Maafiù 9:1 - WƆŊ FƐ̀Ì EBÒ SÌÀŊ DAYÀA

¹ Wo Jisɛ̀ naŋ sɛ̀ɛ̀ wɔŋ gɔ sùa yèè wo naŋ nìè wɔŋ juwoɔ̀ wo kà ko jawauŋ noo.

Maafiù 9:1 Iomraidhean Croise

Maafiù 4:13

Kɛɛ wo Jisɛ̀ gò wa jèè kò Naazɔ̀ɛ̀, wò naŋ wa kɔ̀ wèè wo jòò ko jawa gbeeì àŋ nyaaŋ Kepanàùm. E jawa lɛɛ̀ yaà wa wɔŋ juwoɔ̀ kɔɔ wɔŋ fùɔ̀ŋ Galaliìɔ, maŋ kpàlàùŋ kpàlàùŋ maŋ sùà ko Zɛɓulɔ̀ùŋ yaà ko Nataliì.

Maafiù 7:6

“Ɓɔ̀ mùŋ kiɛ̀ŋ è nɛ̀ɛŋ naŋ sɔ̀ wò Dayà dèè lɛ kòɓɛ̀ àŋ sùùŋ. Esaɓù kɛ̀ àŋ do nàŋ kìlè aum gbùwà ke guùŋ. E kìlà ɓɔ̀ mùŋ gbìàŋ mànɛ̀ŋ kɛnɛ kɛ̀ɛ̀nɛ̀ŋ ɓaàum màŋ kòɓɛ̀ àŋ nyùàŋ, àŋ do miŋ nàŋ sɔ̀pɔ̀sɔ̀pɔ̀ maŋ gòlò.

Maafiù 8:18

Nààŋ wo Jisɛ̀ naŋ wa yɛ̀mɛ̀ e faaàŋ nauŋ kiliè, wuŋ yaà anyùùŋ màŋjɛ̀wɛ̀uŋ nyàŋ naŋ kɔ̀ wɔŋ fàa bàa wɔŋ juwoɔ̀ kɔɔ ko Galaliì.

Maafiù 8:23

Wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ sɛ̀ɛ̀ wɔŋ gɔɔ̀ sùà àŋ naŋ kɔ̀.

Luù 8:37

Kpeiŋ anyùùŋ nyaŋ gbiŋ maŋ kpàlàùŋ kpàlàùŋ miiŋ sùà e gbɛ̀ɛ̀ ko Gɛ̀lesà naŋ pɔ̀wɔ̀ wo Jisɛ̀ wèè wo yèwà wɔŋ fuɔŋ nyiŋ nɔɔ̀ŋ sùà, esaɓù kɛ̀ e jùù naŋ wa nyɛ̀nɛ̀ŋ aŋ gbiŋ. Wo Jisɛ̀ naŋ sɛ̀ɛ̀ wɔŋ gɔɔ̀ sùà wò naŋ kɔ̀.

Luù 8:40

Nààŋ wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ kɛ̀ɛ̀ maŋjɛ̀wɛ wɔŋ fàa bàa wɔŋ juwoɔ̀ kɔɔ ko Kepanàùm, anyùùŋ nyaŋ naŋ wa ɓèè wo Jisɛ̀, esaɓù kɛ̀ aŋ gbiŋ yàaùŋ wa fulie.

Maŋ kèì nyɛɛnɛŋ 22:11

Wo nyùnɔ̀ɔŋ gbiŋ yaà wo nyuùŋ nyɛ̀nɛ̀ŋ maŋ keì naanààŋ wɔ, wo nɔ̀ŋ nyìnìè maŋ keì naanààuŋ màŋ, yèè wo nyùnɔ̀ɔŋ gbiŋ yaà nyìnìè maŋ keì kùwà ninaŋ wɔ̀, wo kuunò miŋ nyɛ̀nɛŋ. Wo nyùnɔ̀ɔŋ gbiŋ yaà nyìnìè tɔ̀ɔ̀nyaàŋ wɔ, wo kuunò niŋ nyɛ̀nɛŋ, e kìlà wo nyùnɔ̀ɔŋ gbiŋ yaà e nɛɛmaŋ sùà wɔ, wo jeè e nɛɛmaŋ sùà.”