Nyɛ̀nɛ̀ŋ 2:4 - WƆŊ FƐ̀Ì EBÒ SÌÀŊ DAYÀA

⁴ Kpeiŋ wo Jìnàŋ Nɛɛmaàŋ naŋ wa dìè aŋ gbiŋ maŋ jiio sùà, yèè àŋ naŋ tɔ̀ɔ̀tù maŋ kaìŋ joo gbùùyà sùà nààŋ wo Jìnàŋ Nɛɛmaàŋ naŋ nyiŋ wa nyɛ̀nɛ̀ŋ wèè aŋ miŋ gbòà lɛ.

Nyɛ̀nɛ̀ŋ 2:4 Iomraidhean Croise

Maafiù 10:19

Sèè anyùùŋ kùwòìŋ e kìlà aiŋ hìàŋ ke sàwàa fɛɛ̀feìŋ wèè aiŋ gbaì, ɓɔ̀ nìŋ sɛɛ̀ jii wèè e nɛ̀ɛŋ nìŋ do nàŋ woò lɛ, ɔ̀ɔ̀ dièsɔa nìŋ do niŋ nàŋ woò. Wo Jìnàŋ Nɛɛmaàŋ doiŋ nàŋ kìɛ̀ŋ mìè gbòa màŋ wèè e yèɛ nìŋ do nàŋ woò lɛ.

Luù 1:15

Wo Jɔ̀ɔŋ do nàŋ nɔ̀ŋ wo ɓɔ̀ìjɔ̀à nɛɛmaŋ wèè wo Kanaà Dayà. Julɔfɔ ɓɔ̀ wò tìà màŋ tala muaŋ ɔ̀ɔ̀ è biyà, yèè e gààŋ wo Jìnàŋ Nɛɛmaàŋ douŋ nàŋ nɔ̀ŋ diɛŋ e yìwìà ke ɗɔɔɛ̀ àŋ douŋ nàŋ kòmò lɛ.

Luù 1:41

Nààŋ wo Ìlesebɛ̀ɛ̀ naŋ kòmò ke mìè zùùmò Mèèleɛ̀, wo jɔ̀àa ko suàuŋ niìŋ naŋ mɛɛmɛ̀ɛ̀ŋ. Yèè wo Jìnàŋ Nɛɛmaàŋ naŋ dèyè wo Ìlesebɛ̀ɛ̀ diɛŋ.

Luù 1:67

Wo Jìnàŋ Nɛɛmaàŋ naŋ wa dèyè wo dèdà Jɔ̀ɔɔ̀ŋ Zakalayà diɛŋ, yèè wò naŋ gbòò ke mìè Dayàa wààŋ,

Luù 12:12

Esaɓù kɛ̀ wo Jìnàŋ Nɛɛmaàŋ doiŋ nàŋ woò e teenga lii sùà kɛ̀ kiìŋ nìŋ do nàŋ woò.”

Luù 21:15

esaɓù kɛ̀ mìŋ doiŋ nàŋ kìɛ̀ŋ maŋ mìè gbòa miiŋ yaà e jiikɛ̀ɛ lii, wèè kɛ̀ aŋ jooiŋ nyàŋ bà gbiŋ naàìŋ gììyè màŋhɛɛ ɔ̀ɔ̀ aŋ naàŋ woò nyààŋ niŋ naŋ wòò è keì nàànààŋ.

Luù 4:1

E teengaà wo Jisɛ̀ naŋ wa kɛ̀ɛ̀ maŋjɛ̀wɛ e yìwìà e Wùìyè Jɔɔɗììŋ lɛ kɔɔ lɛ̀, e gààŋ Jìnàŋ Nɛɛmaàŋ yàaùŋ wa maŋjɛ̀wɛ.

Jɔ̀ɔŋ 14:26

Kɛɛ wo nyuùŋ kpùùmaàŋ, wo Jìnàŋ Nɛɛmaàŋ do nàŋ hnè wèè woiŋ kpuumàŋ, wo yèɔ wo Dèdaà do nàŋ tùɔ̀ŋ e deè mɛ̀ diɛŋ wɔ̀. Wo Jinàaŋ doiŋ nàŋ kàà maŋ keì maŋ gbiŋ, yèè wò doiŋ nàŋ nyɛ̀nɛ̀ŋ naŋ kɛ̀ɛ̀nɛ̀ŋ jii jàa e nyaàiŋ dè e yèɛ mìŋ naiŋ woò e teengaà mìŋ yaà wa ko nɛ̀ɛ̀iŋ niìŋ lɛ.

Jɔ̀ɔŋ 20:22

Kpeiŋ wo Jisɛ̀ naŋ nyiŋ dùùlò wɔŋ fòì nyaàuŋ nɔɔ̀ŋ ko diɛŋ yèè wò naŋ woò wààŋ, “Wo Jìnàŋ Nɛɛmaàŋ dèyà nyɛ̀iŋ gbiŋ diɛŋ.

Nyɛ̀nɛ̀ŋ 1:5

Wo Jɔ̀ɔŋ naŋ wa nɔŋ gùùyè anyùùŋ e wùìyè, kɛɛ maŋ ɗɔɔ kpàa bà sùà, wo Dayà doiŋ nàŋ gùùyè wo Jìnàŋ Nɛɛmaàŋ.”

Nyɛ̀nɛ̀ŋ 1:8

Kɛɛ e teengaà wo Jìnàŋ Nɛɛmaàŋ doiŋ nàŋ kìɛ̀ŋ gààŋ lɛ̀, e gààŋ doiŋ nàŋ sɛ̀ɛ̀ sùà, nìŋ do nàŋ nɔ̀ŋ aŋ sèì e kìlà naŋ wòò anyùùŋ kɛ̀ kiìŋ nìŋ naŋ nyìmè e nyaàiŋ eim dè ko Jùlusɛ̀làm, wɔŋ fùɔ̀ŋ Jùdiàa, wɔŋ fùɔ̀ŋ Sàmiliàa yaà maŋ fuɔŋ joo màŋ gbiŋ sùà e ɗuunyaàŋ.”

Nyɛ̀nɛ̀ŋ 10:46

Esaɓù kɛ̀ aŋ naŋ wa kùmìè anyùùŋ nyɛɛ̀ŋ àŋ yaà gbùùyè maŋ kaìŋ joo yèè àŋ yaà jòòwò Dayà wèè e gbeeuŋ nɛ̀. Kpeiŋ wo Pììlɛ naŋ woò wààŋ,

Nyɛ̀nɛ̀ŋ 10:47

“Wo nyùùŋ gbiŋ ɓɛ̀nɛ̀ŋ kèèwè anyùùŋ nyɛɛ̀ŋ naŋ yaà yɛ̀mɛ̀ wo Jìnàŋ Nɛɛmaàŋ nyaŋ kùàŋ feìŋ wèè aŋ go nàŋ nɔ̀ŋ gùùya nyiŋ e wùìyè? Tiŋ zà yàwì bi pɛɛ èiŋ wa yɛ̀mɛ̀ wo Jìnàŋ Nɛɛmaàŋ.”

Nyɛ̀nɛ̀ŋ 11:15

Yèè nààŋ mìŋ naŋ tɔ̀ɔ̀tù gbòa, wo Jìnàŋ Nɛɛmaàŋ naŋ nyiŋ dèyè diɛŋ, màànààŋ nɔŋ wo Jinàaŋ naŋ wi wa dèyè diɛŋ yàwi pɛɛ ko tɔɔtuì lɛ.

Nyɛ̀nɛ̀ŋ 11:24

Wo Bànaŋɓà kuwa wa ke kpèè siaŋ yèè e hààwe gbee, yèè wo Jìnàŋ Nɛɛmaàŋ nauŋ wa dìèsùà. Esàɓù ke kpèèuŋ nɛɛ̀ŋ anyuùŋ zimgbe naŋ wa kɛ̀ɛ̀nɛ̀ŋ hààwe.

Nyɛ̀nɛ̀ŋ 13:52

Kɛɛ anyuùŋ hààwe nyàŋ ko Aŋtiɔ̀ yaà wa e zɔlɔ̀ zimgbe sùà yèè wo Jìnàŋ Nɛɛmaàŋ yaà nyiìŋ wa maŋjɛ̀wɛ.

Nyɛ̀nɛ̀ŋ 13:9

Kɛɛ wo Sɔɔ̀, wo yèɔ àŋ hewa ɓɛìŋ nyààŋ wo Pɔɔ̀ wɔ, wo Jìnàŋ Nɛɛmaàŋ nauŋ wa dìèsùà. Wò naŋ wa yɛ̀mɛ̀ wo Ɓà-Jisɛ̀ dììŋ

Nyɛ̀nɛ̀ŋ 15:8

Wo Dayà nyìmàŋ kɛ̀ ke jìì nyuùŋkpùuŋ gbiŋ kiɛ̀ŋ mìè seì, nààŋ wò naŋ kìɛ̀ŋ wo Jìnàŋ Nɛɛmaàŋ koɓɛ̀ anyùùŋ nyaŋ fè àŋ Juùù nyaŋ, màànààŋ nɔŋ wò naŋ wi wuŋ kiɛ̀ŋ yàwi pɛɛ lɛ̀.

Nyɛ̀nɛ̀ŋ 19:6

Nààŋ wo Pɔɔ̀ naŋ nyiŋ wa gbùwò maŋ kùàŋ diɛŋ, wo Jìnàŋ Nɛɛmaàŋ naŋ nyiŋ dèyè diɛŋ. Kpeiŋ àŋ naŋ gbòò ke mìè Dayàa maŋ kaìŋ joo sùà.

Nyɛ̀nɛ̀ŋ 2:11

yàwi nààŋ bà nyiŋ è yààìŋ aŋ Juùù nyuuŋ, e kìlà yàwi nààŋ bà nyiŋ fèìŋ àŋ Juùù nyuuŋ kɛɛ è naiŋ nyimèè yèè è naiŋ kìlè koɓɛ̀ e zòòlò aŋ Juùù nyaŋ. E kìlà yàwi nààŋ bà nyiŋ è yààìŋ anyùùŋ nòò Kiliì, e kìlà yàwi nààŋ bà nyiŋ è yààìŋ aŋ Alà nyuuŋ, kɛɛ yàwi nààŋ gbiŋ yààìŋ kòmaŋ sùà anyùùŋ nyɛɛ̀ŋ àŋ yaà gbuuye maŋ kaìŋ wi maŋ sùà, aŋ yaà wòò e keì nyaàiŋ dè maŋ kèè mèè gbeegbèè maŋ wo Dayà naŋ nyɛ̀nɛ̀ŋ maŋ!”

Nyɛ̀nɛ̀ŋ 2:3

Kpeiŋ àŋ naŋ yɛ̀mɛ̀ e nɛ̀ŋ bà naŋ tèènè maŋ milè, kɛɛ màŋ yaà mààŋ e hmɔɔ̀ŋ mɛ̀ɛŋ nyɛɛnyɛ̀ɛ̀. Maŋ mìlè e hmɔ̀ɔ̀ŋ bi naŋ ɓààyè ke saaàŋ gbiŋ dìì yèè màŋ naŋ jɛ̀ì aŋ gbiŋ guùŋ guùŋ.

Nyɛ̀nɛ̀ŋ 4:31

Nààŋ àŋ naŋ wa kpɛ̀ɛ̀yɛ̀ Dayà zòòlo, koɓɛ̀i àŋ naŋ wa deenè lɛ naŋ wa mɛɛmɛ̀ɛ̀ŋ. Wo Jìnàŋ Nɛɛmaàŋ naŋ nyiŋ wa dìèsùà yèè àŋ naŋ tɔ̀ɔ̀tù ke mìè Dayàa gbòa janyai ke jii nyingè sùà.

Nyɛ̀nɛ̀ŋ 4:8

Wo Jìnàŋ Nɛɛmaàŋ naŋ wa dìè wo Pììlɛ sùà, yèè wò naŋ nyiŋ woò wààŋ, “Nyɛ̀iŋ nààŋ nyùùŋ gbèègbèè yèè màmànkùmɛ̀ŋ fuɔŋ nyàŋ,

Nyɛ̀nɛ̀ŋ 6:3

Weètii wùìya wi nyàŋ, tàaìŋ anyùùŋ nɔɔnɔŋ le tìyèe ɗùù nyɛ̀iŋ bi e tɛɛ aŋ yè nyaŋ wo Jìnàŋ Nɛɛmaàŋ naŋ dìèsùà nyaŋ e kìlà àŋ kuwa e jiikɛ̀ɛ. Nyiiŋ è doiŋ nàŋ kìɛ̀ŋ e keì wòo lɛɛ̀ e kìlà aŋ nɔ̀ŋ aŋ seì.

Nyɛ̀nɛ̀ŋ 6:5

Ke jii naŋ wa fɔ̀ ke gbòòɛ gbiŋ wèè e keìɛ aŋ keela nyàŋ naŋ wa woò lɛ. Anyùùŋ nyɛɛ̀ŋ àŋ naŋ wa tàeɗùù, wo Siiwììŋ, wo yèɔ kuwa wa e hààwè gbee e kìlà wo Jìnàŋ Nɛɛmaàŋ yàaùŋ wa sùà, yaà wo Felè, wo Pɔchɔlɔ̀, wo Ninkanɔ̀, wo Timɔ̀ŋ, wo Pamɛnà, yèè wo Nikolà, wo nyùùŋ e yìwìà ko Aŋtiɔ̀. Wo fè wa wò Juùù nyuuŋ, kɛɛ wò naŋ wa naàŋ kìlè koɓɛ̀ e zòòlò aŋ Juùù nyaŋ wèè zòòlo.

Nyɛ̀nɛ̀ŋ 6:8

Wo Dayà naŋ wa kìɛ̀ŋ wo Siiwììŋ e kpùùmaŋ gbee yaà e gààŋ. Wo Siiwììŋ naŋ wa nyɛ̀nɛ̀ŋ maŋ kèè mèè gbeegbèè yèè maŋ tɔ̀ɔ̀màŋsèì keì anyùùŋ nyaŋ tɛɛ.

Nyɛ̀nɛ̀ŋ 7:55

Kɛɛ wo Siiwììŋ, wo yèɔ wo Jìnàŋ Nɛɛmaàŋ naŋ wa dìèsùà wɔ, naŋ gè fɛ̀ɛ̀ dìì wo yɛ̀mɛ̀ ko àìjɛnɛ̀ŋ, yèè wò naŋ yɛ̀mɛ̀ e gbòlòùŋ Dayaà yèè wo Jisɛ̀ sia wɔŋ kùàŋ jìkà Dayàa.

Nyɛ̀nɛ̀ŋ 8:17

Kpeiŋ wo Pììlɛ yèè wo Jɔ̀ɔŋ naŋ gbùwò anyùùŋ nyaŋ gbiŋ naŋ wa hààwè wo Kanaà sùà nyaŋ maŋ kùàŋ diɛŋ, yèè wo Jìnàŋ Nɛɛmaàŋ naŋ dèyè wo nɔ̀ŋ aŋ gbiŋ ko sùà.

Nyɛ̀nɛ̀ŋ 9:17

Wo Ananaayà naŋ kɔ̀ yèè wò naŋ jɔ̀ ko saaìŋ wo Sɔɔ̀ yaà wa lɛ̀, yèè wò nauŋ gbùwò maŋ kuàuŋ màŋ diɛŋ wò nauŋ woò wààŋ, “Wùìya miɔ̀ŋ Sɔɔ̀, wo Kanaà Jisɛ̀ naim tùɔ̀ŋ ko nɛ̀ɛ̀ŋ muìŋ, wo nyùùŋ gunɔ̀ɔŋ naum fòlò feìŋ ko dòmaìŋ nààŋ mùŋ yaà weè kià hinie lɛ̀. Wò naim tùɔ̀ŋ wèè maŋ ɓɛìŋ yɛ̀mɛ̀ dìì yèè wèè wo Jìnàŋ Nɛɛmaàŋ woum sɛ̀ɛ̀ ko sùà.”

Luùm 15:13

Tɔ̀ wo Dayà, wo yèɔ kiɛ̀ŋ ke jii tùlia wɔ̀, wo kpuumàiŋ niŋ kɛɛnɛ̀ŋ e zɔlɔ̀ kɛnɛ yèè ke jii fàa, esàɓù e hààweiŋ nɛ̀, wèè kɛ̀ ke jii tùliaiŋ nɛɛ̀ŋ e gààŋ wo Jìnàŋ Nɛɛmaàŋ sùà, e nɔ̀iŋ maŋjɛ̀wɛ e teenga gbiŋ.

1 Kɔliìŋ 12:10

Wo Jìnàŋ Dayàa kiɛ̀ŋ wo nyùnɔ̀ɔŋ bàuŋ e gààŋ wèè wo nyɛ̀nɛ̀ŋ maŋ tòmò gaàŋ gbeegbèè nyaàiŋ dè maŋ kèì mèè nyɛ̀nɛŋ. Koɓɛ̀ wo bà, wo fè e kìɛ̀ŋ ke mìè gbìàŋ Dayàa gbòa, yèè wo gbàuŋ, wò fè e gààŋ wèè wo nyìmàŋ e fèèmàŋ maŋ kìɛŋ màŋ folo wo Jìnàŋ Dayàa sìwè maŋ yaà maŋ yè màŋ fòuŋ fòlà sìwè maŋ. Wo nyùnɔ̀ɔŋ bà, wò kiɛ̀uŋ e gààŋ wèè wo gbòà maŋ kaìŋ joo sùà, e kìlà wo kìɛ̀ŋ wo bàuŋ e gààŋ wèè wo gɔ̀ì e keìɛ wo nyùnɔ̀ɔŋ naŋ woò lɛ sùà.

1 Kɔliìŋ 13:1

Kà wɛ̀i ɓɛ̀nɛ̀ŋ gbòà maŋ kàìŋ nyuùŋkpùuŋ e kpùlìà maŋ jè aŋ màikà nyaŋ, kɛɛ sèè miŋ gò kùwìè è mànaŋ, e gbòaim mɛ̀ è yaà nɔŋ mààŋ wɔŋ kaì fàà ɓɔwɔɔ ɓùlìà nɛ̀ŋ, ɔ̀ɔ̀ ke ɓaɓaane kùwìè e giimè gbee.

1 Kɔliìŋ 13:8

E mànaŋ è yaà wèè julɔfɔ. Maŋ mìè gbòà wɛ̀ijì màŋ yaà, kɛɛ màŋ yaà nɔ̀ŋ wèè e teenga kpuu. Maŋ kìɛŋ màŋ yaà wèè nyùùŋ gbùùyà maŋ kaìŋ joo sùà, kɛɛ màŋ do nàŋ gɔ̀à dìì. E jiikɛ̀ɛ è yaà, kɛɛ è do nàŋ mààŋ.

1 Kɔliìŋ 14:18

Mìŋ naŋ gè wo Dayà ke sɛ̀ mìŋ gboo maŋ kaìŋ joo sùà zimgbe e nìàŋ nyɛ̀iŋ nààŋ bà nyiŋ.

1 Kɔliìŋ 14:5

Mìŋ manaŋ wèè nyɛ̀iŋ gbiŋ naŋ gbùùyà maŋ kaiŋ joo sùà, kɛɛ mìŋ henàŋ mɔ̀nɔ̀ŋ wèè naŋ wòò ke mìè gbìàŋ aŋ wɛ̀ijì nyaŋ. Wo nyùnɔ̀ɔŋ woà ke mìè gbìàŋ aŋ wɛ̀ijì nyaŋ wɔ̀, e nàfa yàaùŋ sùà e nìàŋ wo nyùnɔ̀ɔŋ gboo maŋ kaìŋ joo sùà wɔ, sɔɔ̀ nɔŋ wo nyùùŋ nɔ̀ŋ fɛɛ̀feìŋ wo yèɔ naŋ ɓɛ̀nɛ̀ŋ gɔ̀àì e nɛ̀ɛŋ wo nyùnɔ̀ɔŋ naŋ woò lɛ sùà, wèè ke gbòò anyuùŋ hààwe nyàŋ gbiŋ, e nɔ̀ŋ e kpùùmaŋ e nyɛ̀nɛ̀ŋ e hààwe wilɛ̀ e nyìngà sùà.

Ɛfesɔ̀ 3:19

Tɔ̀ e hɛɛnɛ̀ŋ wèè niŋ nyìmàŋ e mànàŋ Jisɛ̀ Kulaìɛ, jòòpɛɛ wo nyùùŋ fè ɓɛ̀nɛ̀ŋ nyìmàŋ è gbiŋ wèè e jùà jɛ̀wɛ̀, kɛɛ niŋ nɔ̀ŋ e dìaiŋ kpaŋ e nɔ̀ŋ kìì Dayàa gbiŋ sùà.

Ɛfesɔ̀ 5:18

Ɓɔ̀ nìŋ tìà maŋ tala muaŋ màŋ wèè maiŋ kùwà, e yèɛ kɛ̀ màŋ pɔɔ̀ìŋ nɔŋ lɛ̀, kɛɛ wo Jìnàŋ Nɛɛmaàŋ nɔ̀ìŋ sùà.

Ɛfesɔ̀ 6:18

Nyìniaìŋ tɛɛ̀ gbiŋ e zòòlo sùà, nìŋ yaà dààwè Dayà wèè e kpùùmaŋ. Zòòloìŋ ke nyɛ̀nɛŋ gbiŋ sùà, nààŋ nɔŋ wo Jinàaŋ siàìŋ feìŋ nɛ. E wèè esaɓù lɛɛ̀, nɔ̀ɔìŋ fɛɛ̀ wòwò yèè e bɔ̀mɔ̀ŋ ɓɔ̀ è wùìyàiŋ, zòòloìŋ e teenga gbiŋ wèè anyùùŋ nɛɛmaŋ nyàŋ.

1Pììlɛ 1:12

Wo Dayà naŋ dàànè ebò koɓɛ̀ aŋ wɛ̀ijì nyɛɛ̀ŋ kɛ̀ aŋ fè wa toomo wèè è nàfà nyiŋ bi, sɔɔ̀ nyɛ̀iŋ nyàŋ, àŋ naŋ wòò maŋ keì maŋ nìŋ naŋ yaà kòmò e yìwìà aŋ keela nyàŋ naŋ dàànè Ebò Siaàŋ esàɓù e gààŋ Jìnàŋ Dayàa sùà e yìwìà ko àìjɛnɛ̀ŋ nyaŋ. Mɛɛ̀ŋ nàŋ yaà maŋ keì maŋ aŋ màikà nyaŋ kàìŋ nyaŋ pɛɛ hewa nàŋ mɔ̀nɔ̀ŋ wèè aŋ nyìmàŋ maŋ.

2Pììlɛ 1:21

E mìè nyààŋ wɛ̀ijì gbiŋ gò wa nɔŋ e yìwìà è gòngò nyiiŋ bi sùà, kɛɛ wo Jìnàŋ Dayàa nàŋ yaà wa tòòmò anyùùŋ nààŋ àŋ yaà wa fèe sùà ke miè gbìaàŋ e yìwìà Dayà.