1 Peter 3:8 - Wik-Mungkan

⁸ Aꞌ niiy Christians yotamanganiya inan ngeeyāna: niiy ngangk minangam karpam anman iiy-iiyān, minam piꞌ-piꞌwun niiyantakamana keꞌ niiy kampan niiyantam anangan piꞌ-piꞌaniy thanang, niiy ngangk mam-mamān thanang wiy anangan aꞌ keꞌ ulp-ulpāna!

1 Peter 3:8 Iomraidhean Croise

Matthew 18:33

Puth nint thampan keꞌ ngangk mamin nunangan ey? pam thon anan ey? In nint pam way paththam a!’

Luke 10:33

“Yaam keꞌanam-a, pam thonangan ngul woyan anman wak. Nil pam inana thaaꞌnganth thonangana, aak anpal wamp Samaria.ama. Aꞌ angman wamp nungant nil pamana wun-wuna, chaapar thamangana, aꞌ ngangk mamana.

Acts 2:1

Aak an-aniyangan-a, than aak Pentecost.an waaꞌantan, aak anan kanan wamp-a, than Christians yotam anangan yalmathwin thanttakam aak thonamanga.

Acts 27:3

Ngaaꞌ thonang ngulana ngan ang wampan Sidon.ang. Julius.an min anman iiy-iiy nungant Paul.antan aꞌ kuch nunang puth iiyow aꞌ uwow thanang ngurp nungantam anangana than yipam theeꞌayn nungant anangan nilan kaangkweya may aꞌ ngook thakana.

Acts 28:7

Aak nganan wampan thantan-a, an aak kech keꞌanama aak nungantamaniya pam moom piꞌan alantaman aak pik-otangakan nila, namp nungantiya Publiusa. Nil pam min paththam iiy-iiy ngantana aꞌ thaw ngant aak-aakanak iiyān aꞌ ang wunān aak nungantang maꞌ-koꞌalamaka.

Acts 4:32

Than pam wanch yot anangana than monkan-wakantan nunang Jesus Christ.an-a, than karpam anman ngaantam-ngeeyin nunangana, putha keꞌ thonamang anman minaman iiy-iiyin. Than may thakan aathwin. Thanan keꞌam thawin, “May inangan aꞌ wukal thakan ngatharakama.” Yaꞌa, an keꞌam thawin. Than may aꞌ wukal anangan yaarkathwin thanttakaman.

Romans 12:10

Niiy kaangk wun-wunān niiyantakamana keꞌ niiy kuuncha kaath piip thonamam yimanangana; minam iiy-iiyān niiyantakamana, minam ngeey-ngeeywuna.

Romans 15:5

Ngampar way nathwey wampowwey-a, nil God alangaman maꞌ-aath-aathow ngampang Jesus Christ anman monkan-wak-wakāmp nunang, aꞌ putha ngangk minangam iiy-iiyāmpa. Ngay kaangk nil Jesus Christ.angana maꞌ-aath-aathow niiyang niiy yipam minam anman iiy-iiyān niiyantakamana, keꞌ nil Jesus anman ngangk minangam iiy-iiy thon-thonantan,

1 Corinthians 1:10

Niiyalang, ngurp ngatharam-ang, nil Christ.an kaangka ngay wik inangan thaaꞌ-thayanam thaw-thawāng niiyantana: ngampana keꞌ thonamang anman monkan-wak-wakāmp nunang, Jesus Christ.ana, kul keꞌ uw-uwāmp ngamparakamana, aꞌ keꞌ yaarkathwump ngamparakamana, yaꞌa, ngamp karpam anman iiy-iiyāmp aꞌ ngaantam-ngeey-ngeeyāmp thakan kuchekangana.

1 Corinthians 12:26

Nil thonam ngamparamweya nath ngangk way wun-wuniywey-a, yaa, ngamp yotaman ngangk way wun-wunimpa nungantang thampa. Aꞌ putha, than wiy al-alangan nath pam thonam ngamparamwey thaaꞌ-kuump-kuumpiythan nunang-a, an ngamp yotaman karpam anman ngangk min-minam paththam wun-wunimpweya.

Ephesians 4:2

Niiy keꞌ ulp-ulpanang iiy-iiyāna, keꞌ erkaman man kul wampow niiyanta puth niiyiya thaaꞌ mich-micham thawān thant wiyantana. Than wiy al-alangan nath ngangk way yumpiythan niiyang-a, niiyaniya, anman ngangk minangam iiy-iiyān thant.

Ephesians 4:31

Yaa, niiyaniy-a, keꞌ thaaꞌ poch-pocham thaw-thawān aꞌ keꞌ man kul wampow niiyant, keꞌ ngangk kul piꞌ-piꞌān niiyantakamana, keꞌ akān thanang wiy anangana, aꞌ puth wayan keꞌ yumpān thanta.

Ephesians 4:32

Nil Christ.an utham niiyant nil God.angan yipam keꞌ-ngul ngaantam-ngeeyow way niiyantamana. Yaa, niiyaniya, yimanangan ngangk minangam iiy-iiyān thant wiy al-alantan, ngangk mam-mamān thananga. Way thanan yump-yumpin niiyant-a, niiy keꞌ ngaantam-ngeeyān, kon-ngathow niiyang ngula.

Philippians 2:3

Niiyana niiyantakaman thonakam keꞌ ngaantam-ngeey-ngeeyāna, aꞌ niiyan piꞌan keꞌ yumpwun niiyantakam. Niiy keꞌ ngaantam-ngeeyān keꞌ niiy minan iiy-iiyaniya, aꞌ puth wiy anangan keꞌ yaꞌana. Niiyiya putha pam wanch wiy anangan minam ngaantam-ngeeyin thananga,

Philippians 3:16

Puth ngampaniya anman woyan thonam anman wak-wakāmpa, ngampaniya anman paath-paathāmp, nil yimanamana, pam wanch min yipam iiy-iiyāmp keꞌ Jesus Christ anmana.

Colossians 3:12

Ngamp yotam inangan pam wanch God.antam iiy-iiyanamp. Nil kaangk ngampang aꞌ puth nil ngampang miꞌ pam wanch nungantakaman iiyāmp. Puth ngampan thanang pam wanch anangan ngangk mam-mamāmp thanang. Ngamp ngangk minangam iiy-iiyāmp thant. Ngamp mochanam iiyāmp thanta. Ngamp pam wanch wiy anangan ngaantam-ngeey-ngeeyāmp thanang aꞌ puth min yumpāmp thant. Than ngampar wayan yumpayn-a, puthangkan way keꞌ yumpāmp thant. Ngamp wik itangam thawāmp thant koyamaniya.

Hebrews 13:1

Ngay wik inan waaꞌāng niiyant: ngamp Christians inangan kaangk wunāmp ngamparakama, ngamp keꞌ kuunch yimanangan iiyāmpa, puth keꞌ eenchāmp.

James 2:13

Puth ngampwey keꞌan ngangk mamimp thanang wiy anangan-a, yaa, nil piip God.angan keꞌ ngangk mamiy ngampangan thampanga, yaꞌa, nil mep-mepow ngampang aꞌ way waaꞌow ngampangan. Puth ngampweya ngangkan mam-mamimp thanang wiy anangan-a, yaa, nil puth piip God.angana puthangkana ngangk mamow ngampang thampa, aꞌ putha wayan keꞌ waaꞌiy ngampang yaꞌ paththam.

James 3:17

Puth nil piip God.an thaw ngampara ngamp minam iiyāmp, kul keꞌ thawāmp thant wiyantan, puth wik itam thawāmp thant, aꞌ wik ngeeyāmp thanang thamp. Puth nil thaw ngampar thamp ngamp ngangk mamāmp thanangwey pam wanch puk wiy anangan aꞌ min iiyāmp thantwey thamp. Aꞌ puth-a, ngamp kan-kanam woyan nungantaman wak-wakāmp, woyanamana mel keꞌ enchāmpa, yaꞌa.

James 5:11

Ngamp ngaantam-ngeeyāmp thanangan puth than ngangk minangaman iiy-iiyina, thanan puth aak thaampina aꞌ thanana keꞌ-ngoongkam anman monkan-wak-wakin nunang God.ana aak wayan wamp thant. Niiy puth wik kan ngeeyan pam Job alantamana. Nungkway aak way yotan wampin nungant-a, nilan aak thaampweya, keꞌ-ngoongkam anman ngaantam-ngeey nunang God.ana. Anpalana, nil God.an min iiy nungant, aꞌ ngangk min paththam yump-yumpana. Aꞌ nil God.an min kan-kanam paththam iiy-iiyan ngampara, aꞌ ngangk mam-maman ngampanganiya.

1 Peter 1:22

Niiy wik God.antaman kanam minam ngeey-ngeeyana an wik kan-kanama, aꞌ anpalaniya niiy woyan wayan kanam wantan, ngangk niiyantamana kan-ngul pach iiy-iiyaniy wik min God.antaman ngeey-ngeeyan, anpalana. Niiy puth kaangk wun-wunān Christians wiy al-alantan thamp, niiy yaan-yaanangana keꞌ kaangk wunān thant yaꞌa, niiy kan-kanam paththam kaangk wun-wunān thant.

1 Peter 2:17

Aꞌ niiy ngangk minangam iiy-iiyān thant pam wanch yotamantana, aꞌ minam piꞌ-piꞌān thanang Christians wiy anangana. Niiy anman ngaantam-ngeey-ngeeyān nil God.an moom piꞌana, ngangk way keꞌ yump-yumpān nunang. Aꞌ ngangk minangam iiy-iiyān pam moom piꞌan king alantana.

1 Peter 5:5

Aꞌ niiy pam kompang wik ngeey-ngeeyān thanang wuut manth-thayan anangana. Niiy piꞌan keꞌ yump-yumpwun niiyantakamana, puth niiy ngangk minangam maꞌ-aath-aathwuna. Puth lat ngench thayanang inan waaꞌ-waaꞌana, “Nil God.angan man-mangkam theeꞌ-theeꞌan thant pam wanch al-alantan than ulp-ulpanangan iiy-iiyantan, putha nil min iiy-iiyan thant than keꞌan ulp-ulpanangan iiy-iiyantan.”

2 Peter 1:7

aꞌ putha ngampiya kaangk wunāmp thama pam wanch Christians wiy al-alantan aꞌ putha ngangk minangam iiy-iiyāmp thant pam wanch yotamanta.

1 John 3:14

Puth ngampaniy-a, Christians wiyantan ngangk minangam iiy-iiyanamp thanta, ngamp nanpalan meeꞌmiy ngampan woyan anman wak-wakāmpa ngangk aak umpuyaman wunanakan God.antangana; woyan thon anan-a, mul wunanakan-a, anan too ngul wantampa. Nil weeꞌ-nathan Christians wiyantan kaangk keꞌ wuniw-a, an nil God.antangana keꞌ wuniy, yaꞌa, aak wayakan iiyow angman wunowa.