Nyɛ̀nɛ̀ŋ 21:8 - WƆŊ FƐ̀Ì EBÒ SÌÀŊ DAYÀA

⁸ Wɔŋ niìsìaà bàa è naiŋ kɔ̀ ko Sesèlià; yèè è naiŋ kɔ̀ ko gbòò Felè, wo nyuùŋ gbòà ke mìè Dayàa. Wò yaà wa anyùùŋ nɔɔnɔŋ le tìyèe nyàŋ bà guùŋ wo yèɔ naŋ wa kpùùmò aŋ keela tàeɗùù nyaŋ, yèè àŋ naŋ nɔ̀ŋ ko nɛ̀ɛ̀uŋ niìŋ.

Nyɛ̀nɛ̀ŋ 21:8 Iomraidhean Croise

Nyɛ̀nɛ̀ŋ 10:1

Wo felaa bà yaà wa ko Sesèlià àŋ nyaaŋ wo Kɔ̀nilìɔ̀. Wuŋ nàŋ yaà wa wo nyuùŋ gbeeɔ̀ wèè ke gbòò aŋ kààlòòɗùà Luùm nyaŋ àŋ nyaaŋ nyààŋ “Ètaliɛ̀ŋ Jɔ̀àa.”

Nyɛ̀nɛ̀ŋ 16:10

Nààŋ wo Pɔɔ̀ naŋ gò e gɔa lɛɛ̀, è naiŋ tɔ̀ɔ̀tù e ɗewe kàme wèè eiŋ kà ko Mɛ̀sèdonià. È naiŋ wa haawè kɛ̀ wo Dayà naŋ wi wa nyààŋ wèè e ka e daanèiŋ Ebò Siaàŋ koɓɛ̀ anyùùŋ nyaŋ koɓɛ̀ bi.

Nyɛ̀nɛ̀ŋ 16:13

Kpeiŋ ke Ɗɔ̀ɔ̀ Zòòlò aŋ Juùù nyaŋ diɛŋ è naiŋ yèwè ko jawa gbeeì yèè è naiŋ kɔ̀ e wùìyèɛ kɔɔ, ko yèi è yààìŋ wa goongo kɛ̀ ko nɛ̀nɛ̀ŋ yaào ko yèi aŋ Juùù nyaŋ deenàŋ wa wèè zòòlo lɛ. È naiŋ wa jɛi yèè è naiŋ gbòò koɓɛ̀ aŋ jɔùŋ nyaŋ nao wa gbònò koɓɛ̀ guùŋ nyaŋ.

Nyɛ̀nɛ̀ŋ 16:16

Ke ɗɔ̀ɔ̀ guùŋ nààŋ è yààìŋ wa kɔ̀ɔ̀yɛ̀ koɓɛ̀i àŋ zoolà lɛ, è naiŋ wa mɛ̀ɛ̀ŋ wo ɗo jɔùŋ jɔa bà. Wò kuwa wa e gààŋ jinàŋ naanààŋ wo yèɔ kiɛ̀uŋ wa e gààŋ wèè wo wòò wo nyùùŋ kɛ̀ kiɛ̀ŋ nàŋ do nàŋ kaaìŋ ko dòmàŋfeìŋ. Esàɓù ke nyɛ̀nɛuŋ yɛɛ̀ aŋ kɛ̀ɛ̀nɛuŋ nyàŋ heuŋ wa gììyà e nɛɛnɛŋ zimgbe sùà.

Nyɛ̀nɛ̀ŋ 18:22

Nààŋ wo Pɔɔ̀ naŋ hàì ko Sesèlià, wò naŋ kɔ̀ yèè wò naŋ zùùmò ke gbòò anyuùŋ hààwe nyàŋ, yèè wò naŋ kɔ̀ ko Aŋtiɔ̀.

Nyɛ̀nɛ̀ŋ 20:13

Wo Pɔɔ̀ naŋ wa ɗewè wèè wo kààìŋ dìì wo kà ko Asò. Yàwi nààŋ nyùùŋ màŋjɛ̀wɛ̀ gbànauŋ nyàŋ naŋ wa sɛ̀ɛ̀ wɔŋ meeèɔ sùà yèè è naiŋ kɔ̀ ko feìŋ ko Asò wèè e ɓeemèiŋ noo wo Pɔɔ̀ wɔŋ meeèɔ sùà e kaiŋ.

Nyɛ̀nɛ̀ŋ 20:6

Kɛɛ nààŋ è naiŋ wa kpɛ̀ɛ̀yɛ̀ gè wɔŋ Ɗàà Gè Gbɔ̀u Gò Jòwàa, è naiŋ sɛ̀ɛ̀ wɔŋ meeèɔ sùà e yìwìà ko Fèlepì. Yèè è naiŋ nɔ̀ŋ ke dòmàŋ kàaiŋ wiɛ̀ diɛŋ wèè maŋ ɗɔ̀ɔ̀ nɔɔnɔŋ paŋgàà è naiŋ hàì ko nɛ̀ɛ̀ŋ nyiŋ niìŋ ko Toà, yèè è naiŋ noo wa nɔ̀ŋ wèè maŋ ɗɔ̀ɔ̀ nɔɔnɔŋ le tìyèe.

Nyɛ̀nɛ̀ŋ 21:16

Anyuùŋ hààwe nyàŋ bà e yìwìà ko Sesèlià naŋ wi wa dè maŋjɛ̀wɛ yèè àŋ naŋ wi kɔ̀ɔ̀ ko gbòò Meesìŋ wèè eiŋ noo nɔ̀ŋ. Wo Meesìŋ yewe wa ko Sapulɔ̀ yèè wò yaà wa wo nyuùŋ hààweɔ̀ bà guùŋ e yìwìà ko tɔɔtuì.

Nyɛ̀nɛ̀ŋ 23:23

Wo kànà aŋ kààlòòɗùà nyaŋ naŋ nyààŋ aŋ sìèfèìŋ aŋ kààlòòɗùàuŋ nyàŋ àŋ tìyèe yèè wò naŋ nyiŋ woò wààŋ, “Sèè wɔŋ dùmɔ̀ɔŋ gboo nɔɔnɔŋ le tiinàŋ wɔŋ dùùm wɛɛ̀ŋ, bànèbanè aŋ kààlòòɗùà hɔ̀nɔ̀ɔ̀ tìyèe yèè anyuùŋ dùùnyàŋ aŋ sòo kpɛ̀ùŋ taai jɛ̀wɛ̀ zììyà yaà anyuùŋ sùmìàŋ maŋ kpɛɛ aŋ hɔ̀nɔ̀ɔ̀ tìyèe wèè niŋ ka ko Sesèlià.

Nyɛ̀nɛ̀ŋ 27:1

Nààŋ wo Fɛtɔ̀ yaà anyunùuŋ nyàŋ naŋ wa ɗewè wèè àŋ sɛɛ̀ wɔŋ meeɔ̀ sùà aŋ ka ko Luùm, àŋ naŋ wa kìlè wo Pɔɔ̀ yaà aŋ pèesìnàŋ gbànaŋ nyàŋ koɓɛ̀ wo kànà aŋ kààlòòɗùà titi nyàŋ, e deèuŋ nɛ̀ nàŋ yaà wa wo Juliɔ̀, wo Kànà Gbèè wɔŋ fùɔ̀ŋ anyùùŋ Luùm nyaŋ wèè wo yɛmɛ̀ nyiŋ diɛŋ.

Nyɛ̀nɛ̀ŋ 28:11

È naiŋ wa nyɛ̀nɛ̀ŋ maŋ wàà taai ko Maatà. Kpeiŋ è naiŋ sɛ̀ɛ̀ wɔŋ meeè bà sùà àŋ nyaaŋ wa nyààŋ, “Aŋ Sèwì Dayà” e yìwìà ko Àlèzandilà wɔŋ fùɔ̀ŋ Ijèɔ sùà. Wɔŋ meeè wɛɛ̀ŋ naŋ wa jɛ̀ì ko Maatà wèè wɔŋ fòlà e sɛ̀ɛ̀ɛ e mààŋ.

Nyɛ̀nɛ̀ŋ 28:16

Nààŋ è naiŋ hàì ko Luùm, àŋ naŋ wa gè wo Pɔɔ̀ nyààŋ diɛŋ wèè wo nɔ̀ŋ wɔŋ kùàŋ wuŋ bi yaà wo kààlòòɗùàa yàùŋ wa yɛ̀ɛ̀mɛ̀ diɛŋ wɔ̀.

Nyɛ̀nɛ̀ŋ 6:5

Ke jii naŋ wa fɔ̀ ke gbòòɛ gbiŋ wèè e keìɛ aŋ keela nyàŋ naŋ wa woò lɛ. Anyùùŋ nyɛɛ̀ŋ àŋ naŋ wa tàeɗùù, wo Siiwììŋ, wo yèɔ kuwa wa e hààwè gbee e kìlà wo Jìnàŋ Nɛɛmaàŋ yàaùŋ wa sùà, yaà wo Felè, wo Pɔchɔlɔ̀, wo Ninkanɔ̀, wo Timɔ̀ŋ, wo Pamɛnà, yèè wo Nikolà, wo nyùùŋ e yìwìà ko Aŋtiɔ̀. Wo fè wa wò Juùù nyuuŋ, kɛɛ wò naŋ wa naàŋ kìlè koɓɛ̀ e zòòlò aŋ Juùù nyaŋ wèè zòòlo.

Nyɛ̀nɛ̀ŋ 9:30

Yèè nààŋ anyuùŋ hààwe nyàŋ naŋ tɛɛ̀ kòmò, aŋ naŋ kɔ̀ɔ̀ wo Sɔɔ̀ ko Sesèlià, yèè àŋ nauŋ tùɔ̀ŋ ko Tasɔ̀.

Ɛfesɔ̀ 4:11

Yèè wuŋ naŋ “fè anyùùŋ maŋ kìɛŋ.” Wò naŋ tà aŋ bà nyiŋ ke ɗùù wèè aŋ nɔ̀ŋ aŋ keela tàeɗùù, aŋ bà nyiŋ wèè aŋ nɔ̀ŋ aŋ wɛ̀ijì, aŋ bà nyiŋ nɔ̀ŋ anyuùŋ fè ke mìè seì wèè Dayà, aŋ bà nyiŋ nɔ̀ŋ anyuùŋ gbòà ke mìè Dayà, yèè aŋ bà nyiŋ nɔ̀ŋ aŋ kààmɔɔŋ.

2Time 4:5

kɛɛ kuwa ke jii mɔɛ̀ŋ maŋ keì ɗewe gbiŋ sùà, yèè e nɔ̀ŋ e keì jiium wèè muŋ kùwà e keì nyìnga. Tòmò nyìnga, ko wòò Ebò Siaàŋ, yèè muŋ nyɛ̀nɛ̀ŋ e tòmo mɔ̀ɛ̀ tɛ̀ɛ̀ mààŋ wo ɓɔ̀ìjɔ̀à Dayà.