Nyɛ̀nɛ̀ŋ 2:24 - WƆŊ FƐ̀Ì EBÒ SÌÀŊ DAYÀA

²⁴ Kɛɛ wo Dayà nauŋ wa gè e jèlà fàa dìì wɔŋ nyiiŋ gèeo sùà, wouŋ gè e gààŋ fàa diɛŋ, esaɓù kɛ̀ e fàa kuwà wa è gààŋ diɛɔŋ wèè euŋ kùwà ke hùaàŋ sùà.

Nyɛ̀nɛ̀ŋ 2:24 Iomraidhean Croise

1 Kɔliìŋ 6:14

Wo Dayà naŋ gè wo Kanaà e fàa dìì, yèè wò do wi nàŋ gè e fàaà dìì e gaàuŋ nɛ̀ sùà.

1Pììlɛ 1:21

Esàɓù Jisɛ̀ Kulaì sùà nìŋ naŋ hààwè Dayà, wo yèɔ nauŋ gèe dìì e yìwìà e fàa dìì, yèè wò nauŋ fè e jòòwo, wèètii e hààweiŋ nɛ̀ yèè ke jii tùliaiŋ nɛɛ̀ŋ yaà koɓɛ̀ Dayài.

Kòlo 2:12

Nààŋ àŋ naiŋ wa gùò, è yaà wa mààŋ àŋ naiŋ sììyè nyɛ̀iŋ wo Jisɛ̀ Kulaì koɓɛ̀ guùŋ. E yìwìà e gùa lɛɛ̀ sùà, wo Dayà naiŋ wa gè e fàaà dìì nyɛ̀iŋ Jisɛ̀ Kulaì koɓɛ̀ guùŋ, esaɓù e hààweɛ̀ nìŋ kuwa e gààŋ Dayàa dìì lɛ, wo yèɔ naŋ wa gè wo Jisɛ̀ Kulaì e fàa dìì wɔŋ nyiiŋ gèeɔ̀ sùà wɔ.

Nyɛ̀nɛ̀ŋ 2:32

Wo Dayà naŋ wa gè wo Kanaà Jisɛ̀ wɛɛ̀ e fàa dìì, yèè yàwi nààŋ gbiŋ è yààìŋ aŋ sèì koɓɛ̀ e tɔ̀ɔ̀nyaàŋ lɛɛ̀.

Ɛfesɔ̀ 1:20

e teengaà wò naŋ gè wo Jisɛ̀ Kulaì e fàa dìì, wò nauŋ jàà wɔŋ kùàŋ jìkà wuŋ Dayàa ko àìjɛnɛ̀ŋ.

Jɔ̀ɔŋ 10:18

Wo nyùùŋ gbiŋ wo naàim jìwè sɔɔ̀ ka nyimèè miàŋ bi wèè wo nyùùŋ woim jìwà. Yèè mìŋ kuwa e gààaŋ wèè ka ɓɛìŋ kɛ̀ɛ̀ wɔŋ geɔ̀ sùà, màànààŋ nɔŋ wo Dèda miɔ̀ŋ naim woò wèè ka nyɛ̀nɛ̀ŋ lɛ.”

2 Kɔliìŋ 4:14

Eiŋ nyìmàŋ kɛ̀ wo Dayà, wo yèɔ naŋ gè wo Kanaà Jisɛ̀ e fàaà dìì wɔ, wò do wi nàŋ gè dìì yàwi pɛɛ e kpùlìà Jisɛ̀, wo wi kɔà e hààwè nyɛ̀iŋ nààŋ gbiŋ diɛŋ ko fɛ̀ɛ̀fèìŋ wuŋ biì.

Luùm 8:11

Sèè wo Jìnàŋ Nɛɛmaàŋ, wo yèɔ naŋ gè wo Jisɛ̀ e fàaà dìì wɔ joàùm ko sùà, kpeiŋ kɛ̀ wo Jìnàŋ Nɛɛmaàŋ naŋ gè wo Jisɛ̀ Kulaì e fàaà dìì wɔ do nàŋ kìɛ̀ŋ wɔŋ nyiiŋ gèe koɓɛ̀ maŋ kpùnaiŋ màŋ do nàŋ fɔ̀ maŋ, nààŋ wo Jinàuŋ nɔɔ̀ŋ yààìŋ ko sùà lɛ.

Luùm 6:4

Nààŋ è naiŋ wa nɔ̀ŋ gùa wi, yàwi nààŋ Jisɛ̀ kulaì naiŋ wa fɔ̀ɔ̀yɛ̀ koɓɛ̀ guùŋ yèè àŋ naŋ wi sììyè koɓɛ̀ guùŋ. È naiŋ wa nɔ̀ŋ gùa wi wèè eiŋ nɔ̀ŋ wɔŋ nyiiŋ gèe jɛi sùà, nààŋ wo Dayà wo Dèdaà naŋ wa gè wo Jisɛ̀ Kulaì e fàa dìì koɓɛ̀ wɔŋ nyiiŋ gèe e yìwìà e jòòwò gààŋ nɛɛmaŋ gbee sùà.

Hiɓu 13:20

Tɔɔɓaa, wo Dayà naŋ gè wo Kana wiɔ̀ Jisɛ̀ e fàaà dìì. Wo Jisɛ̀ yaà mààŋ wo nyuùŋ tùnìàŋ ɓaawaa gbee, wo yèɔ naŋ wùɔ̀ŋ maŋ sɛ̀nùuŋ màŋ wèè wo banè e ɗààhìì e mìèsùàguùŋ wèè julɔfɔ e fèèmàŋ Dayà yaà anyunùuŋ nyàŋ. Tɔ̀ wo Dàyà jii fàaà kiɛ̀iŋ e tɛ̀ɛ̀tɛ̀ɛ̀ɛ gbiŋ nìŋ manaŋ lɛ̀, wèè kɛ̀ niŋ nyɛ̀nɛ̀ŋ e yèɛ wò manaŋ lɛ̀. Tɔ̀ esàɓù Jisɛ̀ Kulaìɛ nyɛ̀nɛ̀ŋ wo Dayà toomò wi sùà wèè e nyɛ̀nɛ̀iŋ e yèɛ fɔɔyɛ̀uŋ jii lɛ̀. Yèè tɔ̀ e jòòwo nɔ̀ŋ koɓɛ̀ Jisɛ̀ Kulaìi wèè julɔfɔ yèè julɔfɔ. Àmiinàŋ!

1Tɛsè 1:10

yèè wèè naŋ fòlà jɔ̀àfelaauŋ nɔɔ̀ŋ Jisɛ̀ Kulaì e yìwìà ko àìjɛnɛ̀ŋ wo yèɔ wò naŋ gè e fàaà dìì yèè wò naŋ wi joeyè e yìwìà e wùàŋ Dayàa yaà hinie lɛ̀.

Luùm 10:9

Sèè mùŋ kilià dèè kɛ̀ wo Jisɛ̀ yàa wo Kana, e kìlà maŋ haawè ke jii mɔɛ̀ŋ sùà kɛ̀ wo Dayà nauŋ gè e fàaà dìì wɔŋ nyiiŋ gèeɔ̀ sùà, wo Dayà doum nàŋ joeyè.

Luùm 4:24

Maŋ keì mɛɛ̀ŋ naŋ wa nɔ̀ŋ sìnga miŋ wèè yàwi, nààŋ wo Dayà do nàŋ jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, aŋ yè nyaŋ naŋ haawè kɛ̀ wuŋ naŋ gè wo Kana wiɔ̀ Jisɛ̀ e fàaà dìì.

Nyɛ̀nɛ̀ŋ 17:31

Wò jàà ke ɗɔɔ e ɓula wèè wo gbàì anyùùŋ nyaŋ gbiŋ e ɗuunyaàŋ e tɔ̀ɔ̀nyaàŋ sùà. Yèè wò naŋ tà wo Jisɛ̀ ke ɗùù wèè wo gbaì anyùùŋ nyaŋ weèuŋ. Wo Dayà wò wi kìɛ̀ŋ e tɔ̀ɔ̀nyààŋ e keì lɛɛ̀ yàwi nààŋ gbiŋ nààŋ wò naŋ gè wo Jisɛ̀ e fàa dìì.”

Nyɛ̀nɛ̀ŋ 13:30

Kɛɛ wo Dayà nauŋ gè e fàaà dìì wɔŋ nyiiŋ gèeo sùà,

Nyɛ̀nɛ̀ŋ 3:15

Nìŋ naŋ wa jìwè wo nyùnɔ̀ɔŋ tɔɔ̀ wɔŋ nyiiŋ gèe kɛnɛ wɔ̀, kɛɛ wo Dayà nauŋ wa gè e fàaà dìì wɔŋ nyiiŋ gèeo sùà. Yàwi nààŋ gbiŋ è yààìŋ aŋ sèì koɓɛ̀ e keì lɛɛ̀.

Gàla 1:1

E yìwìà miàim Pɔɔ̀ sìwè, nàŋ yaà sìngìè wɔŋ fɛi wɛɛ̀ŋ. Wo Dayà naim nyààŋ wèè ka nɔ̀ŋ wo keela tàeɗùù wèè Jisɛ̀ Kulaì, yèè e nyàaŋ mɛ gò e yìwìà nyùùŋ kpùuŋ ɔ̀ɔ̀ è gààŋ nyuùŋkpùuŋ sùà, kɛɛ è naŋ yìwìè wo Jisɛ̀ Kulaì yaà wo Dèdaà Dayà wo yèɔ naùŋ gè e fàaà dìì wɔ.

Nyɛ̀nɛ̀ŋ 3:26

Wo Dayà naŋ wa tà wo Ɓɔìjɔ̀àuŋ nɔɔ̀ŋ Jisɛ̀ ɗùù yèè wò nauŋ tùɔ̀ŋ ko nɛ̀ɛ̀iŋ niìŋ jiɛ̀, wèè wo kpuumàiŋ niŋ fè maŋ tùwo naanààiŋ màŋ jɛwɛ yèè niŋ kìlà koɓɛ̀ Dayài.”

1 Kɔliìŋ 15:15

Eɓìèmàŋjɛ̀wɛ̀ tii, è do nàŋ nɔ̀ŋ tɔ̀ɔ sùà kɛ̀ è yààìŋ tòa sùà e nyaàiŋ dè Dayà. Esaɓù, è naiŋ woò kɛ̀ wò naŋ gè wo Jisɛ̀ Kulaì e fàa dìì. Kɛɛ sèè e nɔ̀ŋ tɔɔɓaa kɛ̀ anyuùŋ fàa nyàŋ naàŋ yèwè è dìì wɔŋ nyiiŋ gèeɔ̀ sùà, kɛ̀ wo Dayà gò wa gè wò Jisɛ̀ Kulaì è fàa dìì.

Nyɛ̀nɛ̀ŋ 13:37

Kɛɛ tɛɛ̀ gò wa kààìŋ kòɓɛ̀ Jisɛ̀i wò yèɔ wò Dayà naŋ wa gè è fàa dìì wɔ, ke kpùnauŋ nɛɛ̀ŋ gò wa hèwà.

Nyɛ̀nɛ̀ŋ 4:10

tɔ̀ e woòiŋ, e kpùlìà nyɛ̀iŋ nààŋ nyùùŋ Ezɔ̀ɛ̀ nyaŋ gbiŋ kɛ̀, wo felaa wɛɛ̀ sìàìŋ yaà ko fɛɛ̀feìŋ wɔ naŋ nɔ̀ŋ jòèyauŋ janyai e gààŋ Jisɛ̀ Kulaìɛ sùà e yìwìà ko Naazɔ̀ɛ̀, wo yèɔ nìŋ naŋ wa jìwìè vànèkpaaà diɛŋ wɔ̀ yèè wo Dayà nauŋ gè e fàaà dìì wɔŋ nyiiŋ gèeo sùà.

Jɔ̀ɔŋ 20:9

E tèèngà guùŋ lii sùà, wo Pììlɛ yèè wo nyùùŋ màŋjɛ̀wɛ̀ɔ bàa kòò àŋ nyìmè wa nɔŋ è yèɛ wɔŋ fɛ̀ì Dayàa naŋ woò lɛ kɛ̀, wo Jisɛ̀ do nàŋ yèwè e fàaà dìì wɔŋ nyiiŋ gèeo sùà.

Maŋ kèì nyɛɛnɛŋ 1:18

Miàŋ nàŋ yaà wo nyuùŋ gè nyiiɔ̀ŋ! Mìŋ naŋ wa fɔ̀, kɛɛ kòò mìŋ yaà naàŋ wɔŋ nyiiŋ gèeɔ̀ sùà wèè julɔfɔ yèè julɔfɔ. Mìŋ kuwa e gààŋ e fàa yaà e ɗùùnyàŋ anyuùŋ fàa nyàŋ diɛŋ.

1 Kɔliìŋ 15:12

Nààŋ ke miè gbìaŋ wiɛ̀ naŋ woò kɛ̀ wo Dayà naŋ gè wo Jisɛ̀ Kulaì e fàa dìì, dièsɔa nyɛ̀iŋ nààŋ bà nyiŋ nìŋ woà nààŋ anyuùŋ fàa nyàŋ naàŋ fòlò è fàa dìì?

Luùm 14:9

Esaɓù kɛ̀ wo Jisɛ̀ Kulaì naŋ fɔ̀ yèè wò naŋ yèwè e fàaà dìì wɔŋ nyiiŋ gèeɔ̀ sùà, wèè kɛ̀ wo nɔ̀ŋ Kana wèè anyuùŋ gè nyiiŋ nyàŋ yaà anyuùŋ fàa nyàŋ.

Luùm 8:34

Ɓòò nàŋ do nyiŋ naàŋ nàŋ hèè e kiti diɛŋ? E naàŋ nɔ̀ŋ wò Jisɛ̀ Kulaì, wo yèɔ naŋ fɔ̀ e kìlà wo Dayà nauŋ gè e fàaà dìì wɔ, yèè kòò wò jaa naàŋ wɔŋ kùàŋ jìkà Dayàa, wò yàaùŋ pɔɔwɔ weè wi.

Jɔ̀ɔŋ 12:39

Yèè weètii anyùùŋ nyaŋ gò wa ɓɛ̀nɛ̀ŋ kɛ̀ɛ̀nɛ̀ŋ è hààwe wo Jisɛ̀ sùà esaɓù kɛ̀, wo wɛ̀ijìɔ Àzaayà naŋ niŋ wa woò. Wo Àzaayà naŋ ɓɛìŋ woò wààŋ,

Hiɓu 2:14

Aŋ jɔ̀à nyiiŋ kuwa maŋ kèìŋ yaà maŋ sɛ̀ìŋ, yèè wo Jisɛ̀ naŋ wa nɔ̀ŋ wo bà nyiŋ bà e nɔ̀ŋ kii nyiŋ nɛ̀ sùà. Wò naŋ tɛɛ̀ nyɛ̀nɛ̀ŋ wèè kɛ̀ esàɓù e fàuŋ nɛ̀, wo pɔɔpɔ̀ɔ̀ e gààŋ Dɛwìɔ, wo yèɔ kuwa wa e gààŋ e fàa diɛŋ wɔ̀.

Maafiù 27:63

àŋ nauŋ woò nyààŋ, “Kanaà, èiŋ jààejii kɛ̀ wo felaa tòa wii naŋ mɛ̀iŋ woò e teengaà wò yaà wɔŋ nyiiŋ gèeɔ̀ sùà lɛ wààŋ, ‘Mìŋ do nàŋ yèwè e fàaà dìì wɔŋ nyiiŋ gèe sùà sèè e gɔ̀ɛ̀ɛ̀ taai è maaŋ.’

Jɔ̀ɔŋ 10:35

Èiŋ nyìmàŋ kɛ̀ e yèɛ wɔŋ fɛ̀ì Dayàa naŋ woò lɛ è yaà e tɔ̀ɔ̀nyaàŋ wèè julɔfɔ. Yèè wo Dayà naŋ wa gbòò koɓɛ̀ anyùùŋ nyiiŋ yèè wò naŋ nyiŋ wa nyààŋ aŋ dayà.

Nyɛ̀nɛ̀ŋ 1:16

Wò naŋ woò wààŋ, “Nyɛ̀iŋ nààŋ nyuùŋ hààwe dàwim nyàŋ, e yèɛ wɔŋ fɛ̀ì Dayàa naŋ woò lɛ kuwa e hɛɛnɛ̀ŋ, e yìwìà ko yèi wo Jìnàŋ Nɛɛmaàŋ naŋ wa gbùùyè wo Dèèwe sùà lɛ. Wɔ̀ŋ naŋ wòò e keìɛ wo Juɗà do wa nàŋ nyɛ̀nɛ̀ŋ ko dòmànfeìŋ lɛ, wo yèɔ naŋ wa nɔ̀ŋ wo sìèfèìŋ anyùùŋ nyaŋ naŋ wa kùwò wo Kanaà Jisɛ̀ nyaŋ.

Nyɛ̀nɛ̀ŋ 5:30

Nìŋ naŋ wa jìwìè wo Jisɛ̀ wɔŋ vànèkpaa diɛŋ. Kɛɛ wo Dàyà aŋ nèwàènèwe wi nyàŋ nauŋ gè e fàaà dìì wɔŋ nyiiŋ gèeo sùà.

1 Kɔliìŋ 15:4

kɛ̀ àŋ nauŋ sìè, yèè wo Dayà nauŋ gè e fàaà dìì e gɔ̀ɛ̀ taaà diɛŋ màànààŋ è yaà sìngaiŋ wɔŋ fɛ̀ì Dayàa sùà lɛ̀,

1 Kɔliìŋ 15:20

Kɛɛ e tɔɔɓaaà nàŋ yaà kɛ̀ wo Jisɛ̀ Kulaì fòlà e fàa dìì, tii nàŋ yaà ke jii tùliaà kɛ̀ aŋ yè nyaŋ àŋ yaà maŋ jàwè e fàa dìì nyaŋ àŋ do nàŋ fòlò e fàa dìì.