Acts 1:6 - Wik-Mungkan

⁶ Than yippak Jesus.antang karpaman iiy-iiyinan-a, than ngurp min nungantam anangan engkin nungant, “Lord-ang, nint aak yim-yimanangan aak ngamparaman palam keꞌ piiyin thanang ey? ngampan yipam aak ngamparam inan piꞌ-piꞌāmp, pam wiyangan aak ngamparam keꞌ yipam maayayna!”

Acts 1:6 Iomraidhean Croise

Matthew 17:11

Nil puth Jesus.an thaw, “Pam keꞌ Elijah yimanangana wampowa, pam wanch woyan wayaman koyam epankathow thanang woyan min God.antamakana.

Matthew 20:21

Nil Jesus.an thawant, “Nint kaangk ngeenak e?” Nil wanchan thawant, “Aak an-aniyangan nint moom piꞌan ngulan iiyān aak ing kenyan-a, nintan nhengk ngatharam keꞌ wunpin pulang nungkarangan nyiiniypul ey? Nil thoniya, maꞌ malang nyiiniya, aꞌ thoniya, maꞌ thakang keꞌ nyiiniy nungkarangan ey?”

Matthew 24:3

Aꞌ amanamana, nil Jesus.an aak achantangak ngul iiy, aak namp alantaniya yoyk Olives, aꞌ angman ngul nyiin-nyiin. Aꞌ than ngurp nungantam anangan wampin nungant, thananiya pokkapang ngul thaw-thawin nungantana, “Ayyang, than ngul aawuch ngench thayanan aak ngeen ngul keekathayn e? Nil puth God.angan ngeen meenathow nganta aakaniy-a, thinth ngul wampan nint putham palaman ngul wampānan aꞌ puth aak inan minchowana?”

Mark 9:12

Nil puth Jesus.an thaw thant, “Pam keꞌ Elijah yimanangan wampowa pam wanch woyan wayaman koyam epankathow thanang woyan min God.antamak. Puth lat ngench thayan God.antamangan wik inangan ngeenak waaꞌ, ‘Pam wanch wayanang al-alangan wayan ngul yump-yumpayn ngathara, aꞌ man-mangkaman theeꞌayn ngathar, ngay pam inman God.angan kuchanya.’

Luke 17:20

Aꞌ than pam Pharisees anangan engkin nungant Jesus.antan, “Nil God.angan aak ngeen nathan meenathow nungamang nil moom piꞌan paththaman iiyow a?” Nil puth Jesus.ana thaw thant, “Nil engk-engkanangan keꞌ meenathiw nungamang nil moom piꞌan want-wanttakan iiy-iiyan.

Luke 19:11

Anpalaniya nil Jesus-a, putha pam wanch anangan nungantangan iiy-iiyin-a, than kan-ngul iiy-iiyin aak um Jerusalem.akan. Than aak thinth ngulan wamp-wampin-a, pam wanch al-alangan kan-ngul ngaantam-ngeey-ngeeyin thanttakaman, “Aak Jerusalem.angan-a, nil piip God.angan yip-yipam meeꞌ-engkanang meenathow nungamang nil moom piꞌan paththamana, aꞌ pam wanch yotam anangana yal-yalmathow thanang maꞌ nungantangan ngul iiy-iiyayna.” Aꞌ nil Jesus.angan wik kath inan ngul waaꞌ-waaꞌ thant,

Luke 22:29

Piip ngatharamangana moom piꞌan yumpanya, an yimanangana ngay moom piꞌan yump-yumpāng niiyang thampa.

John 21:21

Nil Peter.angan thath nunang, pam anan, aꞌ thaw nungant, Jesus.ant, “Ayyang, pam nil inan want-wanttak mul wunow a?”