Nyɛ̀nɛ̀ŋ 23:16 - WƆŊ FƐ̀Ì EBÒ SÌÀŊ DAYÀA

¹⁶ Kɛɛ nààŋ wo jɔ̀àfèlàà wo jàà Pɔɔ̀ɔ naŋ nyìmè ke gbùnu nyiŋ nɛɛ̀ŋ, wò naŋ kɔ̀ ko gbòòkùàŋ aŋ kààlòòɗùà nyaŋ yèè wò naŋ niŋ gbàì wo Pɔɔ̀ jii.

Nyɛ̀nɛ̀ŋ 23:16 Iomraidhean Croise

Nyɛ̀nɛ̀ŋ 21:34

Aŋ bà nyiŋ e faaàŋ sùà naŋ wòò e keì joo, yèè aŋ bà nyiŋ naŋ woò è gbà. E gbɔ̀ɔɛ̀ naŋ wa gàŋ e nyɛ̀nɛ̀ŋ wo kànà aŋ kààlòòɗùàa gò wa ɓɛ̀nɛ̀ŋ nyìmàŋ è keì titiɛ̀ naŋ wa kaaìŋ lɛ̀, yèè wò naŋ wòò aŋ kaalouŋ nyàŋ kɛ̀ aŋ koà wo Pɔɔ̀ ko gbòòkùàŋ aŋ kààlòòɗùà nyaŋ.

Nyɛ̀nɛ̀ŋ 21:37

Nààŋ aŋ kààlòòɗùà nyaŋ yaà wa naàŋ hinie wèè aŋ jɔ̀ɔ̀yɛ̀ wo Pɔɔ̀ ko gbòòkùàŋ aŋ kààlòòɗùà nyaŋ, wo Pɔɔ̀ naŋ dàwè wo kànà aŋ kààlòòɗùà nyaŋ wààŋ, “Màim ɓɛ̀nɛ̀ŋ gè nyààŋ diɛŋ wèè kaum wòò e keì bà?” Wo kànà aŋ kààlòòɗùàa nauŋ dawè wààŋ, “Diè mùŋ naŋ nyìmè e ɗèwè e Guliì mieɛ̀ gbòa?

Nyɛ̀nɛ̀ŋ 23:10

Àŋ naŋ dàà ke gùuŋ e nyaàŋ tàaŋ nyiŋ nɛ̀ sùà, yèè e jùù naŋ nyɛ̀nɛ̀ŋ wo kànà aŋ kààlòòɗùà nyaŋ kɛ̀ anyùùŋ nyaŋ ɓɛ̀nɛ̀ŋ jìwà wo Pɔɔ̀ e kìlà auŋ sɛ̀ɛ̀sɛ̀ɛ̀ maŋ fàà nyɛ̀ɛ̀nyɛ̀ɛ̀. Kpeiŋ wò naŋ tùɔ̀ŋ aŋ kààlòòɗùàuŋ nyaŋ wèè aŋ gè nyiŋ wo Pɔɔ̀ e tɛɛ maŋ dùaŋ dùaŋ aŋ koàuŋ ko gbòòkùàŋ aŋ kààlòòɗùà nyaŋ.

Nyɛ̀nɛ̀ŋ 23:17

Wo Pɔɔ̀ naŋ nyààŋ wo nyùùŋ gbèè aŋ kààlòòɗùà nyaŋ bà guùŋ yèè wò nauŋ woò wààŋ, “Kòaà wo fooninge wɛɛ̀ koɓɛ̀ wo kànà aŋ kààlòòɗùà nyaŋ. Wò kuwa e keì bà wèè wouŋ gbàì jii.”

Nyɛ̀nɛ̀ŋ 23:32

Wɔŋ niìsìaà bàa aŋ kààlòòɗùà nyaŋ naŋ kààìŋ dìì nyaŋ naŋ kɛ̀ɛ̀ maŋjɛ̀wɛ ko gbòòkùàŋ aŋ kààlòòɗùà nyaŋ, yèè aŋ kààlòòɗùà nyaŋ jaa aŋ sòo nyàŋ diɛŋ nyàŋ naŋ kɔ̀ɔ̀ wo Pɔɔ̀ auŋ halèè.

Nyɛ̀nɛ̀ŋ 24:23

Wò naŋ wòò wo nyùùŋ gbèè kààlòòɗùàa yaà wa yɛ̀ɛ̀mɛ̀ wo Pɔɔ̀ diɛŋ wɔ̀ kɛ̀ wo yɛmɛ̀uŋ diɛŋ, kɛɛ ɓɔ̀ wò gbìàuŋ kò sààŋ nyìwì yèè kɛ̀ ɓɔ̀ wò keewè àŋ dàwiuŋ nyàŋ kùàŋ feìŋ sèè àŋ mɔnɔŋ wèè auŋ kpuumàŋ.

1 Kɔliìŋ 3:19

E nɛ̀ɛŋ e ɗuunyaŋ lɛɛ̀ naŋ jàà kùàŋ dìì wèè e nɔ̀ŋ e jiikɛ̀ɛ lɛ̀, è yaà e ɓàaɓàa ko fɛ̀ɛ̀fèìŋ Dayài. Nààŋ wɔŋ fɛ̀ì Dayàa naŋ woò lɛ, “Wo Dayà kuwìà wo nyuùŋ kɛ̀ɛ̀jiiɔ̀ ke gbaù e jiikɛ̀ɛ̀uŋ nɛ̀ sùà”,