James 2:7 - Wik-Mungkan

⁷ Nil Jesus.aniy-a, pam min paththama, puth than yaan waaꞌ-waaꞌantan nunang, wik way-way thampan. Ngamp puth pam wanch nungantam iiy-iiyanamp.

James 2:7 Iomraidhean Croise

Matthew 12:24

Than pam Pharisees al-alangan wik anangan ngeeyin thanttaman-a, thanan thawin thantana, “Nil oony way anangan kenthan thanang pam wanch al-alantamana nil puth oony way moom piꞌan alangan, Beelzebul alangan-a, maꞌ-kunch yump-yumpan nunang nil yipam oony wayan kenthow thanang pam wanch al-alantamana.”

Matthew 27:63

Aꞌ than thawin nungant, “Moom-ang, ngan kan ngaantam-ngeeyanana nil pam anan man-yethaman yippak iiy-iiy-a, nilaniy thawa, ‘Ngay aak awarangan maꞌ-koꞌalam thonakam wunānga, aꞌ anpalana ngayana koyam ngul mulaman ekāng.’ Nil puth Jesus.an yaan wik uuyama.

Acts 11:26

Nil uwanan-a, nil koyam kal nunang aak Antioch.akana. Pul Barnabas aꞌ Saul.angan puth angman wunpula, an kaap angman theeꞌ pulanta thanttang wiy al-alantangan pam wanch ngangkan theeꞌin nungant Christ.antan aꞌ than pam wanch yot anangan thaaꞌ-aath-aathin thanang. Than pam wanch aak Antioch.angan wun-wuninan-a, thananganiya kaꞌatham Christians waaꞌ-waaꞌin thananganiya.

Acts 15:17

Than pam wanch yotamana ngul wamp-wampayn ngathara. Aꞌ than Jews yaꞌ anangana ngayan miꞌ-miꞌang thanang ngatharakaman-a, than thamp ngul wamp-wampayn ngathar.’

Acts 26:11

Aꞌ puth ngaya maꞌ-yotam iiy-iiyangan church Jews.antamakan thon-thonangana ngay yipam way anman yump-yumpāng thantaniya. Ngay yaꞌangam paath-paathang thanang thaw-thawang thant wantayn nunang Christ.ana. Ngath man kul paththam wamp-wampa thantakaniya pam wanch anangana ngangkangaman piꞌ-piꞌin nunang Jesus.ana aꞌ ngay iiy-iiyangan aak piꞌ-piꞌanam thon-thonak aak nath-nathaniya way yipam yump-yumpāng thanta.

Acts 4:12

Puth nilaman Christ.angan thonakam ep kaaꞌ-piichanathiy ngampang way ngamparam anpalan, wiy-wiyangan-a, an yaꞌ aak ingman ngampan wunanamp, an yaꞌ paththam, nilam thonakam Christ.ang ep-paththam kaaꞌ-piichanathan ngampang.”

Ephesians 3:15

Ngampar piip thonam thonakam, nil ngampang pam wanch thaaꞌnganth thon-thonan yump, aak inganiy wunanamp, aꞌ than ngaantiyongk in keny thampangan wuntan, ngamp yotam nungantam anpalman wampamp.

1 Timothy 1:13

Ngay kaꞌathaman-a, wik wayanang kuyam waaꞌ-waaꞌangan nunang Jesus.ana, nench-nenchangan thaka, aꞌ pam wanch nungantam al-alantan way thak yump-yumpangan thant, puth thaamp-thaampangan thanang. Nungkway ngay pam way-wayaman iiy-iiyangan-a, nil Christ.angan-a, ngangk mamanya, puth ngaywey kaꞌathaman ngoongk-ngoongkam ngayan pam way iiy-iiyangan, ngay puth keꞌaman yippak ngaantam-ngeey-ngeeyangan nunanganiya nil nhengk God.antaman.

1 Peter 4:16

Puth than nath way iiy-iiyiythan niiyantanwey-a, niiy puth Christians iiy-iiyaniy-a, niiyana keꞌ nyaaꞌ-nyaaꞌan iiy-iiyān thanttamana, niiy thankyou thaw-thawān God.antan niiy puth pam wanch nungantam iiy-iiyaniya.

Revelation 19:13

Kulich nilan ngooncha chaapar thethang ngathant kulich inaniy. Puth thananiya namp inan waaꞌin nunang, “Wik God.antama.”

Revelation 19:16

Namp thonangan nunganta angman kulich nungantamang wunpin aꞌ namp thoniya angman pemar nungantamang wunpina. Aꞌ namp inan nungantiya: “Nil wuut piꞌan paththama keꞌ ngamp yimanangan nil yaꞌa.”