James 2:2 - Wik-Mungkan

² Nil nath pam maꞌmangkiy church niiyantamakan ngoonchiya, ngook min ngoonchiy aꞌ putha maꞌ ring thamp goldaman yumpin maꞌang kal-kaliya. Aꞌ anpalaniya pam thon anan wampiy nil maꞌmangkiy yaꞌanweya, ngook way ikanamangweya.

James 2:2 Iomraidhean Croise

Luke 15:22

Puth nil piip-kunchan pech thant pam al-alantan workan iiy-iiyin nunganta, ‘Erkam paththam ngook min pal kalān nungant, ngoonchathān nunanga, puth ring maꞌang thenchān nunganta, aꞌ thaꞌ murruk thaꞌang wunpān nungantanga.

Luke 23:11

Amanamaniya, Herod-a, putha pam soldiers nungantam al-alangan kan-ngul thaaꞌ-thengkathin nunang Jesus.ana, wik wayanang thakan thawin nunganta. Putha than soldiers al-alanganiya ngook min-minam ngoonchathin nunang Jesus.an, keꞌ ngook pam kings al-alangan ngoonch-ngoonchantana thanan yipam thaaꞌ-thengkathayn nunangweya. Aꞌ anpalana nil Herod.angan koyam ngul kuch nunang Pilate.antana.

James 2:3

Niiy natha pam anana ngook minangan thathin nunanga, aꞌ umangam iiyin nung, aꞌ puth thawin ngul nunganta, “Ayyang, nint yuk chair minang ingan nyiināna.” Aꞌ anpalana niiy nath thawin pam alantanwey nil maꞌmangkiy yaꞌana, “Ayyang, nint nangman thanāna, yaꞌamiya, aakang nyiināna! Thaꞌ ngatharang thintha!”