliya keꞌ God anman, puth nil keꞌam ngaantam-ngeey nungantakaman meekan iiyow, yaꞌa. Nilan ngaantam-ngeey nungantakaman palan ukow aak iikanakan, nila keꞌam week nungantakaman ngamparamana, yaꞌa, nil ngangk minangam anman uk ngampar. Nil pam iiy-iiy, aꞌ work ngul iiy-iiy piip nungantamak, God.antan.

Colossians 1:15

Ngamp piip God.an keꞌ thathimp nunang, yaꞌa, puth nil Christ.an keꞌ pam yimanangan uka aak inpal kenya aak iikanakan ngampan yipam thathāmp nunang nil piip God.an keꞌ want-wanttakan nila. Nil Christ.aniya, puk nhengk kaaꞌ-ngeecham nungantam God.antama, nilaniya wuut piꞌan paththama. Nil God.angan way min thaaꞌ-wantanam yump thanang, aꞌ pam wanch ngul yump thanang, puth than piꞌan yaꞌa an than manya, nil Christ.an epa pam piꞌan paththama!

Colossians 1:17

Nil Christ.an kaꞌathaman nathpalman man-yetham anman wun-wuna, nil yuk way min keꞌaman yippak yump, aꞌ putha nilam Jesus.ang thonamang way min maꞌmangkam nilaman yump thanang-a, ananganiya maꞌ nungantangan piꞌ-piꞌan thanang.

1 Timothy 3:16

Puth wik God.antamana ngamp ngaantam-ngeey-ngeeyanamp an wik min paththam a! Nil puth waaꞌ ngampar ngamp want-wanttakan minaman iiy-iiyāmp meeꞌ nungantangana. Nil kaꞌathaman-a, wuut mangk ngamparamantana manyam thaaꞌ-thanpanam waaꞌ thant, puth nil nyiingk-nyiingk ngulana an ep-paththam wik yot ngul waaꞌ-waaꞌana, engkanang ngul wun-wunan ngampar, nil nhengk nungantam Jesus.an meenath ngampar, nilan aak iikanakan keꞌ ngurp ngampam yimanangan uk; inan putha, nil Ngeen-Wiy Min God.antam alangan meeꞌ yotantang meenath ngampar nil Jesus.an nhengk God.antama, aꞌ puth ngaantiyongk God.antam al-alangan thathin nunang; puth inan thampa, nil God.angan kan koyam matath nunang, aak iikanak kenyan. Aꞌ pam wanchangana kan waaꞌ-waaꞌin nunang pam wanch wiyantana, aak umyompanamakan, thaaꞌnganth thon-thonantan. Aak nath-nathan wun-wuntan-a, pam wanch wiy al-alangan kan-kanam ngaantam-ngeey-ngeeyantan nunang nil nhengk God.antaman.

Titus 2:13

Nil Jesus.angan kaaꞌ-piichanath ngampang aꞌ kaaꞌngak ngampang aak nungantangan wunāmp. Ngampana aak inman kuup-kuupanamp nungant aak-aakanakan nil palaman wampow ngampar. Aak an-aniyangan, ngamp nganthan thathāmp parkowan, aak anman nilan wun-wun. Aꞌ ngamp ngul thathāmp nil God.an min paththaman aꞌ thayan paththam.

Hebrews 13:8

Aꞌ in ngeeyān thampa: aak keenka nathpalmana, aak inan keꞌaman yippak wun-a, nil Jesus Christ.an ep man-yetham wun-wuna, nil in-inman yippak man-yetham wun-wunan aꞌ aak umpuyam ngul wunow. Aꞌ putha nil wiy-wiyaman keꞌ weeniy, yaꞌa, an nil anman wun-wunow aak umpuyam, keꞌ nil anman iiy-iiyan.

Hebrews 7:3

Wuut mangk Melchizedek.antamana an weeꞌ-natha? Aꞌ putha kaath piip nungantamana weeꞌ-nathwey pula? Puth lat ngench thayanangan keꞌam waaꞌan ngampar yaꞌa. Nil aak ngeen nath aak-ngeeya? Aꞌ putha nil aak ngeen nath uthame? Puth lat ngench thayanangana keꞌam waaꞌan ngampar yaꞌa. An nil keꞌ priest anman iiy-iiyow aak umpuyama; keꞌ nil puk nhengk God.antamana yimanangan iiy-iiyana.

2 Peter 1:1

Ngaya, Simon Peter, ngay lat inan umpang niiyant, ngayiya pam workan iiy-iiyangan Jesus Christ.anta nil puth kuch ngayang wik nungantam inangan waaꞌāng niiyanta. Niiy pam wanch God.antam ngula, keꞌ ngan yimanangan, nil God.angan ump ngampang pam wanch nungantam iiyāmp, aꞌ putha ngampaniya ngangk ngamparakam kan theeꞌamp nungant Christ.antan. Nil piip God.ana mina aꞌ putha nil Jesus Christ.ang kaaꞌ-piichanath ngampang, nil min paththama.

1 John 5:20

Ngamp meeꞌmiy ngul nil nhengk God.antamana inpal kenyan uk ngampara, ngamp yipam God.an min-minam ngaantam-ngeey-ngeeyāmp nunanga, puth kan-kanam thiichāmp nunanga, nil thonam anman God kan-kanam paththam, wiy yaꞌa. Yaa, ngamp iniy ngul-a, maꞌ pulantang iiy-iiyanamp, God.antang-a, putha Jesus Christ.antang, nhengk nungantamantanga. Nil inana kan-kanam God paththama. Nilam thonamangan ngangk ngulakaman piꞌ-piꞌow ngampanga.

1 John 5:7

Koꞌalam il-ilangan-a, Ngeen-Wiy God.antamangan-a, puth ngakangan kootra kuungkan-a, puth chaaparan-a, al-alangan kan-kanam meen-meenathantan ngampara Jesus.an nhengk nungantam God.antamana.

Revelation 1:11

aꞌ nilan thaw ngathar, “Nint ngeenan thathan pithangan-a, yaa, nint latang ngul wunpān aꞌ lat anan kuchān thant pam wanch al-alantan seven churchesangan yalmathwuntana aak piꞌanang inangan angan wuntan city.anga: Ephesusa, Smyrna, Pergamuma, Thyatira, Sardisa, Philadelphia-a, aꞌ puth Laodicea.ak.”

Revelation 1:17

Ngay thathangan nunang-a, ngay thaꞌ nungantang keekangan keꞌ pam mul yimanangan. Puth nilan maꞌ mal nungantaman wunp ngatharang aꞌ thaw, “Keꞌ winynyang moꞌāna! Ngay man-yetham aak keenkanam nathpalman iiy-iiyangan, aꞌ ngay aak ngulakam man-yetham iiy-iiyānga!

Revelation 1:2

Ngay puth latang ump-umpang niiyant ngay pithangan thath-thathanga, wik God.antam anangana niiyant ngul waaꞌāng, wik anangan kan-kanam nil Jesus Christ.angan waaꞌ-waaꞌ nil God.angan meenath nungant.

Revelation 1:8

Inaniya, nil God.angan nungantakaman waaꞌ, “Aak nathpalman, aak yaꞌ-yaꞌaman yippaka, ngay nathpalman man-yetham iiy-iiyangan aꞌ puth inan ngay aak umpuyam ngul wunāng.” Wik inangan kan-kanama, nil nathpalman man-yetham iiy-iiy, aꞌ puth in-inman man-yetham iiy-iiyan, aꞌ nil man-yetham ngulakam wunow, God wuut piꞌan paththaman nila.

Revelation 19:13

Kulich nilan ngooncha chaapar thethang ngathant kulich inaniy. Puth thananiya namp inan waaꞌin nunang, “Wik God.antama.”

Revelation 2:8

Aꞌ anpalaniya nilan thaw ngathar, wik inangan latang umpān ngaantiyongk alantan church aak Smyrna.an piꞌ-piꞌan, pam wanch al-alangan yipam ngeeyayn. Wik inangan umpāna: “Ngay wik inan kuchāng niiyant. Ngay inman thonam kaꞌathaman man-yethaman iiy-iiyangan aak nathpalman aꞌ ngay aak umpuyam ngul wunāng. Ngay mul wunangan puth man-yetham koyam ngul weenāng.

Revelation 21:6

Aꞌ nilan thawa, “Wik ngayan thaw-thawangan-a, an kan-kanam wamp. Ngay inman thaw-thawang ngay keenkam man-yetham anman wun-wunanga, aak kaꞌatham earth inan yippak keꞌaman wun. Ngayiya man-yetham wun-wunang, aꞌ ngayiya man-yetham anman aak umpuyam wun-wunāng. Nil weeꞌ-nathwey ngakaman uthamiw-a, ngay ngul theeꞌāng thant ngakana. Thananiya ngakan keꞌ piiyiythan wukalangan an yaꞌa; ngay ngangk minangam theeꞌāng thant ngakana. Ngak ananiya an keꞌ ngak meeꞌ pich-pichana murkanam anmana, than yipam pam wanchana man-yetham aak umpuyam wun-wunayna.

Revelation 22:13

Ngay inana man-yethamana wun-wunanga aak nathpalmana aak nanan earthana keꞌan yippak wuna, aꞌ in-inman man-yethamang, puth ngay man-yetham aak umpuyam wun-wunāng.”

Revelation 3:14

Aꞌ anpal ngul.ana, nilan ngathar thaw wik inangan Ngeen-Wiy Min God.antaman latang umpān ngaantiyongk alantan church aak Laodicea.an piꞌ-piꞌana, nil yipam waaꞌow thant pam wanch al-alantan: “Ngay inan wik kuchang niiyanta. Ngay ep wik God.antaman kan-kanam paththaman waaꞌ-waaꞌangan niiyant, wik thonangan yaꞌa, puth wik anman. Aꞌ aak in umyompanamana ngan piip God.ang yumpan aꞌ yuk way min maꞌmangkaman thampa.