James 4:12 - Wik-Mungkan

¹² Nil God.ang thonamang alangaman thonakam nilam wik thayan anman ep kan-kanam yumpan. Aꞌ nil puth thonamangan thanathow ngampang pam wanch um nungantangan thanāmp, mep-mepow ngampangana. Aꞌ nil thonamangan thonakamana kaaꞌ-piichanathan ngampang puth al-alantaman ngamp wayan thaaꞌ-thaaꞌan yumpanampa, aꞌ puth nil thonam alangaman kuchow ngampang aak way aakanakan iiyāmpa. Ngamp ngaantam-ngeeyāmpa, keꞌ waaꞌāmp pam wanch wiy anangan. An nint keꞌ weeꞌ e? pam wanch wuut piꞌan ey? keꞌ God yimanangan ey? Yaꞌa, wiyan keꞌ waaꞌān thanang.

James 4:12 Iomraidhean Croise

Matthew 10:28

Niiy keꞌ winynyang moꞌāna pam wanch al-alantaman mulathayn niiyangana; than kemp thonakam mulathiythan, ngangk niiyantamana, an yaꞌa, keꞌ mulathiythan. Niiy nungantam piip God.antaman ep winynyang moꞌāna, nil aak wayakan nath kuchiy niiyang aak umpuyamana, kemp maꞌmangkamana putha ngangk niiyantam thampana theeꞌiy niiyang aak wayang angana thumang pench-penchinweya.

Luke 12:5

Niiy thonamantaman ep winynyang moꞌān, piip God.antamana nil epa mulathiy niiyang, aꞌ putha ngangk niiyantamana ep kuchiy aak wayakan. Yaa, puth niiyangan keꞌ kon-ngathow wik inpalana: niiy God.antaman winynyang moꞌāna!

Romans 14:13

Ngampaniya, keꞌ waaꞌ-waaꞌwump aak-yaꞌangan thaka. Ngampaniya maꞌ-aath-aathāmp thanang Christians wiy anangan than yipam minam iiy-iiyayna. Than pam wanch wiyangana nath ngaantam-ngeeyiythan thanttakamana keꞌ ngampan way yump-yumpanamp-a, than woyan ngamparamana nath wak-wakiythana. Ngamp keꞌ thaach-thaachāmp thananga wayan yump-yumpayna.

Romans 14:4

Puth than ananganiya, pam wanch God.antaman iiy-iiyantan, nilan ep moom thanttama, niiyiya yaꞌa. Niiyiy putha keꞌ waaꞌān thanang, aak-yaꞌangan thaka, nil puth God.angan ngangk thath-thathan thanttamana than nath way iiy-iiyantan, nath min iiy-iiyantan, nilam thiichan. Nilam maꞌ minangam ngul piꞌ-piꞌow thananga, thanan yipam woyan God.antaman min-minam wak-wakayn.

Romans 2:1

Puth niiy wik inan ngeeyān a! Niiy puungk wiyanganiya, niiy pam wanch wiy anangan waaꞌ-waaꞌaniy thanang, ngul an kan-kanam ey? Niiy weeꞌ-weeꞌanangana waaꞌ-waaꞌaniy thanang pam wanch wiy anangan-a, puth niiy thampang wayan iiy-iiyaniy-a, an keꞌ niiy niiyantakam waaꞌ-waaꞌwuniya. Niiyan puth keꞌ thawin keꞌ niiy ngoongk-ngoongkam niiy wayan yump-yumpaniya.

Romans 9:20

Puth ngamp keꞌ ngaantam-ngeey-ngeeyāmp nunang yimananganiya! Nil puth ngampangan yumpa, nil piꞌan paththam iiy-iiyan, God.ana. Ngampana keꞌ thawimp nungant, “Nint ngul ngeenak yumpan ngayang yimanangan a?”

Hebrews 7:25

Yaa, puth nanpalana, nil Jesus.angan kan-kanam kaaꞌ-piichanathiy ngampanga, in-inman-a, aꞌ ngulakam, than weeꞌ-weeꞌanangan ngangkan theeꞌayn nungantan, aꞌ wampayn nungant God.antan-a, an nil ep kaaꞌ-piichanathow thanang. Nil puth Jesus.an aak umpuyam man-yetham iiy-iiyan aꞌ thaaꞌ-pant thaw-thawan ngamparam piip-kunch God.antan, nil keꞌ yipam wayathow ngampang, nil thaw-thawan piip-kunchantan ngangk mamow ngampang aꞌ putha maꞌ-aathow ngampanga.

James 5:9

Ngurp ngatharam niiyalang, niiy wik inan thamp ngeeyān ngatharam. Niiy Christians wiy anangan keꞌ waaꞌān thanang, nil puth piip God.angan yipam keꞌ wayathow niiyang. Puth aakan yaam keꞌanam wunowa nil Christ.an palaman wampow aꞌ um nungantangan thanathow ngampang maꞌmangkamana, mep-mepow ngampang way yot ngampan yump-yumpamp. Nil Christ.an yaam keꞌanam puy-palan wampan ngampar!