Maafiù 6:4 - WƆŊ FƐ̀Ì EBÒ SÌÀŊ DAYÀA

⁴ Kpeiŋ kɛ̀ e nɛ̀ŋ kìɛŋ mɔ̀ɛ̀ e nɔ̀ŋ ke gbùnuo sùà. Yèè wo Dèda mɔɔ̀ŋ yɛmɛ̀ e nɛ̀ŋ nyɛ̀nɛŋ ke gbùnuo sùà wɔ, wò doum nàŋ kìɛ̀ŋ e jìwààjɛ̀wɛ̀ siaŋ.

Maafiù 6:4 Iomraidhean Croise

Maafiù 10:42

Mìŋ yààìŋ wòo sùà e tɔɔɓaaà kɛ̀, wo nyùnɔ̀ɔŋ gbiŋ naŋ kìɛ̀ŋ wɔŋ maì kpòò koɓɛ̀ wo tòloòɔ bà guùŋ anyùùŋ màŋjɛ̀wɛ̀im nyɛɛ̀ŋ sùà wɔ, esaɓù kɛ̀ wò yaà wo nyùùŋ màŋjɛ̀wɛ̀im, wò do nàŋ yɛ̀mɛ̀ e jìwààjɛ̀wɛ̀ weè niŋ.”

Maafiù 6:18

wèè kɛ̀ anyuùŋ joo bà go nàŋ nyìmè kɛ̀ mùŋ yaà kè tɔùŋ. Wo Dèda mɔɔ̀ŋ naŋ nyìmè e nɛ̀ɛŋ mùŋ naŋ nyɛ̀nɛ̀ŋ ke gbùnuo sùà lɛ, wò doum nàŋ kìɛ̀ŋ e jìwààjɛ̀wɛ̀ siaŋ.

Maafiù 6:3

Kɛɛ sèè mùŋ kpuumàŋ wo nyuùŋ pɔ̀ɔɔ̀, ɓɔ̀ mùŋ nyɛ̀nɛ̀ŋ wò nyùùŋ gbiŋ wò do niŋ nyìmàŋ.

Maafiù 6:6

Kɛɛ sèè mùŋ woà mààŋ muŋ zoolò, jɔ̀à ko saaŋ zɔ̀nù moo muŋ yìlà wɔŋ gbemgbeeɔ̀. Zòòloò koɓɛ̀ wo Dèda mɔɔ̀ŋ ke gbùnuo sùà. Yèè wo Dèda mɔɔ̀ŋ naŋ nyìmè e nɛ̀ɛŋ mùŋ naŋ nyɛ̀nɛ̀ŋ ke gbùnuo sùà lɛ, wò doum nàŋ kìɛ̀ŋ e jìwààjɛ̀wɛ̀ siaŋ.

Luù 14:14

Wo Dayà doum nàŋ kpuumò, esaɓù kɛ̀ anyùùŋ nyiiŋ fòum ɓɛ̀nɛ̀ŋ pààwa. Wo Dayà doum nàŋ paawà ke ɗɔɔɛ̀ anyùùŋ tɔ̀ɔ̀nyaàŋ nyaŋ yewe wa nàwèè e fàaà dìì lɛ.”

Luù 8:17

“E nɛ̀ɛŋ gbiŋ yaà ko nyɛɛnɛŋ lɛ̀, è do nàŋ fòlò ke fòolà, e nɛ̀ɛŋ gbiŋ yaà ke gbùnuo sùà lɛ, àŋ do niŋ nàŋ yɛmɛ̀ e kìlà aŋ niŋ hìàŋ ko gbolòùŋ janyai.

1 Kɔliìŋ 4:5

E wèètii ɓɔ̀ nìŋ gbaaì wò nyùùŋ gbiŋ è keì paŋgàà è tèèngà keì gbàiɛ̀ e haì. E keì gbài dìàmaàŋ do wa nàwèè nàŋ nɔ̀ŋ e tèèngà e hnàŋ Kanaà Jisɛ̀ Kulaìɛ diɛŋ. Wuŋ nàŋ do nàŋ gè maŋ gbùnù ke nyìwì maŋ, yaà esàɓù nyɛ̀nɛŋ miŋ nɛ̀ e gòngò nyuùŋkpùuŋ nyàŋ jiio sùà, wo miŋ gɔaì janjai. Kpeiŋ kɛ̀ wo Dayà do nàŋ fè wo nyùùŋ gbiŋ e tɛ̀nɛɛ̀ŋ wò kanaŋ lɛ̀.

Hiɓu 4:13

E nɛ̀ŋ gbiŋ fè wèè e nɔ̀ŋ kò nyɛɛnɛŋ kò fɛ̀ɛ̀fèìŋ Dayài. Manɛ̀ŋ maŋ gbiŋ e ɗuunyaàŋ màŋ yaà yìle miŋ yèè maŋ hawa janjai ko fɛɛ̀fenùuŋ niìŋ. Ko nɛ̀ɛ̀uŋ niìŋ è kuwa euŋ tɔ̀ɔ̀ e jìwààjɛ̀wɛ̀ e tɔ̀ɔ̀nyaàaŋ è naiŋ nyɛ̀nɛ̀ŋ lɛ.

Juù 1:24

Wo Dayà wuŋ guùŋ nɔŋ naum ɓɛ̀nɛ̀ŋ yɛ̀mɛ̀ diɛŋ wèè muŋ go nàŋ sɔ̀ɔ̀, e kìla woum nyɛ̀nɛ̀ŋ maŋ nɔ̀ŋ zɛ̀nɛum yèè e zɔlɔ̀ sùà e jòòwouŋ nɛ̀ fɛɛ̀feìŋ.

Maŋ kèì nyɛɛnɛŋ 2:23

Mìŋ do ngèè ɓɛìŋ nàŋ jìwè anyùùŋ màŋjɛ̀wɛ̀uŋ nyàŋ gbiŋ, kpeiŋ kɛ̀ ke gbòò anyuùŋ hààwe nyàŋ gbiŋ do nàŋ nyìmè kɛ̀, miàŋ nàŋ yaà wo nyùnɔ̀ɔŋ naŋ nyìmè e gòngò nyuùŋkpùuŋ gbiŋ ke jiiuŋ nɛɛ̀ŋ sùà, yèè e yèɛ àŋ manaŋ lɛ̀. Mìŋ do ɓɛìŋ nàŋ pààwà nyɛ̀iŋ nààŋ bà guùŋ gbiŋ wèè e tòmoɛ̀ mùŋ naŋ nyɛ̀nɛ̀ŋ lɛ.