1 Peter 2:10 - Wik-Mungkan

¹⁰ Kaꞌathamaniya, niiy pam wanch God.antaman keꞌam iiy-iiyan, yaꞌa, puth niiy inaniya epa pam wanch God.antam ngula. Kaꞌathamaniya niiy keꞌ meeꞌmiya yaꞌa nil God.angan ngangk mamow niiyangana, puth inan ep ngula niiy meeꞌmiy ngul nil ngangk mam-maman niiyanganweya.

1 Peter 2:10 Iomraidhean Croise

Romans 10:19

Ngul than Jews al-alangan wik keꞌam thiichin ey? Yaꞌa, an than kanam thiichina, nil puth Moses.angan wik God.antam inangan waaꞌ-waaꞌ thanta: “Niiyiy thonakam ngaantam-ngeey-ngeeyaniya than pam wanch aak thonangan wun-wuntanan-a, wik God.antamana an ngoongk-ngoongkamweya aꞌ way paththam iiy-iiyantana. Ngay puth pam wanch wiy anangan thananga ngay ngul umpāng pam wanch ngatharam ngul iiy-iiyayna, puth anpalmana niiyana man kul ngul wampow niiyant, aꞌ meeꞌ-wun-wunān thantana.”

Romans 11:30

Niiy Jews yaꞌ il-ilangana, kaꞌathaman niiy God.an keꞌam wik ngeey-ngeeyan nunangana, yaꞌa, puth yimanang ngulana nil God.angan kan-ngul ngangk mam niiyang, ngeenam putha, than pam wanch Jews al-alangana keꞌam wik God.an ngeey-ngeeyin nunang yaꞌa.

1 Corinthians 7:25

Yaa, ngay kan thon inan waaꞌāng niiyanta, niiy wikakanwey engkan ngathar pam wanch maꞌ-ampanam al-alantamana. An nil Christ.angan keꞌam waaꞌ ngathar ngay wik want-wanttakan thawāng niiyanta, puth ngay kan ngaantam-ngeey-ngeeyang ngatharakamana, aꞌ ngay waaꞌāng niiyant ngul. Niiy wik ngatharam ngeey-ngeeyāna, nil puth God.an min iiy-iiy ngathara, aꞌ putha workan maꞌ ngatharang theeꞌ ngul.

1 Timothy 1:13

Ngay kaꞌathaman-a, wik wayanang kuyam waaꞌ-waaꞌangan nunang Jesus.ana, nench-nenchangan thaka, aꞌ pam wanch nungantam al-alantan way thak yump-yumpangan thant, puth thaamp-thaampangan thanang. Nungkway ngay pam way-wayaman iiy-iiyangan-a, nil Christ.angan-a, ngangk mamanya, puth ngaywey kaꞌathaman ngoongk-ngoongkam ngayan pam way iiy-iiyangan, ngay puth keꞌaman yippak ngaantam-ngeey-ngeeyangan nunanganiya nil nhengk God.antaman.

Hebrews 4:16

Nil Jesus.ana anman God.antang, yaa, ngampaniya keꞌ winynyang moꞌāmp, ngamp thintham wampāmp nungant, aꞌ ngangk thayanam wik thawāmp nungant. Nil puth pam min thayan paththam, puth ngampan ep mich pongam iiyanamp. Nilam thonamang ep ngangk thayanathiy ngampang. Than wiyangan thaachayn niiyangan way yumpanakan-a, nil ngul maꞌ-aathow niiyang aꞌ niiyana aak thaampān, way anangan keꞌ yumpāna.