Acts 9:3 - Wik-Mungkan

³ Lat kanan uw-a, nil Saul.an kan-ngul iiy kungkam yaramanangana. Nil aak Damascus thinth ngulan wamp-a, aꞌ nganth wuut piꞌan paththam thath inpal kenyan park um nunganta.

Acts 9:3 Iomraidhean Croise

Acts 22:6

Nil Paul.angan waaꞌ ngul thant, “Aꞌ kinch keny ngulan-a, ngay aak Damascus thinth ngul iiy-iiyangan. Ngul yaam keꞌanamana, nganth wuut piꞌan paththam park yuw inpal kenyan ngatharanganiya.

Acts 9:17

Anpalana, nil Ananias.an iiy ngul aꞌ aawuchang pek ngoonch ngul aꞌ Saul.an uw nunang. Kanan uwan-a, nil maꞌ wunp nungant, aꞌ thaw nungant, “Ayyang, ngurp ngatharam Saul-ang, nil Lord Jesus.angana ngayang kuch nungkara, -- nilam Jesus.ana nintan thathan nganth piꞌanan park woyan wakanangana an nungantam thathan Jesus.antama -- nil ngayang kuch aak iikanakana nint yipam meeꞌ min ngul iiyān aak thathānweya, aꞌ putha Ngeen-Wiy Min God.antamana ngangkang ngoonchow nungkaranga.”

Acts 9:27

Nil pam namp Barnabas alangan ep ngaantam-ngeey nunang aꞌ thaw paththam, “Eeꞌa, nilwey kan-kanam ngurp Jesus.antam ngul weena,” aꞌ nil kuy theeꞌ nunang ngurp min Jesus.antam wiy al-alantan. Nil Barnabas.angan Saul.an waaꞌ nunang ngul thant, wik inangan thaw thant, “Nil Saul.angan Jesus Christ.an woyan ompamang thath nunang aꞌ nil Jesus Christ.an wik ngul thaw nungant, Saul alantan. Anpalana nil Saul.angan wik Christ.antam ngangk thayanam waaꞌ-waaꞌ thant, than aak Damascus.angan wuntan.” Nil Barnabas.angan Saul.an wik yimanangan waaꞌ thantana.

1 Corinthians 15:8

Aꞌ putha, aak ngul-ngulana, nil heavenakan koyam kanan mat-a, nil ngathar thamp ngul wamp.

1 Corinthians 9:1

Pam wanch wiy al-alangan waaꞌantan ngayang keꞌ pam min yaꞌa, puth thananiy-a, moom ngatharam yaꞌa. Nil moom ngamparam alangan Jesus.angan kuch ngayang wik nungantaman waaꞌ-waaꞌāng. Aꞌ puth ngay meeꞌ ngatharamang kan thathang nunang nilan wamp ngathar. Ngay kaꞌathaman wik Christ.antaman waaꞌ-waaꞌang niiyantana, aꞌ anpalaniya niiy ngangk ngul theeꞌ-theeꞌan nungant Christ.antana.

1 Timothy 6:16

Nil anman thonam keꞌ uthamiy, yaꞌa, murkanam anman man-yetham wun-wunowa; aak nungantaman park-parkan anman, ngaaꞌ keꞌam wun-wunana, yaꞌ anman, murkanam anman nganth piꞌan paththam park-parkana, pam wanch puth keꞌ wampiythan thinthamana, an yaꞌa. Pam wanchang aak keenkanamana keꞌ thathanam nunang; puth in-inman ngamp keꞌ thathimp nunang, yaꞌa. Ngamp thaaꞌ-kuump-kuumpāmp nunang, aꞌ putha min waaꞌ-waaꞌāmpan a! Niliya thay-thayanam anman wun-wunan, an kan-kanam paththam a!

Revelation 21:23

Thanan puth kinch-a, kepan keꞌ-ngul piꞌiythan aak piꞌan Jerusalem.angan, an puth God.antaman nganth kan park-parkana aak umyompanam angana, putha nil Lamb.an yimanangan tham nganth thamp.

Revelation 22:5

Aak anganiy aak ngaaꞌ keꞌ-ngulan ween-weenow an yaꞌ-ngul, an than nganthan keꞌ piꞌayn puth kinch alantaman ngantha an yaꞌ-ngul, an puth nil Lord God.antaman nganth park-parkan aak pal-puyana. Niliya nganth thanttama, thananiya angman nyiin-nyiinayn keꞌ moom, than thamp God.antangan aak piꞌ-piꞌayn aak umpuyama.