James 4:6 - Wik-Mungkan

⁶ Nil God.an thayan paththam aꞌ ngangk minangam maꞌ-aath-aathan ngampanga ngamp yipam monkan-wakāmp nunangana. Than puth lat ngench thayanangan kan waaꞌin ngampar, “God.an kan-kanam min paththam iiy-iiyan thant pam wanch al-alantan than keꞌan piꞌan yumpwuntan, puth nil pam wanch wiy anangan ep thaampan thanang than ulp-ulpanangan iiy-iiyantana.”

James 4:6 Iomraidhean Croise

Matthew 13:12

Yaa, niiy inan ngeeyāna: than weeꞌ-weeꞌanangan wik min-minan ngeeyayn ngayang-a, yaa, ngayan ngul maꞌ-aath-aathāng thanang than yipam minam anman ngaantam-ngeeyayn, aꞌ yot-yotam thiichayn. Aꞌ puth thon iniya, than weeꞌ-weeꞌanangan ngaantam-ngeeyiythan thanttakaman thanan keꞌ wik kanam thiichin-a, puth than keꞌaman wik ngeeyiythan ngayang-a, yaa, ngayan puth keꞌ maꞌ-aathing thanang, aꞌ wik anangan-a, kon-ngathow thanang ngula.

Matthew 23:12

Nil weeꞌangweya pam piꞌan yumpiy nungamangan-a, ngul-ngulaniya nil pam many ngul weenowa. Nil weeꞌ-nathweya ulp-ulpanangan keꞌaman iiy-iiyan-a, pam nil mochanana, ngul-ngulaniya nil pam piꞌan paththam ngul iiy-iiyowa.”

Luke 1:52

Wiyiya, nil moom piꞌan anangan kuchan thanang than yipam pam piꞌan keꞌ-ngul iiyayn aꞌ work piꞌan ngul theeꞌan pam wanch al-alantan than pam piꞌanan keꞌaman yumpwuntan.

Luke 14:11

Ngay in kan waaꞌang niiyant: nil nath pamangwey ulp-ulpathiy nungantakaman-a, nil piip God.angan ngul meenathow nungant nil pam piꞌan paththam yaꞌa, anpalana nil pamana ngul-nyaaꞌ ngul weenow. Pam weeꞌangwey keꞌ nath ulpathiy nungantakaman-a, nil piip God.angan thaaꞌ-kuump-kuumpow nunanga yipam pam piꞌan paththama waaꞌowan nunanga.”

Luke 18:14

Anpalana nil Jesus.an thaw thant ngul, “Niiy wik inan ngeeyāna! Nil piip God.angan ngangk mam nunang ngul pam nilan wukalan yal-yalmath aꞌ kon kan ngath nunang way nilan yump-yump. Puth pam thon Pharisee anan yaꞌa, God.angan keꞌ kon-ngathiy nunang way nilan yump-yumpa, yaꞌa. Nil weeꞌangweya pam piꞌan nath yumpiy nungamangan-a, ngul-ngulaniya nil pam many ngul weenowa. Nil weeꞌ-nathweya ulp-ulpanang keꞌaman iiy-iiyan-a, puth pam mochanana, ngul-ngulaniya nil pam piꞌan paththam ngul iiy-iiyowa.”

James 4:10

Niiyiya thintham wampān God.antan aꞌ thawān nungant niiy pam wanch min yaꞌana, puth nilana konangaman keꞌ piꞌow way yot niiyan yump-yumpana, yaꞌa, an nil ngula maꞌ umangan piꞌ-piꞌow niiyang purꞌpam.

1 Peter 5:5

Aꞌ niiy pam kompang wik ngeey-ngeeyān thanang wuut manth-thayan anangana. Niiy piꞌan keꞌ yump-yumpwun niiyantakamana, puth niiy ngangk minangam maꞌ-aath-aathwuna. Puth lat ngench thayanang inan waaꞌ-waaꞌana, “Nil God.angan man-mangkam theeꞌ-theeꞌan thant pam wanch al-alantan than ulp-ulpanangan iiy-iiyantan, putha nil min iiy-iiyan thant than keꞌan ulp-ulpanangan iiy-iiyantan.”