Nyɛ̀nɛ̀ŋ 5:3 - WƆŊ FƐ̀Ì EBÒ SÌÀŊ DAYÀA

³ Wo Pììlɛ nauŋ dawè wààŋ, “Ananayà, wèè kiɛ̀ŋ mùŋ naŋ dàngè wo Sɛ̀tanàŋ naum zuwò e kìlà wo jɔ̀à ke jii mɔɛ̀ŋ sùà, yèè mùŋ naŋ tɔ̀ɔ̀ koɓɛ̀ wo Jìnàŋ Nɛɛmaàŋ, e kìlà mùŋ naŋ bànè e nɛɛnɛɛ̀ŋ bà hàa e yìwìà e yèɛ mùŋ naŋ yɛmɛ̀ lɛ nààŋ mùŋ naŋ mààŋ e diì mɔ̀ɛ̀?

Nyɛ̀nɛ̀ŋ 5:3 Iomraidhean Croise

Maafiù 13:19

Anyuùŋ kpùuŋ nyàŋ yè nyaŋ komo ke mìè gbìàŋ e Kànà Dayàa, kɛɛ aŋ fè nyiŋ nyìmàŋ yɛ, àŋ yaà mààŋ manɛ̀ŋ koei màŋ naŋ sɔ̀ɔ̀ ke dòmaàŋ diɛŋ màŋ. Àŋ komo nɔŋ ke mìè Dayàa fa, wo Nyuùŋ kɛ̀ɛ̀nɛ̀ŋ ke Kpèè Naanààaŋ hnàŋ wò gè ke mìè bi maŋ jii nyiŋ màŋ sùà.

Luù 22:3

Kpeiŋ wo Sɛ̀tanàaŋ naŋ jɔ̀ ke jìì Juɗà Àkaaliɔ̀ sùà, anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ bà guùŋ.

Jɔ̀ɔŋ 13:2

Wèè paŋ aŋ tɔɔtù wa e nɛ̀ŋjè koya nyiŋ nɛ̀ jèe, wo Sɛ̀tanàŋ naŋ gbìɛ̀ŋ e gòngò ke kpèè naanààŋ nyɛ̀nɛŋ wo Juɗà Àkaaliɔ̀ ke jiio sùà, wo jɔ̀àfèlàà Saimɔŋ Àkaaliɔ̀, yèè wò naŋ ɗewè wèè wo maàŋ wo Jisɛ̀.

Jɔ̀ɔŋ 13:27

Wo Juɗà naŋ nɔŋ kùwò ke gbɔ̀uɛ̀ fa, wo Sɛ̀tanàaŋ wò sɛ̀ɛ̀ ke jiiuŋ nɛɛ̀ŋ sùà. Yèè wo Jisɛ̀ nauŋ woò wààŋ, “Nyɛnɛ̀ŋ e yèɛ mùŋ manaŋ maŋ nyɛ̀nɛ̀ŋ lɛ fiò.”

Nyɛ̀nɛ̀ŋ 5:2

Kɛɛ wo Ananayà yaà wo jàwè naŋ wa nyimèè, e kìlà wò nao gè e nɛɛnɛɛ̀ŋ bà wo niŋ bànè hàa wèè wuŋ bi yèè wò naŋ hìɛ̀ŋ e gbànaàŋ wo niŋ kìɛ̀ŋ aŋ keela tàeɗùù nyaŋ.

Nyɛ̀nɛ̀ŋ 5:4

Wèè paŋ muŋ maàŋ wa e diì mɔ̀ɛ̀, muàŋ nàŋ kànàŋ niìŋ wa. Nààŋ mùŋ naŋ niŋ wa maàŋ, e nɛɛnɛŋ mɔ̀ɛ̀ yaà wa e gaàŋ mɔ̀ɛ̀ dìì. Wèè kiɛ̀ŋ mùŋ naŋ ɗewè ke jii mɔɛ̀ŋ sùà wèè maŋ nyɛ̀nɛ̀ŋ e keì mààŋ tii? Muŋ gò tòà kòɓɛ̀ anyuùŋ kpùuŋ. Mùŋ naŋ tɔ̀ɔ̀ koɓɛ̀ Dayài!”

Nyɛ̀nɛ̀ŋ 5:9

Wo Pììlɛ nauŋ dawè wààŋ, “Wèè kiɛ̀ŋ muàŋ nyɛ̀iŋ wo faniŋ mɔɔ̀ŋ naŋ ɗewè wèè naŋ wàà wo Jìnàŋ Kanaà Dayà? Aŋ felaa nyàŋ naŋ kɔ̀ɔ̀ wo fanium àŋ nauŋ sìè nyaŋ kòò àŋ yaà wɔŋ gbemgbeeɔ̀ feìŋ sààmɛ, yèè àŋ doum nàŋ kɔɔ̀ muàŋ pɛɛ aum sìà!”

Jìiiŋ 4:7

Wèètii, feìŋ nyɛ̀iŋ bi wo Dayà. Gàngaìŋ wo Sɛ̀tanàaŋ sìwè kɛ̀ wò doiŋ nàŋ dùɔ̀ŋ e kɔɔ.

1Pììlɛ 5:8

Ɓɔ̀ nìŋ nyɛɛnɛ̀ŋ, yɛ̀mɛìŋ nyɛ̀iŋ bi diɛ̀ŋ yèè niŋ nɔ̀ŋ fɛɛ̀ wòwò! Wo jooiŋ nɔɔ̀ŋ wo Dɛwìɔ, kòò wò gèe gììne wò kilià mààŋ wo nyàà e wùàŋ, wò yaà kààmè nyùùŋ wèè wo gbìlà.