1 Peter 1:8 - Wik-Mungkan

^8-9 Nungkway ngamp keꞌ thathimp nunang Christ.an-a, ngamp puth kaangk wun-wunāmp nungant, aꞌ putha ngangkang thamp piꞌ-piꞌanamp nunang, putha ngamp monkan-wak-wakanamp nunang. Anpalana nil God.angan minam piꞌ-piꞌow ngampang aꞌ kalow ngampang ngul aak nungantang wun-wunāmp, keꞌ-paala ngamp ngangkam nyiinanampa, ngangk ngamparan min-minam paththam yam pekan wun-wunana.

1 Peter 1:8 Iomraidhean Croise

Matthew 10:37

“Ngay thon inan waaꞌāng niiyant: nil weeꞌ-nathwey kaath piip nungantamak kaangk wunan paththamwey-a, aꞌ ngatharana chil-chilwey kaangk wunow-a, an puth nilana ngurp ngatharam keꞌ iiyow yaꞌa. Aꞌ nil weeꞌ-nathwey puk nungantamakan kaangk wunan paththamwey-a, aꞌ ngatharan chil-chilwey kaangk wunow-a, an nilana ngurp ngatharam keꞌ iiyow, yaꞌa.

John 14:15

“Niiywey kan-kanaman kaangk wunin ngathar-a, niiy puth wik ngatharaman-a, ngeey-ngeeyān, wik ngayan thaw-thawang niiyant.

John 14:21

“Than weeꞌ-weeꞌanangan wik ngatharaman ngeey-ngeeyayn-a, than anangaman kaangk wuntan ngathar. Nil piip ngatharaman ngul kaangk wunow thant than ngatharan kaangk wuntan; ngay thamp yimanangan ngul kaangk wunāng thant, aꞌ ngay ngul meenathāng ngathamang thant.”

John 14:24

Than anangan kaangk keꞌ ngatharaman-a, than puth wik ngatharam keꞌ ngeeyantan, yaꞌa. Wik anangan ngayan waaꞌang niiyant-a, an wik ngatharam yaꞌa, ngay-ngayam keꞌam wik maayangan thanang, wik anangan, puth wik piip God.antama, nilan kuch ngayang.

John 16:22

Aakan yimanang ngulan wunow niiyant. Puth inman niiy yippak ngangk way-wayam iiy-iiyaniy, puth ngay puthaman ngul thathāng niiyang. Aak an-aniyangan-a, niiy ngangk min-minam paththam ngul iiy-iiyān, wiyangan puth keꞌ wayathiythan niiyang yaꞌa, niiy puth ngangk min ngul anman wun-wunān.

John 20:29

Aꞌ nil Jesus.an-a, Thomas.ant thaw, “Nint ngayang ngurp thathan, aꞌ nanpalan nint ngaantam-ngeeyangan ngay mulaman ekangan. Nungkway than wiy al-alangan ngurp keꞌ thathayn ngayang-a, an than ngul ngaantam-ngeeyayn ngay mulaman ekangan. Than anangan-a, ngangk min paththam ngul wunayn.”

John 8:42

Nil puth Jesus.an thaw thant, “Nil puth God.an piipiy niiyantamwey-a, niiy puth kaangk wunin ngathar, puth ngay ina God.antam anpalan wampanga, aak iikanakan ukang niiyant. Ngay puth ngay-ngayam keꞌ wampang, yaꞌa, nilam kuch ngayang aak iikanakan.

Acts 16:34

Anpalaniya, nil pam jailan piꞌ-piꞌa, ngoonchath pulang aawuch nungantamang, aꞌ may aath pulang. Nil pam anman ngangkam nyiin-nyiin ngul aꞌ kampan nungantam thampang ngangk min ngul iiy-iiyin puth than ngangk kan theeꞌin Jesus.ant.

Romans 14:17

Nil God.ana moom piꞌan ngamparama, ngampiya maꞌ nungantang iiy-iiyanamp, ngampiya maꞌ-yotam keꞌ ngaantam-ngeey-ngeeyāmp may minh anangan mungkanampa. Ngamp inan ep ngaantam-ngeey-ngeeyāmpa: ngamp minam iiy-iiyāmp meeꞌ God.antangana, aꞌ putha ngangk minangam wun-wunāmp ngamparakamana, aꞌ ngangk minangam iiy-iiyāmp puth Ngeen-Wiy Min God.antamana ngangk ngamparangan wun-wunan.

Romans 15:13

Nil God.angana maꞌ-aath-aathan ngampang ngamp yipam kan-kanam ngaantam-ngeey-ngeeyāmp nunangana Jesus.ana nilan kaaꞌ-piichanathow ngampanga. Ngay kaangk nil God.angan ngangk min yumpow niiyang, ngangk winy-winynyangan yaꞌa, niiywey nunang anman ngangkangan piꞌ-piꞌāna. Amanamana, nil Ngeen-Wiy Min God.antam alangan ngul maꞌ-aath-aathow niiyang, meeꞌmiy yump-yumpow niiyanga, niiy ngulana aak God.antang ngul wun-wunāna aak umpuyangamana.

1 Corinthians 16:22

Nil weeꞌana God.antaman kaangk keꞌan-a, nil God.angan way paththam waaꞌowan aꞌ aak wayak ngul kuchowan. Ayyang! Moom nganttamang, pal oth-oth wampāna!

2 Corinthians 1:22

Nilana Ngeen-Wiy Min nungantaman kuch ngampar ngangk ngamparangan wunow nil yipam meenathow ngampar ngampaniy nungantakam ngulan, aꞌ putha ngampan yipam meeꞌmiy weenāmp aak ngul-ngulana ngamp aak min nungantamang wunāmp ing kenyana.

2 Corinthians 12:4

Aak ing kenyana nil pam alangana wik thaaꞌ-wantanam wik ngench thayan anangan ngeey-ngeeya, an puth ngencha, nil wik anangan keꞌ waaꞌiy yaꞌa, nilam God.ang thonakama ep waaꞌow.

2 Corinthians 4:18

Puth ngan piip God.an ngaantam-ngeey-ngeeyanan nunang putha aak nungantaman thama, puth yuk way min aak imanaman yaam keꞌ ngaantam-ngeeyān thanang, yaꞌa. Ngan yuk way min inangan kan thath-thathanana, puth ngulana wayamantan, min anman yaam keꞌ wuniythan yaꞌa. Ngamp God.an keꞌ thathimp nunang putha aak nungantam thampan, puth an ep-paththam keꞌ wayamiy yaꞌa aak umpuyangam wun-wunow.

2 Corinthians 5:7

Ngamp God.an keꞌ thathanam nunang aꞌ putha aak nungantamana thamp keꞌam thathampa, puth ngampana kan-kanam ngangkangam piꞌ-piꞌanamp nunang aꞌ puth ngamp meeꞌmiy ngamp aak umpuyaman wun-wunāmp nungantangan.

2 Corinthians 9:15

Ngampan paththam thaaꞌ-kuumpāmpan God.ana, nil ngangk minang puk nhengk nungantaman kuch nunang aak iikanakan uka, wik inana an min-minam paththam ngampar wik inaniy ngeey-ngeeyanamp Christ.antamana, puth ngampan want-wanttak thiichimpa? Wik inaniya min-minam paththama!

Galatians 5:22

An puth nil Ngeen-Wiy Min God.antam alangan ngangk thay-thayanathan ngampanganiy ngamp yipam min yump-yumpāmp thant wiyantana, aꞌ putha ngangk minangam iiy-iiyāmp ngamparakamana. Niliya maꞌ-aath-aathan ngampang ngangk minangaman iiy-iiyāmp God.antan, aꞌ puth-a, niliya ngangk min yumpan ngampang thampa, aꞌ putha nil ngangk ngamparamana enyanam yumpan. Nil maꞌ-aath-aathan ngampang ngampan yipam keꞌ wayamāmp ngamparakamanweya, ngampiya min paththam yump-yumpāmp thant wiyantanwey, min iiy-iiyāmp thantwey. Nil maꞌ-aath-aathan aꞌ thayan paththam yump-yumpan ngampang ngamp yipam maꞌ-yotamana maꞌ-aath-aathāmp ngamparakamana, keꞌwey eenchāmp ngamparakamana yaꞌa.

Galatians 5:6

Nungkway ngeen-wiy peꞌan keꞌ umpin nganang-a, nath yaꞌwey-a, kan umpin nganang-a, an kana, ngan nungantakam Christ Jesus.ant. Inana wik piꞌan paththama wun ngampar: ngampiya God.an ngangkangam piꞌ-piꞌāmp nunang aꞌ kaangk wunāmp nungant aꞌ ngamp puth ngangk minangam iiy-iiyāmp pam wanch wiyantan.

Ephesians 3:19

Ngamp kanak Christ.an ngaantam-ngeey-ngeeyanamp nunang, nilan kaangk wunan ngampar, ngamp puth min-minan keꞌam yippak thiichanamp nunanga, puth nilan ep-paththam kaangk wunan ngampar. Aꞌ ngay thaw-thawang nungant God.antan nil yipam ngangk ngamparamang ngoonchow ngamp yipmam keꞌ nilam anman iiy-iiyāmp.

Ephesians 6:24

Ngay kaangk God.ana min iiy-iiyow pam wanch yotamantan, than weeꞌ-weeꞌanangan kan-kanaman kaangk wuntan moom piꞌan Jesus Christ.antan, keꞌan wayamantan nunganta. Anman kan. Paul.

Philippians 1:25

yaa, an ngay meeꞌmiy ngul ngay keꞌ yippak uthamānga, puth ngay aak inam yippak wunānga ngay yipam maꞌ-aath-aathāng niiyanga niiy yipam puy-puyam min-minam ngaantam-ngeey-ngeeyān nunanga Jesus Christ.ana, aꞌ ngangk minangam woyan min nungantam anman wak-wakāna.

Philippians 3:3

Ngamp puth inanganiya Christians kan-kanam paththam iiy-iiyanamp, nil puth Ngeen-Wiy Min God.antamana ngangk ngamparang wun-wunan, maꞌ-aath-aathan ngampangwey, God.an yipam thaaꞌ-kuump-kuumpāmp nunang, puth ngamp ngangk min iiy-iiyanamp, nilan puth Jesus Christ.angan kaaꞌ-piichanath ngampang aꞌ ngamparang karpam ngul wun-wunan. Ngamp puth meeꞌmiy ngamp ngamparakamana keꞌ kaaꞌ-piichanathwimpa way ngamparam anpalan, yaꞌ anman. Ngamp nath kemp kompan thamp iiy-iiyimpwey-a, nath yaꞌweya, ngamp nathwey workwey iiy-iiyimp-a, nath yaꞌweya, al-alangan than keꞌ kaaꞌ-piichanathiythan ngampang, yaꞌa.

Philippians 4:4

Kan in ngeeyāna! Niiyiy putha ngaaꞌ thon-thona ngangk minangam iiy-iiyāna nil putha Jesus.ana anman iiy-iiyan niiyantanga. Ngay kan putham thawāng niiyanta: ngangk min paththam iiy-iiyāna!

Hebrews 11:1

Ngamp puth weeꞌ-weeꞌanangan keꞌ-ngoongkam God.an ngangkang piꞌ-piꞌanamp-a, an ngamp keꞌ eenchanamp, ngamp kan-kanam ngaantam-ngeeyanamp nunang, ngamp meeꞌmiy nil min anman iiy-iiyow ngampar. Aꞌ nungkway ngamp keꞌ thathimp ngeen nathan wampow ngampar-a, aak ngulan-a, ngamp anman minam ngaantam-ngeey-ngeeyanamp nil God.angan minam ngul piꞌow ngampang keꞌ nilan kaaꞌngak ngampang.

Hebrews 11:27

Nil Moses.angana murkanim piip God.an ngangkang piꞌ-piꞌ nunang, aꞌ ngul-ngulana nilaniya aak Egypt.ana too want ngul. Aꞌ nil pam piꞌan kingana man kul wampant, puth nil Moses.ana keꞌam winynyang moꞌ nungantaman yaꞌa. Ngamp pam wanchangan piip God.an keꞌ thathimp nunang yaꞌa, puth nil Moses.angana ngangk thayanam monkan-wak-wak nunang piip God.an keꞌ nil thath-thathan nunang yimanangan.

1 Peter 1:6

Yaa, niiy ngangk min wun-wunāna! Way ngul nathan wampow niiyantana aak ingana, pam wanchangan nath way yump-yumpayn niiyantana, thaaꞌ-thengkathayn niiyang thakana, aꞌ niiy natha ngangk way ngul iiy-iiyāna.

1 Peter 2:7

Niiy Christ.an ngaantam-ngeey-ngeeyaniy nunang nil minam paththam ngampar, puth than wiy al-alangan keꞌam yimanangan ngaantam-ngeey-ngeeyantan nunang yaꞌa, than kaangk keꞌ ngangkan theeꞌayn nungant. Puth lat ngench thayanangan wik inangan waaꞌ-waaꞌana: “Than pamang aawuchan kaachantan-a, wiyiya than nath yuk aawuch pekangkan wuuyanan wun-wuntan-a, piw theeꞌantan, puth thanan ngaantam-ngeey-ngeeyantana keꞌ yuk way yimanangan. Puth yaꞌa, yuk aawuch pekangkan wuuyanan wun-wuntan-a, an min paththama, aawuchakan, thayan anman yipam wun-wunowa.” An puth keꞌ yimanangan pam wanch wiy al-alangan kaangk keꞌ nunang Christ.an. Puth Christ.ana min-minam paththama, keꞌ yuk anman aawuch pek-pekangkan wuuyanan wun-wuntana, an way yaꞌa, an yuk min paththama.

1 Peter 5:4

Nil Christ.ana moom piꞌan ngamparamana, niliya keꞌ pam moom anan minh sheep anangan piꞌ-piꞌan thananga yimanangan iiy-iiyan ngamparana. Nil palaman ngulan wampowan-a, nil pam wanch yotamant meenathow nungamanga, aꞌ anpalana nil kalow ngampang aak nungantamang ngul wun-wunāmp, keꞌ pam wanch piꞌan yimanangan. Ngamp aak umpuyam aak angan wun-wunāmp nungantangana.