Nyɛ̀nɛ̀ŋ 2:1 - WƆŊ FƐ̀Ì EBÒ SÌÀŊ DAYÀA

¹ Nààŋ ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ naŋ wa haì, anyuùŋ hààwe nyàŋ gbiŋ naŋ wa dèènè koɓɛ̀ guùŋ.

Nyɛ̀nɛ̀ŋ 2:1 Iomraidhean Croise

Nyɛ̀nɛ̀ŋ 1:5

Wo Jɔ̀ɔŋ naŋ wa nɔŋ gùùyè anyùùŋ e wùìyè, kɛɛ maŋ ɗɔɔ kpàa bà sùà, wo Dayà doiŋ nàŋ gùùyè wo Jìnàŋ Nɛɛmaàŋ.”

Nyɛ̀nɛ̀ŋ 1:8

Kɛɛ e teengaà wo Jìnàŋ Nɛɛmaàŋ doiŋ nàŋ kìɛ̀ŋ gààŋ lɛ̀, e gààŋ doiŋ nàŋ sɛ̀ɛ̀ sùà, nìŋ do nàŋ nɔ̀ŋ aŋ sèì e kìlà naŋ wòò anyùùŋ kɛ̀ kiìŋ nìŋ naŋ nyìmè e nyaàiŋ eim dè ko Jùlusɛ̀làm, wɔŋ fùɔ̀ŋ Jùdiàa, wɔŋ fùɔ̀ŋ Sàmiliàa yaà maŋ fuɔŋ joo màŋ gbiŋ sùà e ɗuunyaàŋ.”

Nyɛ̀nɛ̀ŋ 2:46

Ke ɗɔɔ gbiŋ anyuùŋ hààwe nyàŋ hewa dèènè koɓɛ̀ guùŋ ke gbòò sùà ko Saaŋ Zòòlò Dayài. Aŋ gbiŋ hewa jììyà e nɛ̀ŋje koɓɛ̀ guùŋ maŋ gboò nyiŋ màŋ sùà ke jii fàa yèè e ɓɛ̀ɛ̀jàa sùà,

Nyɛ̀nɛ̀ŋ 20:16

Wo Pɔɔ̀ naŋ wa ɗewè wèè eiŋ kɔ̀ɛ̀ ko Ɛfesɔ̀, esaɓù kɛ̀ wo manàŋ wa wèè wò do nɔ̀ŋ wɔ̀ŋ fùɔ̀ŋ Eesìàa wèè e teenga mùnlaŋ. Wò yaà wa nyinie fiòfiò yèè wò manaŋ wa wo hàì ko Jùlusɛ̀làm e teengaà wèè ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ.

Nyɛ̀nɛ̀ŋ 4:24

Nààŋ anyuùŋ hààwe nyàŋ naŋ niŋ kòmò, aŋ gbiŋ naŋ dèènè koɓɛ̀ guùŋ aŋ zòòlò wo Dayà ke jìì guùŋ sùà nyààŋ, “Kanaà, muàŋ naŋ bànè ko àìjɛnɛ̀ŋ, e dììɛ e ɗuunyaàŋ yaà wɔŋ juwoɔ̀, e hààwè manɛ̀ŋ maŋ gbiŋ yaà miìŋ ko sùà maŋ,

Nyɛ̀nɛ̀ŋ 4:31

Nààŋ àŋ naŋ wa kpɛ̀ɛ̀yɛ̀ Dayà zòòlo, koɓɛ̀i àŋ naŋ wa deenè lɛ naŋ wa mɛɛmɛ̀ɛ̀ŋ. Wo Jìnàŋ Nɛɛmaàŋ naŋ nyiŋ wa dìèsùà yèè àŋ naŋ tɔ̀ɔ̀tù ke mìè Dayàa gbòa janyai ke jii nyingè sùà.

Nyɛ̀nɛ̀ŋ 4:32

Ke gbòò anyuùŋ hààwe nyàŋ naŋ wa tòòmò koɓɛ̀ guùŋ e mìèsùàguùŋ yèè ke jìì guùŋ sùà. Aŋ bà gbiŋ gò wa woò kɛ̀ nyiŋ bi nàŋ kanaŋ wa è yèɛ àŋ kuwa wa lɛ̀, kɛɛ àŋ gbiŋ naŋ wa gòònò e yèɛ gbiŋ àŋ kuwa wa lɛ̀ nyiŋ bi e fèemàŋ.

Nyɛ̀nɛ̀ŋ 5:12

Aŋ keela tàeɗùù nyaŋ naŋ wa kààìŋ maŋ kèè mèè yèè àŋ naŋ tɔ̀ɔ̀ maŋ tɔ̀ɔ̀màŋsèì keì anyùùŋ nyaŋ tɛɛ. Anyuùŋ hààwe nyàŋ gbiŋ hewa dèènè koɓɛ̀ guùŋ mààŋ ke kpòò guùŋ ko Pìàzà Salemàiŋ.

Luùm 15:6

wèè kɛ̀ nyɛ̀iŋ nààŋ gbiŋ naŋ tɛ̀nɛ̀ŋ wo Dayà koɓɛ̀ guùŋ, wo Dèdaà wèè wo Kana wiɔ̀ Jisɛ̀ Kulaì.

1 Kɔliìŋ 16:8

Mìŋ nɔ̀ŋ kià ko Ɛfesɔ̀ e jèèsùà ke ɗɔ̀ɔ̀ e zòòlò aŋ Juùù nyaŋ àŋ nyaaŋ Pɛnɛŋkɔ̀ɛ lɛ̀ ke haì.

Fèle 1:27

Eɓìèmàŋjɛ̀wɛ̀ tii gbiŋ, tɔ̀ ke nyɛ̀nɛiŋ nɛɛ̀ŋ wɔŋ nyiiŋ gèeiŋ nɔɔ̀ŋ sùà nɔ̀ŋ e ɗewe kiiɛ̀ dò naŋ hìɛ̀ŋ e ɓɛ̀ɛ̀jàa koɓɛ̀ Ebò Siaàŋ, e nyaàiŋ dè wo Jisɛ̀ Kulaì. Kpeiŋ sèè kaiŋ pɛɛ jaamè ɔ̀ɔ̀ mìŋ goiŋ pɛɛ jaamè, mìŋ do nàŋ kòmò kɛ̀ nyɛ̀iŋ gbiŋ kòò nìŋ yaà toomo ke jìì guùŋ sùà, nìŋ sia koɓɛ̀ guùŋ tiiŋ, wèè naŋ nyɛ̀nɛ̀ŋ anyuùŋ joo aŋ hààwè Ebò Siaàŋ.

Fèle 2:2

Mìŋ yààìŋ daawe, wèè naim nyɛ̀nɛ̀ŋ ka kɛ̀ɛ̀nɛ̀ŋ zɔlɔ̀ zimgbe. Kɛ̀ɛ̀nɛìŋ gòngo, tɔ̀ɔìŋ e mànaŋ, yèè niŋ nɔ̀ŋ ke gbòò guùŋ e kìlà niŋ kɛɛnɛ̀ŋ ke jìì guùŋ.