Nyɛ̀nɛ̀ŋ 9:3 - WƆŊ FƐ̀Ì EBÒ SÌÀŊ DAYÀA

³ Nààŋ wo Sɔɔ̀ yaà wa naàŋ hinie wò naŋ gbɛ̀ɛ̀ ko Dàmakɔ̀, e gbolòùŋ mɛ̀ɛŋ gbee nauŋ dè e yìwìà ko àìjɛnɛ̀ŋ euŋ gbàì kɔɔ gbòlòùŋ.

Nyɛ̀nɛ̀ŋ 9:3 Iomraidhean Croise

Nyɛ̀nɛ̀ŋ 22:6

Wo Pɔɔ̀ naŋ ɓɛìŋ woò wààŋ, “Nààŋ mìŋ yaà wa kaaiŋ yèè mìŋ yaà hinie e gbɛ̀ɛ̀ ko Dàmakɔ̀, ebɛ̀ŋ e gɔɛɛ hàì dìò tɛɛ e hmɔɔ̀ŋ mɛ̀ɛŋ e yìwìà ko àìjɛnɛ̀ŋ naim dè fiò eim gbàì kɔɔ gbòlòuŋ.

Nyɛ̀nɛ̀ŋ 9:17

Wo Ananaayà naŋ kɔ̀ yèè wò naŋ jɔ̀ ko saaìŋ wo Sɔɔ̀ yaà wa lɛ̀, yèè wò nauŋ gbùwò maŋ kuàuŋ màŋ diɛŋ wò nauŋ woò wààŋ, “Wùìya miɔ̀ŋ Sɔɔ̀, wo Kanaà Jisɛ̀ naim tùɔ̀ŋ ko nɛ̀ɛ̀ŋ muìŋ, wo nyùùŋ gunɔ̀ɔŋ naum fòlò feìŋ ko dòmaìŋ nààŋ mùŋ yaà weè kià hinie lɛ̀. Wò naim tùɔ̀ŋ wèè maŋ ɓɛìŋ yɛ̀mɛ̀ dìì yèè wèè wo Jìnàŋ Nɛɛmaàŋ woum sɛ̀ɛ̀ ko sùà.”

Nyɛ̀nɛ̀ŋ 9:27

Kɛɛ wo Bànaŋɓà nauŋ wa ɓemè, yèè wò nauŋ hìɛ̀ŋ koɓɛ̀ aŋ keela tàeɗùù nyaŋ. Wò naŋ nyiŋ kìɛ̀ŋ ke jii gbài e nyaàiŋ dè e ɗeweɛ̀ wo Sɔɔ̀, ke dòmàŋ kààìuŋ nɛɛ̀ŋ diɛŋ wò naŋ yɛ̀mɛ̀ wo Kanaà Jisɛ̀, yèè wo Kanaà nauŋ gbòò kɔɔ. Yèè wo Bànaŋɓà naŋ nyiŋ ɓɛìŋ woò kɛ̀ e teengaà wo Sɔɔ̀ yaà ko Dàmakɔ̀ lɛ, wò naŋ gbòò janyai e dèè Jisɛ̀ɛ diɛŋ.

1 Kɔliìŋ 15:8

Ko diemeì, wò naim fòlò feìŋ jòòpɛɛ mìŋ yaà mààŋ wo nyùnɔ̀ɔŋ yèɔ aŋ gò wa kùmìàŋ e teenga diɛŋ wɔ̀.

1 Kɔliìŋ 9:1

Mìŋ yaà wo nyuùŋ gè nyààŋ diɛŋ. Mìŋ yaà wo keela tàeɗùù. Kà yɛ̀mɛ̀ Jisɛ̀ wo Kana wiɔ̀. Miàŋ naiŋ dè ke dòmaŋ diɛŋ e hààwe sùà koɓɛ̀ Kanaà Jisɛ̀ Kulaì.

1Time 6:16

Wuŋ guùŋ nɔŋ nàŋ yaà wo Dàyà nyiiŋ gèe gò jùà, tɔɔɓaa wò yaà e gbolòùŋ sùà e yèɛ wo nyùùŋ fè ɓɛ̀nɛ̀ŋ gbɛ̀ɛ̀ kɔɔ lɛ̀. Wo nyùùŋ bà gbiŋ kòò wò yɛ̀mɛùŋ wa, e kìlà wo nyùùŋ gbiŋ fòuŋ yɛmɛ̀. E jòòwo yèè e gaàŋ gò kɛ̀ɛ̀nɛ̀ŋ dìa nɔ̀ŋ koɓɛ̀ Dayài wèè julɔfɔ! Àmiinàŋ.

Maŋ kèì nyɛɛnɛŋ 21:23

Ko jawa gbeeì, esaɓù bà fè wa wèè è gɔɛɛ̀ ɔ̀ɔ̀ wɔ̀ŋ wààa mao dè, fòfoo e jòòwò Dayàa nàŋ mɛɛŋ ko jawaì, e kìlà wo Ɓaawaaà nàŋ yaà e laumpòɛ wèè ko jawa gbeeì.

Maŋ kèì nyɛɛnɛŋ 22:5

E dùùm gbiŋ nào wa nàwèè ɓɛìŋ kùwò, e kìlà aŋ naàŋ ɓɛìŋ nyɛ̀nɛ̀ŋ è wànàŋ è laumpò ɔ̀ɔ̀ è gbòlòùŋ gɔɛɛ̀, esaɓù kɛ̀ wo Kanaà Dayà nàŋ do nàŋ nɔ̀ŋ e gbolòùŋ nyiŋ nɛ̀. Wuŋ yaà wo Ɓaawaaà do nàŋ nɔ̀ŋ aŋ kana wèè julɔfɔ yèè julɔfɔ.