Nyɛ̀nɛ̀ŋ 23:11 - WƆŊ FƐ̀Ì EBÒ SÌÀŊ DAYÀA

¹¹ Wɔŋ dùùm wiiŋ wo Kanaà Jisɛ̀ naŋ fòlò wo Pɔɔ̀ fɛɛ̀feìŋ yèè wò nauŋ woò wààŋ, “Kɛ̀ɛ̀nɛɛ̀ŋ ke jii nyingè! Màŋ kìɛ̀ŋ ke mìè seì mɔɛ̀ŋ e nyaàiŋ eim dè ko Jùlusɛ̀làm, yèè kìɛ̀ŋ ɓɛìŋ ke mìè seì bi ko Luùm.”

Nyɛ̀nɛ̀ŋ 23:11 Iomraidhean Croise

Maafiù 14:27

Wo Jisɛ̀ naŋ nyiŋ gbòò e kɔɔ fiò wààŋ, “Kɛ̀ɛ̀nɛìŋ maŋ jii nyingè! Miàŋ wo, e jùù ɓɔ̀ nyɛ̀nɛ̀iŋ!”

Maafiù 28:20

e kìlà niŋ kaà nyiŋ wèè aŋ jɔɔlɔ̀ e yèɛ gbiŋ mìŋ naiŋ kaà lɛ dìì. Yèè mìŋ doiŋ nàŋ nɔ̀ŋ maŋjɛ̀wɛ e teenga gbiŋ, e jèesùà e hàì ko dìà e ɗuunyaàŋ.”

Maafiù 9:2

Anyùùŋ bà naŋ wa hìɛ̀ŋ wo felaa kpɔ̀ɔ̀kpɔɔ bà ko nɛ̀ɛ̀uŋ niìŋ wò hawa wɔŋ gbùmaŋ sùà. Nààŋ wo Jisɛ̀ naŋ yɛmɛ̀ kɛ̀ àŋ kuwa wa e hààweɛ̀ kɛ̀ wò ɓɛ̀nɛ̀ŋ jòèyè wo felaaà, wò nàŋ wòò wo felaa kpɔ̀ɔ̀kpɔɔɔ̀ wààŋ, “Felaa wɛɛ̀, kɛ̀ɛ̀nɛɛ̀ŋ ke jii nyingè, kà jùùyà maŋ jùumùum màŋ hakɛ̀.”

Luù 16:28

Kòò mìŋ kuwao aŋ wùìyà nyùùŋ nɔɔnɔŋ. Wòouŋ wo ka wo kiɛ̀ŋ nyiŋ e goò wèè kɛ̀ aŋ go nàŋ hnè koɓɛ̀ keì nyìnga yaà.’

Jɔ̀ɔŋ 14:18

Sèè mìŋ jòòìŋ, niŋ naàŋ nɔ̀ŋ mààŋ àŋ jɔ̀à è dàà. Mìŋ do ɓɛìŋ nàŋ kɛ̀ɛ̀ ko nɛ̀ɛ̀iŋ niìŋ.

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Nyɛ̀nɛ̀ŋ 18:9

Wɔŋ dùùm guùŋ wo Pɔɔ̀ naŋ gò e gɔa, yèè e gɔagòo bi sùà wo Kanaà nauŋ woò wààŋ, “E jùù ɓɔ̀ è nyɛ̀nɛ̀um wèè kè mìè Kanaà gbòa kòɓɛ̀ ànyùùŋ nyaŋ, yèè ɓɔ̀ mùŋ hɔnè nyiŋ gbòa.

Nyɛ̀nɛ̀ŋ 19:21

Nààŋ maŋ keì mɛɛ̀ŋ gbiŋ naŋ wa kaàiŋ, wo Pɔɔ̀ naŋ wa ɗewè wo jinàuŋ nɔɔ̀ŋ sùà wèè wo jaamè anyùùŋ nyaŋ ko Mɛ̀sèdonià yèè ko Àkaayà nààŋ wò yaà wa kɔ̀ɔ̀yɛ̀ ko Jùlusɛ̀làm. Wo Pɔɔ̀ naŋ wa woò wààŋ, “Sèè mìŋ yewe kuii mìŋ do nàŋ kɔ̀ ko Luùm.”

Nyɛ̀nɛ̀ŋ 2:25

Wo Dèèwe naŋ wa wòò e kiiuŋ wààŋ, ‘Mìŋ yɛmɛ̀ wo Kanaà Dayà ko fɛɛ̀fenìim e teenga gbiŋ. Wò naim gbɛ̀ɛ̀ fɔ̀ɔ̀, e kìlà anyùùŋ naàim mɔɔnɛ̀ŋ.

Nyɛ̀nɛ̀ŋ 20:22

Yèè mìŋ yaà naàŋ kɔ̀ɔ̀yɛ̀ ko Jùlusɛ̀làm, yèè miŋ nyimààŋ kɛ̀ kiìŋ nàŋ doim nàŋ kaaìŋ, kɛɛ mìŋ kuwa ka jɔ̀ɔ̀lɔ̀ wo Jìnàŋ wo Kanaà Dayà dìì yèè kao ka.

Nyɛ̀nɛ̀ŋ 22:15

Mùŋ do nàŋ nɔ̀ŋ wo seì e weèuŋ koɓɛ̀ anyuùŋ kpùuŋ nyàŋ gbiŋ wèè e yèɛ mùŋ naŋ yɛmɛ̀ yèè mùŋ naŋ kòmò lɛ.

Nyɛ̀nɛ̀ŋ 22:18

e gɔ̀à gò e jɛ̀ì bi sùà mìŋ naŋ yɛ̀mɛ̀ wo Kanaà, yèè wò naim woò wààŋ, ‘Biào sùà muŋ yèwà ko Jùlusɛ̀làm! Wò naŋ woò wààŋ esaɓùɛ nàŋ yaà kɛ̀, anyùùŋ nyaŋ naàum kumiè sèè maŋ nyiŋ kìɛ̀ŋ ke mìè seì gbiŋ e nyaàiŋ eim dè.’

1 Kɔliìŋ 9:1

Mìŋ yaà wo nyuùŋ gè nyààŋ diɛŋ. Mìŋ yaà wo keela tàeɗùù. Kà yɛ̀mɛ̀ Jisɛ̀ wo Kana wiɔ̀. Miàŋ naiŋ dè ke dòmaŋ diɛŋ e hààwe sùà koɓɛ̀ Kanaà Jisɛ̀ Kulaì.

Fèle 1:13

esàɓù tɛɛ̀, anyuùŋ tùnìàŋ ke sààŋ gbèè kanaà yaà anyuùŋ gbànaŋ nyàŋ gbiŋ, naŋ nyìmè kɛ̀ mìŋ yaà kià ko sààŋ nyìwì, esaɓù kɛ̀ mìŋ yaà wo ɓɔìjɔ̀à wèè wo Jisɛ̀ Kulaì.

2Time 4:17

Kɛɛ wo Kanaà naim wa nɔ̀ŋ maŋjɛ̀wɛ yèè wò naim kìɛ̀ŋ e gààŋ, weètii mìŋ naŋ wa ɓɛnɛ̀ŋ wèè ka wòò ke miè gbìaàŋ gbiŋ koɓɛ̀ anyùùŋ nyaŋ gbiŋ fè àŋ Juùù nyaŋ wèè aŋ nyiŋ kòmàŋ, yèè mìŋ naŋ wa yɛ̀mɛ̀ e jòèye, aŋ gòim wa gè nyààŋ diɛŋ wèè àŋ nyàa nyaŋ aim jìwà.