Maafiù 8:8 - WƆŊ FƐ̀Ì EBÒ SÌÀŊ DAYÀA

⁸ Kɛɛ wo kààlòòɗùàa nauŋ woò wààŋ, “Kpele Kanaà, miŋ fè tɛ̀ɛ̀ wèè maŋ hnàŋ maŋ jɔ̀à kè saaŋ miɛ̀ŋ dìì. Wòò nɔŋ mààŋ wo ɓɔìjɔ̀à miɔ̀ŋ jòèyà, wò do nàŋ jòèyè.

Maafiù 8:8 Iomraidhean Croise

Maafiù 3:11

Sèè è nɔ̀ŋ wèè miàŋ, mìŋ yààìŋ nɔŋ gùùyà sùà e wùìyè wèè e tɔɔ̀ kɛ̀ nàŋ fè maŋ tùwo naanààiŋ màŋ jɛwɛ. Kɛɛ wo nyùùŋ bà kòò wò yaà hinie eɓìèmàŋjɛ̀wɛ̀ miàŋ, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka kòà màŋ bauŋ màŋ. Kɛɛ wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Maafiù 3:14

Kɛɛ wo Jɔ̀ɔŋ naŋ wa kàmè ɗewe wèè wo kìlà wo Jisɛ̀ ke jii yèè wò nauŋ woò wààŋ, “Miàŋ nàŋ henàŋ hnè ko nɛ̀ɛ̀ŋ muìŋ wèè maim gùà, wèè kiɛ̀ŋ mùŋ naŋ hnè ko nɛ̀ɛ̀ŋ miìŋ?”

Maafiù 8:3

Wo Jisɛ̀ naŋ vùlɔ̀ŋ wɔŋ kuàuŋ nɔɔ̀ŋ yèè wò naŋ mɛ̀nlɛ̀ɛ̀ŋ wo felaaà wò nauŋ woò wààŋ, “Mìŋ manaŋ. Joyà muŋ zɛ̀nɛ̀ŋ!” Ko fɛɛ̀feìŋ, e sààŋ maŋkùnùɛ naŋ jùò wo felaaà e kɔɔ sùà.

Maafiù 8:7

Yèè wo Jisɛ̀ nauŋ woò wààŋ, “Mìŋ yaà kɔɔyɛ wèè kauŋ sùngà.”

Maafiù 8:9

Mìŋ naŋ tɛɛ̀ haawè esaɓù kɛ̀, miàŋ pɛɛ mìŋ yaà wo nyùùŋ e gààŋ anyuùŋ gbeegbèè dìì. Sèè àŋ woàìm nyààŋ nyɛnɛ̀ŋ tɛɛ̀, ka niŋ nyɛ̀nɛ̀ŋ. Mìŋ kuwa ɓɛìŋ aŋ kààlòòɗùà aŋ yè nyaŋ toomàìm dìì. Sèè mìŋ woà wo bà guùŋ mìàŋ, ‘Kɔ̀à!’ wò do nàŋ kɔ̀. Sèè mìŋ woà ɓɛìŋ wo bà mìàŋ ‘Hnaàŋ!’ wò do nàŋ hnè. Mìŋ woà wo ɓɔìjɔ̀à miɔ̀ŋ mìàŋ, ‘Nyɛnɛ̀ŋ tɛɛ̀!’ wò do niŋ nàŋ nyɛ̀nɛ̀ŋ.”

Luù 15:19

Miŋ fè ɓɛìŋ tɛ̀ɛ̀ wèè maim nyààŋ wò jɔ̀àfelaaum. Ɓèmèim miŋ nɔ̀ŋ wo ɓɔìjɔ̀à tòmo mɔɔ̀ŋ bà guùŋ.” ’

Luù 15:21

Kpeiŋ wo jɔ̀àfelaaà naŋ woò wààŋ, ‘Dèda, kà nyɛ̀nɛ̀ŋ e tùwò naanààŋ koɓɛ̀ Dayài ko àìjɛnɛ̀ŋ yèè ko nɛ̀ɛ̀ŋ muìŋ. Miŋ fè ɓɛìŋ tɛ̀ɛ̀ wèè maim nyààŋ wò jɔ̀àfelaaum.’

Luù 5:8

Nààŋ wo Saimɔ̀ŋ Piilɛ̀ naŋ yɛ̀mɛ̀ aŋ kɛ̀ì nyaŋ, wò naŋ dè maŋ gɛ̀ɛ̀nùuŋ màŋ dìì wo Jisɛ̀ fɛɛ̀feìŋ yèè wò naŋ woò wààŋ, “Kanaà, ɓɔ̀ mùŋ gbɛ̀ɛ̀im, esaɓù kɛ̀ mìŋ yaà wo nyùùŋ maŋ jùumù.”

Jɔ̀ɔŋ 1:27

Wò do nàŋ hnè eɓìèmàŋjɛ̀wɛ̀ miàŋ, yèè miŋ siàŋ ngèè pɛɛ tɛ̀ɛ̀ wèè ka fìlè è jèì màŋ bauŋ màŋ.”