Biblia Todo Logo
Bìoball air-loidhne

- Sanasan -




2 Peter 3:2 - Wik-Mungkan

2 Ngay kaangk niiyana kuchekangam piꞌ-piꞌān wik anangan than prophetsan thaw-thawin keenkanaman aꞌ putha wik thayan anangan Jesus.antama moom ngamparamantamana, nil alangaman ngampangan kaaꞌ-piichanath. Nil God.ang pam yot kuyam kuch thanang than yipam wik nungantaman waaꞌ-waaꞌayn niiyantana.

Faic an caibideil Dèan lethbhreac




2 Peter 3:2
20 Iomraidhean Croise  

Than prophets al-alangan keenkanaman wik God.antaman wantin ngampar. Thanan thawin nil God.angan kan-kanam kaaꞌ-piichanathow ngampang pam wanch al-alantaman thanan kaangk keꞌ ngampangan, aꞌ putha way thakan yumpantan ngampar.


Aꞌ nil Jesus.angana wik God.antam keenkanam anangan engk-engkanang waaꞌ-waaꞌ pulant ngula. Kaꞌathamiya wik Moses.antam waaꞌ-waaꞌ pulant. Anpalaniya wik pam prophets al-alantaman nil kooch-koochanath pulant than keenkanaman waaꞌin nunang Jesus.an.


Aꞌ nil Jesus.an thaw thant ngula, “Ngay keꞌaman yippak uthamangan-a, ngay kan waaꞌ-waaꞌangan niiyanta, than Moses-a, puth prophets al-alangan keenkanaman latangan umpin waaꞌin ngayang putha lat Psalms.angan waaꞌ-waaꞌin ngayang thamp. Ngay kaꞌathaman kan waaꞌ-waaꞌangan niiyant aak ngeen nathan wampow ngathara, puth inan kan-ngul wamp ngathara. Than puth keenkanaman kan-kanam umpin lat ngench thayanangan.”


Than pam prophets yotam al-alangan wik min God.antaman waaꞌ-waaꞌin ngampara, than Jesus.an waaꞌ-waaꞌin ngampar. Thanan thawin nil Jesus.an thayan, nil God.an puth nanpalan kon-ngathowan way thanttam pam wanch al-alantam than nunang Jesus.an ngangkangaman piꞌ-piꞌantan nunanga.”


Aꞌ than wik yump-yumpin nungantang Paul.antang aak ngeenan than wampayn Jews yotam anangana than yipam wik ngeeyayn nunang Paul.ana. Than Jews yot wampin aawuch Paul.antamakan aꞌ nil thaw-thaw thant puth ngaaꞌthiyangam anpalan-a, aak ngut-ngutangakama. Nil wik koochanath thanta aꞌ waaꞌ thant nil God.an moom piꞌan paththam thanttam al-alantaman pam wanch than ngangkan theeꞌin nungantana aꞌ nil thaaꞌ-aath-aath thanang Lord Jesus Christ.antamana. Nil waaꞌ thant wik Moses.antam anangan aꞌ putha wik thanttam pam prophets al-alantaman, thanan waaꞌ-waaꞌin nunang Jesus.an aak keenkanamana.


Nil puth God.angan aak keenkan kan waaꞌ thant pam prophets al-alantana nil mul ngul wunowa. Nil Jesus utham ngulan-a, ngampan puth kan-ngul thathampa nil God.an kan-kanaman thaw aak keenkanamana.


Nilan puth angam kenyan wunow aak nungantanga aak-aakanakaman nil God.angana yuk way min maꞌmangkamana nyiingkanam ngulan yumpowa, keꞌ than pam prophets al-alangan keenkanaman waaꞌ-waaꞌin, wik God.antamana.


Nil weeꞌ-nathwey ngangk way-wayam paththam iiy-iiyiy-a, yaꞌamiy-a, natha oony way Satan alangan thaach-thaachiy nunangwey way yumpanakan-a, yaa, niiyiya pam wanch anangan maꞌ-aathān thanang min yumpanakana aꞌ putha ngangk thayanathān thanang ngangk wayan wuntan. Puth aak yimanangan wunan wik thayan Christ.antaman ngeeyāmpa!


Iniya keꞌ God.angan aawuch piꞌan kaachan. Nil keenkanamana pam kuch thanang wik nungantaman kalayn wiyantan. Anpalaniya nil Jesus Christ.ang pam wiy anangan kuch wik nungantaman waaꞌayn pam wanchantan. Wik thanttamana keꞌ yuk yimanangan kaꞌathaman thanathantan aawuchan kaachantan. Nil Christ.aniya keꞌ yuk anangan aawuch pal pekkuw wuntan, nil aawuchan yipam thayan anman than-thanow, keꞌ keekiya. Ngampiya keꞌ yuk wiy anangan than karpaman than-thanathantan aawuch pal pekkuwamana. Nil God.angan ngampang keꞌ aawuch nungantakam kaach-kaachan, aꞌ Ngeen-Wiy Min nungantaman angman wun-wunan ngamparang aawuchang angman. An keꞌ God.ang yimanangan yal-yalmathan ngampang karpam Christians anangan, aꞌ karpathan ngampang nungantang Christ.antang, ngamp yipmam keꞌ aawuch thayan thanāmp aꞌ nil yipmam ngampang maꞌ-aathow keꞌ aawuch min yimanangan wun-wunāmp nungant God.antan.


Nil God.angan keenkanaman keꞌam yippak engkanang waaꞌ thant pam wanchantan, yaꞌa, nil puth Ngeen-Wiy Min nungantamang wik kan-ngul engkanang pentath ngant, nganangan God.angan miꞌ aꞌ kuch nganang wik minan waaꞌān wiyantana.


Nintiy putha, wik ngatharaman ngeey-ngeeyāna, keꞌ wayamān, puth kan-kanam paththam wik ngeey-ngeeyāna, nil God.angan pam way keꞌ yipam waaꞌow nintang. Wik ngatharaman ngeey-ngeeyāna aak-aakanakaman, nil Jesus Christ.an moom ngamparaman palaman ngulan wampow aak iikanakana.


Nil pamang nathwey keꞌwey thiichiy woyan Jesus.antaman-a, an way nungant. Nil God.angan wik thayan nungantam kan theeꞌ ngampar. Puth pamangan nil nath thiichiy woyan Jesus.antaman-a, aꞌ wik thayan God.antaman-a, aꞌ wantiy ngulan-a, an way-wayam paththam nungant.


Ngamp inangan min-min ngeeyāmpweya: nil moom ngamparam Jesus.ana palam wampow, puth nil yippak kuup-kuupan nil yipam wiy thamp pam wanch kaaꞌ-piichanathow thanangweya. Kuunch ngamparam Paul alangan wik inaniy maꞌ-yotam ump ngampar thampa. Niliya pam God.antama aꞌ piip God.angan kuchek waap min-minam theeꞌant nil yipam wik minan umpow ngampar. Wik wiy anangan nilan ump-ump lat nungantamangana an wik engkanang keꞌam wuntan yaꞌa, an wik wuthanang. Pam puungk wiy al-alangana wik nungantam anangana way-way waaꞌ-waaꞌantan an puth anpalanwey than woyan min anpalan waank ngul thechantan. Wik wiy anangan thamp piip God.antamana lat ngench thayanangan-a, an yimanangan way-way waaꞌ-waaꞌantan. Aꞌ wik God.antaman minam keꞌam ngaantam-ngeeyantan. Anpalan puth-a, nil God.angan kuchow thanang aak wayakana.


Puth ngamp inanganiy-a, an ep puk God.antam iiy-iiyanampa. Ngamp want-wanttak meeꞌmiy pam wanch nath puk nungantam God.antam iiy-iiyantan, nath yaꞌan yaakaꞌa, puk nungantam oony way alantaman nath iiy-iiyantana? Ngamp inpalan ep meeꞌmiy wunāmpa: than weeꞌ-weeꞌanang piip God.ana kan-kanaman ngaantam-ngeeyantan nunang-a, an than ep wik ngeeyantan ngampangan. Aꞌ weeꞌ-weeꞌanang piip God.an keꞌaman ngaantam-ngeeyantan nunang-a, an than wik keꞌ ngeeyantan ngampang thamangan, yaꞌa.


Moom ngamparam Jesus Christ.angan-a, pam yot kuch thanang wik min nungantaman waaꞌ-waaꞌayna. Aꞌ thananiya kaꞌathaman kan waaꞌin niiyant ngeen nathan wampow aak ngul-ngulana. Niiy wik inangan ngaantam-ngeeyān thanang.


Puth ngayaniya thaꞌ nungantang angman pungkang nyiinangan, keꞌ thaaꞌ-kuumping nunanga, puth nilan thaw ngathara, “Keꞌ thaaꞌ-kuumpān ngayanga! Ngay moom yaꞌa! Ngay yimanang thamp work iiy-iiyang God.anta keꞌ nint yimanangana. Ngay putha keꞌ kuunch niiyantam yimanangan, niiy anangana wik Jesus.antam anangan ngangkangaman piꞌ-piꞌaniy nilaman waaꞌ-waaꞌ ngampar. Nungamang thonakama thaaꞌ-kuumpāmpan Goda!” Nil puth Jesus.angan wik kan-kanam paththam anangan waaꞌ-waaꞌa. Nil keꞌam wik nguncha yaꞌa. Than wikan waaꞌantan God.antaman-a, thananiya wik kan-kanam paththam anangan waaꞌantan Jesus.antam anman.


Lean sinn:

Sanasan


Sanasan