James 2:16 - Wik-Mungkan

¹⁶ Nil thonam puy weeꞌ-nathan thawiw nunganta, “Appow, minamwey wunāna, ngay kaangk nil pam thonamang piꞌow nintangana, may aꞌ ngook thakan theeꞌow nungkara.” Niiy puth wik yimanangan thawin nungant-a, aꞌ niiy puth may aꞌ ngook thakan keꞌ theeꞌin nungantweya, an min yaꞌa!

James 2:16 Iomraidhean Croise

Matthew 15:32

Nil Jesus.an thaw thant ngurp nungantam al-alantan pal wampayn nungant, aꞌ nil thaw thant, “Ngay ngangk mam-mamang thanang pam wanch inanganiya, puth thananiya maꞌ-koꞌalam ngul aak ingman ngatharangan iiyina, puth thananiya may keꞌanangwey wun-wunin. Ngayan kaangk keꞌ kuchāng thanangwey koyam aakakan iiyayn may keꞌ mungkanamana, thanan nath chip-chipamana ngul thaꞌ-thayan keekina.”

Matthew 25:35

Ngay meechan wun-wunangan-a, niiy may theeꞌ-theeꞌan ngathara: ngay ngakaman uth-uthamang-a, niiyana ngak uw-uwan ngathar; ngay aak kechaman wamp-wampangan-a, niiy aak niiyantamak kal-kalan ngayang.

Matthew 25:36

Ngay ngook keꞌanangan wun-wunang-a, niiyaniya ngook theeꞌ-theeꞌan ngathara; ngayang weech-weechan-a, niiyana minam piꞌ-piꞌan ngayangana; ngay aak jailangan wun-wunangan-a, niiy uw-uwan ngayangana.’

Mark 5:34

Nil Jesus.ana thawant, “Ayyang, nhengk ngatharam-ang, nint kan-kanam ngaantam-ngeeyan ngayangan, ngayan miyalathāng nintang. Anpalana, ngay kan-kanam puth miyalathang nintang. Nint kan-ngul ngangk minangam iiyān aak nungkaramakan, aꞌ kemp min anman iiyāna.”

Romans 12:9

Niiy kan-kanam paththam kaangk wun-wunān thanta pam wanch wiyantan, ngangk pal pekkuwamana. Niiy woyan wayakana man-mangkam theeꞌ-theeꞌāna; niiy keꞌ-ngoongkam anman woyan min anman wak-wakān a!

2 Corinthians 8:8

Ngay keꞌ thaw-thawang niiyant niiy ngangk minangaman iiy-iiyāna thant, wukal thakan theeꞌān thantanweya. Ngay lat inan umpang niiyanta waaꞌāng niiyant pam wanch anangan aak Macedonia.angan wuntan wukalan theeꞌantanweya niiy yipam ngaantam-ngeeyān woyan thanttaman wakāna, niiy meenathān niiy kaangk paththam wunaniy pam wanch wiyantanwey.