Nyɛ̀nɛ̀ŋ 4:1 - WƆŊ FƐ̀Ì EBÒ SÌÀŊ DAYÀA

¹ E teengaà wo Pììlɛ yaà wo Jɔ̀ɔŋ yaà wa nɔŋ gbùùyè koɓɛ̀ anyùùŋ lɛ, aŋ sìèfèìŋ zòòlo nyàŋ yaà wo sìèfèìŋ anyuùŋ tùnìàŋ ke Saaŋ Zòòlò Dayà e kpùlìà aŋ Sadusiì nyaŋ bà nao hnè.

Nyɛ̀nɛ̀ŋ 4:1 Iomraidhean Croise

Maafiù 16:12

Kpeiŋ àŋ naŋ ngàà nyìmè kɛ̀ wo Jisɛ̀ fè nyìŋ weè kìɛ̀ŋ sùà è gòo wèè è nyaàiŋ dè è sòi jùwìà gbɔ̀uɛ̀, kɛɛ aŋ yɛmɛ̀ nyiŋ bi diɛŋ wèè e kàà aŋ Fɛlosiì nyaŋ yèè aŋ Sadusiì nyaŋ.

Maafiù 22:16

Kpeiŋ àŋ naŋ tùɔ̀ŋ anyùùŋ màŋjɛ̀wɛ̀ aŋ Fɛlosiì nyaŋ bà yèè anyùùŋ bà e yìwìà e Kànà Hɛɛlɔ̀ɛ dìì wèè auŋ dawè nyààŋ, “Kààmɔɔŋ, è nyìmàŋ kɛ̀ mùŋ naŋ jeè, yèè muŋ woà wo nyùùŋ gbiŋ e tɔɔɓaaà ke dòmàŋ Dayàa diɛŋ, muŋ fè dùàŋ è gòngò kìì nyuùŋkpùuŋ nɛ̀, esaɓù kɛ̀ muŋ fè jàà kè jii mɔɛ̀ŋ è nɔ̀ŋ kìì nyùùŋ gbiŋ màŋjɛ̀wɛ.

Maafiù 27:20

Kpeiŋ aŋ kànà sìèfèìŋ zòòlo gbee nyàŋ yèè aŋ màmànkùmɛ̀ŋ fuɔɔ̀ŋ naŋ pɔ̀wɔ̀ anyùùŋ nyaŋ wèè aŋ dawè wèè wo Bàlaɓà kɛɛ aŋ jìwà wo Jisɛ̀.

Maafiù 27:41

Yɛi nɔŋ aŋ kànà sìèfèìŋ zòòlo nyàŋ yèè aŋ kààmɔ̀ɔ̀ŋ maŋ Sàwà Dayà nyaŋ yaà aŋ màmànkùmɛ̀ŋ fuɔɔ̀ŋ naŋ hììlè wo Jisɛ̀ nyààŋ,

Maafiù 3:7

Nààŋ wo Jɔ̀ɔŋ naŋ wa yɛ̀mɛ̀ anyuùŋ zimgbe e yìwìà ke gbòò aŋ Fɛlosiì nyaŋ yèè aŋ Sadusiì nyaŋ sùà àŋ yaà hìnìè ko nɛ̀ɛ̀uŋ niìŋ wèè wo nyiŋ gùà, wò naŋ nyiŋ woò wààŋ, “Nyɛ̀iŋ nààŋ kaì nyɛɛ̀ nyɛɛ̀ŋ, ɓòò naiŋ woò nààŋ nàŋ ɓɛ̀nɛ̀ŋ dùàŋ e nimilàa sìwè, e yèɛ wo Dayà yaà hinie woiŋ tùàŋ lɛ?

Luù 20:1

Ke ɗɔ̀ɔ̀ guùŋ wo Jisɛ̀ yaà wa kaa ko Saaŋ Zòòlò Dayài yèè wò yaà wòò Ebò Siaàŋ koɓɛ̀ anyùùŋ nyaŋ. Aŋ kànà sìèfèìŋ zòòlo nyàŋ, aŋ kààmɔ̀ɔ̀ŋ maŋ Sàwà Dayà nyaŋ, yaà aŋ màmànkùmɛ̀ŋ fuɔɔ̀ŋ naŋ hnè

Luù 22:4

Wo Juɗà naŋ kɔ̀ koɓɛ̀ aŋ kànà sìèfèìŋ zòòlo nyàŋ yaà anyuùŋ tùnìàŋ ke Saaŋ Zòòlò Dayàa yèè wò naŋ nyiŋ woò wààŋ wò ɓɛ̀nɛ̀ŋ kìɛ̀ŋ e kpùùmàŋ weè aŋ kùwà wo Jisɛ̀.

Jɔ̀ɔŋ 15:20

Jàaìŋ maŋ mìè gbòa mɛɛ̀ŋ jii nààŋ mìŋ naiŋ woò lɛ, ‘Aŋ ɓɔìjɔ̀à kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ.’ Weètii sèè anyùùŋ aim jàà e nànàŋ, nyìmaìŋ kɛ̀ àŋ doiŋ nàŋ jàà e nànàŋ nyɛ̀iŋ pɛɛ. Sèè àŋ nyɛnɛŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ, kɛ̀ nyɛ̀iŋ pɛɛ àŋ do nàŋ nyɛ̀nɛ̀ŋ e yèɛ niŋ naŋ nyiŋ woò wèè aŋ nyɛ̀nɛ̀ŋ lɛ.

Jɔ̀ɔŋ 18:3

Nààŋ wo Juɗà naŋ wa jɔ̀ɔ̀ e ɗààhiì wèè wo maàŋ wo Jisɛ̀, wò naŋ wa kɔ̀ ko kpòkpòi. Kɛɛ wò naŋ wa kɔ̀ɔ̀ ke gbòò aŋ kààlòòɗùà Luùm nyaŋ bà, yèè anyuùŋ tùnìàŋ ke Saaŋ Zòòlò Dayà nyaŋ bà, aŋ yè nyaŋ aŋ kànà sìèfèìŋ zòòlo nyàŋ yèè Fɛlosiì nyaŋ naŋ wa tùɔ̀ŋ wèè aŋ kùwà wo Jisɛ̀. Nààŋ àŋ yaà wa kɔɔyɛ, àŋ naŋ kɔ̀ɔ̀ maŋ sìngà mɛ̀ɛŋ, maŋ laumpò, yèè manɛ̀ŋ sùmiaŋ ko kààmè Jisɛ̀.

Nyɛ̀nɛ̀ŋ 4:6

Àŋ naŋ mɛ̀ɛ̀ŋ wo Kànà Sìèfèìŋ Zòòlo Gbeeɔ̀ wo Anàŋ yèè wo Kaifɔ̀, wo Jɔ̀ɔŋ, wo Àlèzanàŋ, yèè aŋ gbànaŋ nyàŋ ke gbòò wo Kànà Sìèfèìŋ Zòòlo Gbeeɔ̀ sùà.

Nyɛ̀nɛ̀ŋ 5:17

Kpeiŋ e kooɛ̀ naŋ wa dìè wo Kànà Sìèfèìŋ Zòòlo Gbeeɔ̀ yaà aŋ jeuŋ anyuùŋ kpùùmaŋ nyàŋ, aŋ yè nyaŋ yaà wa ke gbòò aŋ Sadusiì nyaŋ sùà, wèè aŋ keela nyàŋ, yèè àŋ naŋ ɗewè wèè aŋ keewè nyiŋ kùàŋ feìŋ.

Nyɛ̀nɛ̀ŋ 5:24

E teengaà aŋ kànà sìèfèìŋ zòòlo nyàŋ yaà wo sìèfèìŋ anyuùŋ tùnìàŋ ke saaŋ zòòlò Dayàa naŋ tɛɛ̀ kòmò lɛ, àŋ naŋ kùùnò gòngo sèè mààŋ kɛ̀ kiìŋ naŋ wɛ̀i kààìŋ koɓɛ̀ aŋ keela tàeɗùù nyaŋ.

Nyɛ̀nɛ̀ŋ 5:26

Kpeiŋ wo sìèfèìŋ anyuùŋ tùnìàŋ ke Saaŋ Zòòloɛ̀ yaà aŋ kpàkòòuŋ nyàŋ naŋ kɔ̀ yèè àŋ naŋ hìɛ̀ŋ aŋ keela tàeɗùù nyaŋ koɓɛ̀ anyùùŋ gbèègbèè fuɔɔ̀ŋ. Kɛɛ aŋ gò wa ɓùlà aŋ keela nyàŋ, esaɓù kɛ̀ e jùùɛ yaà nyiìŋ wa wèè anyùùŋ nyaŋ go nyiŋ wa nàŋ hɔ̀wɔ̀ nyinoo nyuùŋ tùnìàŋ Saaŋ Zòòloɛ̀.

Nyɛ̀nɛ̀ŋ 6:12

Tɛɛ̀ naŋ nyɛ̀nɛ̀ŋ anyùùŋ nyaŋ, aŋ màmànkùmɛ̀ŋ fuɔŋ nyàŋ yaà aŋ kààmɔ̀ɔ̀ŋ maŋ Sàwà Dayà nyaŋ, aŋ kɛ̀ɛ̀nɛ̀ŋ maŋ jii fiìì wèè Siiwììŋ. Àŋ naŋ kùwò wo Siiwììŋ yèè àŋ nauŋ kɔ̀ɔ̀ koɓɛ̀ anyùùŋ gbèègbèè fuɔŋ nyàŋ.

Nyɛ̀nɛ̀ŋ 6:7

Kpeiŋ ke mìè Kanaà Dayà naŋ wa ɓaayè. Ke gbòò anyuùŋ hààwe nyàŋ ko Jùlusɛ̀làm naŋ wa dɛ̀kɛ̀ sùà gbee, e kìlà ke gbòò aŋ sìèfèìŋ zòòlo zimgbe naŋ wa jàà e hààweɛ̀ kùàŋ dìì.