Maafiù 6:2 - WƆŊ FƐ̀Ì EBÒ SÌÀŊ DAYÀA

² “Weètii sèè mùŋ kpuumàŋ wo nyuùŋ pɔ̀ɔɔ̀, ɓɔ̀ mùŋ fuunyàŋ niŋ è ɓuu diɛŋ. Tii nyùùŋ fɛ̀ɛ̀ ɗòònààkeì nyɛnɛŋ maŋ sààŋ zòòlò aŋ Juùù nyaŋ dìì, yaà maŋ dòmaŋ màŋ diɛŋ, esaɓù kɛ̀ àŋ manaŋ wèè anyùùŋ aŋ nyiŋ tɛnɛ̀ŋ. Miŋ woòum e tɔɔɓaaà kɛ̀ sèè mùŋ nyɛnɛŋ tii, kɛ̀ màŋ kpɛ̀ɛ̀yɛ̀ e jìwààjɛ̀wɛ̀ mɔ̀ɛ̀ yɛ̀mɛ.

Maafiù 6:2 Iomraidhean Croise

Maafiù 15:7

Nyɛ̀iŋ nààŋ nyùùŋ fɛ̀ɛ̀ ɗòònààkeì nyɛɛ̀ŋ! E nɛ̀ɛŋ wo kèèlà Dayàa Àzaayà naŋ wa sìngè, yèè wò naŋ woò e nyaàiŋ eiŋ dè lɛ, è yaà wa tɔɔɓaà!

Maafiù 16:3

Kɛɛ sèè e nììɛsie maŋ nyiìŋ tɛ̀tɛ̀ nìŋ yɛmɛ̀ ke nyiliɛ̀ kè wɛnɛŋ yèè kò naŋ kùwò, nìŋ woà nààŋ, ‘Maŋ gɔ̀à maŋ yaà hinie maŋ sɔ̀à.’ Nàŋ nyìmàŋ kɛ̀ kiìŋ nàŋ do nàŋ kaaìŋ yèè naŋ niŋ woò sèè nìŋ yɛmɛ̀ ke nyiliɛ̀ ko fùùiŋ, kɛɛ niŋ nyimààŋ màŋ tɔ̀ɔ̀màŋsèì keì maŋ yaà nàaŋ kaaiŋ màŋ è teenga lɛɛ̀ sùà.

Maafiù 22:18

Kɛɛ wo Jisɛ̀ wa nyìmàŋ e kàaɓì nyiŋ nɛ̀ tɛ, yèè wò naŋ nyiŋ woò wààŋ, “Nyɛ̀iŋ nààŋ nyùùŋ fɛ̀ɛ̀ ɗòònààkeì fɛ̀ɛ̀ keì nyɛɛ̀ŋ, wèè kiìŋ nìŋ manaŋ naim kùwìà ke gbaù sùà?

Maafiù 23:5

Manɛ̀ŋ nyɛ̀nɛŋ nyiŋ màŋ gbiŋ màŋ yaà nɔŋ wèè anyùùŋ aŋ nyiŋ yɛmɛ̀ ko ɓài. Àŋ singe maŋ mìè nyààŋ fɛ̀ì Dayà maŋ aŋ miŋ bàànè maŋ ɗàsìmɔɔŋ gbeegbèè, yèè aŋ miŋ sɛ̀ɛ̀sɛ̀ɛ̀ maŋ ɗìfeìŋ, aŋ miŋ sɛ̀ɛ̀sɛ̀ɛ̀ maŋ kùàŋ, yèè àŋ dikià maŋ jeèì mùnlòmuŋlo e tɛɛ maŋ ɓuuɓane nyiŋ màŋ diɛŋ, wèè anyùùŋ aŋ nyiŋ gɔ̀à le fɛ̀ɛ̀.

Maafiù 23:6

Àŋ jaà maŋ jɛ̀i kɛnɛ màŋ diɛŋ maŋ ɗaa gèe màŋ diɛŋ, yaà maŋ jɛ̀i màŋ àŋ naŋ jàà e ɓula titi màŋ, maŋ sààŋ zòòlò aŋ Juùù nyaŋ dìì, esaɓù kɛ̀ àŋ manaŋ anyùùŋ aŋ nyiŋ kìɛ̀ŋ ɓɛ̀ɛ̀jàa.

Maafiù 24:51

Wo ɓɔìjɔ̀à wɛɛ̀ do nàŋ kɔ̀ e keì nyìnga dìì yèè auŋ gbìàŋ koɓɛ̀ nyùùŋ fɛ̀ɛ̀ ɗòònààkeì nyaŋ. Kuŋ àŋ do nàŋ nɔ̀ŋ àŋ golo yèè àŋ gbile le sìaŋ e keì nyìnga sùà.”

Maafiù 5:18

Tɔɔɓaa kɛ̀ɛ̀nɛìŋ jii jàa kɛ̀, ko àìjɛnɛ̀ŋ yaà e ɗuunyaàŋ e wa nàwèè wɛ̀i ɓɛ̀nɛ̀ŋ hàì ko dìa. Kɛɛ e pɛɛ nɔ̀ŋ ke tomi jɔa yèè wɔŋ kɔmɔŋ miaŋ maŋ Sàwà maŋ sùà, ke naàŋ nɔ̀ŋ dao ge nyiŋ. E nɛ̀ɛŋ gbiŋ è yaà sìnga niŋ maŋ Sàwà maŋ sùà lɛ kuwa e hɛɛnɛ̀ŋ.

Maafiù 6:16

“Sèè mùŋ kuwo ke tɔùŋ, ɓɔ̀ mùŋ nyɛ̀nɛ̀ŋ wò nyùùŋ gbiŋ wò do nyìmàŋ kɛ̀ mùŋ yaà kè tɔùŋ, màànààŋ anyuùŋ jàà fɛ̀ɛ̀ keì foo nyàŋ nyɛnɛŋ lɛ̀. Miŋ woòum e tɔɔɓaaà kɛ̀ sèè mùŋ nyɛnɛŋ tii, kɛ̀ màŋ kpɛ̀ɛ̀yɛ̀ e jìwààjɛ̀wɛ̀ mɔ̀ɛ̀ yɛ̀mɛ.

Maafiù 6:3

Kɛɛ sèè mùŋ kpuumàŋ wo nyuùŋ pɔ̀ɔɔ̀, ɓɔ̀ mùŋ nyɛ̀nɛ̀ŋ wò nyùùŋ gbiŋ wò do niŋ nyìmàŋ.

Maafiù 6:5

“Sèè mùŋ nɔ̀ŋ zoolo, ɓɔ̀ mùŋ nɔ̀ŋ mààŋ ànyùùŋ fɛ̀ɛ̀ ɗòònààkeì nyaŋ! Àŋ manaŋ kèè nyiŋ bi tɔ̀ɔ maŋ sààŋ zòòlò aŋ Juùù nyaŋ dìì yèè maŋ dòmaŋ màŋ diɛŋ. Àŋ nyɛnɛŋ tɛɛ̀ wèè aŋ tɔɔ̀ kɛ̀ àŋ yaà tɛ̀ɛ̀ ko ɓài. Miŋ woòum e tɔɔɓaaà kɛ̀ sèè mùŋ nyɛnɛŋ tii, kɛ̀ màŋ kpɛ̀ɛ̀yɛ̀ e jìwààjɛ̀wɛ̀ mɔ̀ɛ̀ yɛ̀mɛ.

Maafiù 7:5

Mùŋ yaà wo nyùùŋ fɛ̀ɛ̀ ɗòònààkeì. Gè wɔŋ kuùfòòɔ ko sòòfɛ̀ɛ̀ muìŋ jiɛ̀, kpeiŋ kɛ̀ màŋ ɓɛ̀nɛ̀ŋ yɛ̀mɛ̀ dìì tɛ̀ɛ̀ wèè maŋ gè ke kuùfìèɛ ko sòòfɛ̀ɛ̀ wùìya mɔɔ̀ŋ.

Luù 11:41

Kɛɛ kìɛ̀ŋ manɛ̀ŋ maŋ yaà maŋ kpòò tììyaiŋ màŋ yèè maŋ tɛnyɛ̀iŋ màŋ sùà koɓɛ̀ anyuùŋ pɔ̀ɔ nyàŋ, kɛ̀ e yèɛ gbiŋ nìŋ kuwa lɛ̀ è nɔ̀ŋ zɛ̀nɛŋ niŋ tɛ̀ɛ̀ koɓɛ̀ Dayài.”

Luù 11:43

“E keì nyìnga do nàŋ nɔ̀ŋ ko nɛ̀ɛ̀iŋ niìŋ, nyɛ̀iŋ nààŋ Fɛlosiì nyaŋ! Nìŋ manaŋ maŋ jɛ̀i kɛnɛ màŋ àŋ naŋ jàà e ɓula titi màŋ maŋ sààŋ zòòlò aŋ Juùù nyaŋ dìì e kìlà wèè aiŋ kìɛ̀ŋ e ɓɛ̀ɛ̀jàa koɓɛ̀i àŋ nyiniàŋ maŋ bòli màŋ lɛ.

Luù 12:33

Mààaìŋ manɛ̀ŋ siwèiŋ màŋ gbiŋ niŋ kiɛ̀ŋ e nɛɛnɛɛ̀ŋ koɓɛ̀ anyuùŋ pɔ̀ɔ nyàŋ. Bàneìŋ maŋ ɓùù sùlò nɛɛnɛŋ hàa wèè nyɛ̀iŋ bi maŋ yè maŋ naàŋ pɔɔpɔ̀ɔ̀ maŋ. Sèè nìŋ nyɛnɛŋ tii, è do nàŋ nɔ̀ŋ mààŋ nìŋ yaà bàànè maŋ pɔsɛ̀ hàa wèè nyɛ̀iŋ bi, maŋ yè maŋ e nɛɛnɛŋ naàŋ jùò sùà maŋ, e kìlà wo Dayà doiŋ nàŋ kìɛ̀ŋ e sùlò ko àìjɛnɛ̀ŋ e yèɛ doo nàŋ nɔ̀ŋ e teenga gbiŋ. Kuuŋ, wo nyuùŋ wùa naàŋ hnè wèè wo niŋ wùà, e kìlà aŋ gbiimiŋ naàŋ nìŋ pɔɔpɔ̀ɔ̀.

Luù 12:56

Nyɛ̀iŋ nààŋ nyuùŋ jàà fɛ̀ɛ̀ keì nyɛɛ̀ŋ! Nìŋ nyɛnɛŋ maŋ nɔnɔŋ tùaŋ wèè naŋ nyìmàŋ kɛ̀ kiìŋ nàŋ do nàŋ kaaìŋ e kìlà naŋ niŋ woò, sèè nìŋ yɛmɛ̀ maŋ keì maŋ e ɗuunyaàŋ yaà ke nyiliɛ̀ ko fùùiŋ yèè naŋ miŋ gɔ̀ì sùà, kɛɛ niŋ nyimààŋ è fàsàì màŋ tɔ̀ɔ̀màŋsèì keì maŋ yaà nàaŋ kaaiŋ màŋ è teenga lɛɛ̀ sùà.”

Luù 13:15

Wo Kanaà Jisɛ̀ nauŋ fasàì wààŋ, “Muàŋ e kpùlìà aŋ sìèfèìŋ zòòlo dàwium nyàŋ nìŋ yaà anyùùŋ fɛ̀ɛ̀ ɗòònààkeì! Nyɛ̀iŋ nyɛɛ̀ŋ bà gbiŋ niŋ fè gè wò dìii ɔ̀ɔ̀ wò ɗòsòo mɔɔ̀ŋ wɔ̀ŋ gbòlà màŋ nɛ̀ŋje nyiŋ nɔɔ̀ŋ sùà ke Ɗɔ̀ɔ̀ Zòòlò aŋ Juùù nyaŋ diɛ̀ŋ wèè mauŋ koà wo tìà?

Luù 20:46

“Yɛ̀mɛìŋ nyɛiŋ bi diɛŋ e nyaàiŋ dè aŋ kààmɔ̀ɔ̀ŋ maŋ Sàwà Dayà nyaŋ. Àŋ manaŋ emààmè maŋ ɓuuɓane kùmà mùnlòmunlo sùà, e kìlà àŋ manaŋ wèè aŋ nyiŋ zuumò e kìlà wèè aŋ nyiŋ kìɛ̀ŋ e ɓɛ̀ɛ̀jàa koɓɛ̀i àŋ nyiniàŋ maŋ bòli màŋ lɛ. Àŋ jaà maŋ jɛ̀i kɛnɛ màŋ àŋ naŋ jàà e ɓula titi màŋ maŋ sààŋ zòòlò aŋ Juùù nyaŋ dìì, yaà maŋ jɛ̀i kɛnɛ màŋ maŋ ɗaa gèe màŋ diɛŋ.

Luù 6:24

“Kɛɛ e kei nyìnga do nàŋ nɔ̀ŋ wèè nyɛ̀iŋ nyàŋ naŋ banè nyaŋ. Nàŋ nyìnìàŋ wɔŋ nyiiŋ gèeiŋ nɔɔ̀ŋ ke jii nyingè yaà ke nyɛɛnkɛŋ siaŋ sùà.”

Luù 6:42

Dièsɔa mùŋ naŋ ɓɛ̀nɛ̀ŋ wòò wo wùìya mɔɔ̀ŋ maàŋ, ‘Tɔ̀ miŋ gòum e kuùfìèɛ ko sòòfɛ̀ɛ̀,’ kɛɛ muŋ fè yɛ̀mɛ̀ wɔ̀ŋ kuùfòòɔ kò sòòfɛ̀ɛ̀ muàŋ biì? Mùŋ yaà wo nyùùŋ fɛ̀ɛ̀ ɗòònààkeì. Gè wɔŋ kuùfòòɔ ko sòòfɛ̀ɛ̀ muìŋ jiɛ̀, kpeiŋ kɛ̀ màŋ ɓɛ̀nɛ̀ŋ yɛ̀mɛ̀ dìì tɛ̀ɛ̀ wèè maŋ gè e kuùfìèɛ ko sòòfɛ̀ɛ̀ wùìya mɔɔ̀ŋ.

Jɔ̀ɔŋ 13:29

Kɛɛ nààŋ wo Juɗà nàŋ yaà wa wo nyuùŋ bànè e sùlò nɛɛnɛɛ̀ŋ hàa, anyùùŋ màŋjɛ̀wɛ̀ nyaŋ bà nyiŋ naŋ wa gongò kɛ̀ wo Jisɛ̀ nauŋ wa woò wèè wo ka wo dènàŋ e nɛ̀ŋ bà wèè wɔŋ ɗaaà, ɔ̀ɔ̀ wèè wo ka wa wo kiɛ̀ŋ e nɛ̀ŋ koɓɛ̀ anyuùŋ pɔ̀ɔ nyàŋ.

Jɔ̀ɔŋ 5:41

“Miŋ fè yɛ̀ɛ̀mɛ̀ dòmaŋ wèè ànyuùŋ kpùuŋ àŋ doim tɛnɛ̀ŋ.

Jɔ̀ɔŋ 5:44

Nìŋ manaŋ e kèè aŋ dàwi tɛ̀nɛŋ, tii nàŋ fɔɔyɛ̀ìŋ maŋ jii. Niŋ fè kàmè è ɗewe wèè naŋ tuwò tɛ̀ɛ̀ wèè e nyɛ̀nɛ̀ŋ esaɓù wèè wò Dayà wuŋ guùŋ woiŋ tɛnɛ̀ŋ. Kpeiŋ kɛ̀ dièsɔa nìŋ naim naàŋ ɓɛ̀nɛ̀ŋ kɛ̀ɛ̀nɛ̀ŋ e hààwe sùà?

Jɔ̀ɔŋ 7:18

Sèè mìŋ mɔnɔŋ weè wèè ka gbòà wèè ka jòòwò miàŋ bi, mìŋ henàŋ gbòò e gààŋ miàŋ biɛ̀ sùà. Kɛɛ mìŋ manaŋ ka dɛ̀ɛ̀kɛ̀ wo nyùnɔ̀ɔŋ naim tùɔ̀ŋ wɔ. Esaɓùɛ lɛɛ̀ mìŋ woà e tɔɔɓaaà yèè e fè tòa.

Nyɛ̀nɛ̀ŋ 10:2

Wo Kɔ̀nilìɔ̀ yaà anyunùuŋ nyàŋ ko gboounoo kuwa wa e hààwe yèè àŋ duɔŋ wa wo Dayà. Wò hewa kpùùmàŋ anyuùŋ pɔ̀ɔ nyàŋ zimgbe, yèè wò hewa zòòlò Dayà e teengaà diɛŋ.

Nyɛ̀nɛ̀ŋ 10:31

yèè wò naim woò wààŋ, ‘Kɔ̀nilìɔ̀! Wo Dayà jàà e zòòlo mɔ̀ɛ̀ yèè manɛ̀ŋ kìɛŋ zimgbeum màŋ kùàŋ dèè koɓɛ̀ anyuùŋ pɔ̀ɔ nyàŋ.

Nyɛ̀nɛ̀ŋ 10:4

E jùùɛ naŋ wa nyɛ̀nɛ̀ŋ wo Kɔ̀nilìɔ̀ yèè wò naŋ yɛ̀mɛ̀ wo màikàa sɛiiŋ yèè wò nauŋ woò wààŋ, “Kiìŋ nàŋ yaà e fàsàì tɛɛ̀, Dàa?” Wo màikàa nauŋ fasàì wààŋ, “Wo Dayà jàà e zòòlo mɔ̀ɛ̀ yèè manɛ̀ŋ kìɛum màŋ kùàŋ dìì koɓɛ̀ anyuùŋ pɔ̀ɔ nyàŋ, yèè wò naàŋ wèè woum fasàì.

Nyɛ̀nɛ̀ŋ 11:29

Anyùùŋ màŋjɛ̀wɛ̀ nyaŋ gbiŋ ko Aŋtiɔ̀ naŋ wa ɗewè wèè aŋ toomò koɓɛ̀ guùŋ aŋ nyɛ̀nɛ̀ŋ maŋ kuàŋ gbònògbono e yìwìà e yèɛ naŋ wa ɓɛ̀ɛ̀nɛ̀ŋ wo nyùùŋ gbiŋ kùàŋ sùà lɛ wèè aŋ tùàŋ anyuùŋ hààwe dàwi nyiŋ nyàŋ ko Jùdià.

Nyɛ̀nɛ̀ŋ 24:17

“Nààŋ mìŋ naŋ kɔ̀ maŋ fuɔŋ joo sùà wèè maŋ doa jika, mìŋ naŋ kɛɛ̀ wèè ka hìàŋ manɛ̀ŋ kìɛŋ koɓɛ̀ anyuùŋ pɔ̀ɔ nyàŋ yèè koɓɛ̀ wɔŋ fuɔŋ miɔ̀ŋ yèè wèè ka gè maŋ saàà.

Nyɛ̀nɛ̀ŋ 9:36

Wo nìe kɛ̀ɛ̀nɛ̀ŋ hààwe bà yaò wa àŋ nyaaŋ wo Tàbità. E Guliì deeuŋ nɛ̀ nàŋ yaà wa wo Dɔkà. Wò hewa jòò ko jawa bà àŋ nyaaŋ ko Jɔpà. Wo nìe wɛɛ̀ hewa nyìnìàŋ anyùùŋ e keì sìàŋ e tèèngà nyiiŋ geuŋ nɔɔ̀ŋ gbiŋ sùà yèè wò kpuumàŋ wa anyuùŋ pɔ̀ɔ nyàŋ zimgbe.

Luùm 12:8

Sèè mààŋ è kuwa eiŋ kìɛ̀ŋ aŋ dàwi wi nyàŋ maŋ jii nyingè, kìɛŋ wììŋ nyiŋ maŋ jii nyingè. Sèè è mɔnɔŋ wèè eiŋ kìɛ̀ŋ aŋ dàwi wi nyàŋ, kìɛŋ wììŋ nyiŋ e mànaŋ sùà. Sèè mààŋ è yààìŋ aŋ ɓɛ̀màŋɗì anyùùŋ, nyɛ̀nɛ̀ŋ wiìŋ e tɛ̀ɛ̀tɛ̀ɛ̀ wilɛ̀ wèè e nɔ̀iŋ e tɔ̀ɔ̀nyaàŋ sùà ko nɛ̀ɛ̀ŋ nyiŋ niìŋ. Sèè è mɔnɔŋ wèè eiŋ tɔ̀ɔ̀ ke nyowo koɓɛ̀ aŋ dàwi wi nyàŋ, nyɛ̀nɛ̀ŋ wììŋ niŋ e ɓɛ̀ɛ̀jàa sùà.

1 Kɔliìŋ 13:3

Ka wɛ̀i pɛɛ fè e nɛ̀ŋ kàme mɛ̀ gbiŋ e kìlà ka fè ke kpùnaŋ miɛ̀ŋ wèè aŋ nyiŋ sùàŋ, kɛɛ sèè miŋ gò kùwìè è mànaŋ, è yaà wèè foo.

Gàla 2:10

Àŋ naŋ wi wa nɔŋ dawè wèè eiŋ jàà anyùùŋ pɔ̀ɔ nyàŋ jii ke gboò nyiŋ nɛɛ̀ŋ sùà, yèè tɛɛ̀ nàŋ yaà e keìɛ è naŋ wa gongò wèè eiŋ nyɛ̀nɛ̀ŋ lɛ̀.

Ɛfesɔ̀ 4:28

Sèè mùŋ nɔ̀ŋ wo nyuùŋ wùa, gè kùàŋ e kèè wùa sùà, muŋ tomo nyìnga wèè muŋ kàmè e nɛ̀ŋ wèè muàŋ bi e ɓɛ̀ɛ̀jàa sùà, e kìlà muŋ ɓɛnɛ̀ŋ wèè maŋ nyɛ̀nɛ̀ŋ e keì sìàŋ, koɓɛ̀ anyùùŋ nyaŋ kuwà è nɛ̀ŋ bà nyaŋ.

1Tɛsè 2:6

E gòiŋ fɛ̀ɛ̀ wèè eiŋ yɛ̀mɛ̀ è jòòwo wo nyùùŋ gbiŋ sìwè, e pɛɛ nɔ̀ŋ nyɛ̀iŋ bi ɔ̀ɔ̀ anyùùŋ bà,

1Time 6:18

Wòò nyiŋ wèè aŋ nyɛ̀nɛ̀ŋ e keì sìàŋ, aŋ nɔ̀ŋ bàne nyiŋ e tòmo siaŋ sùà, aŋ banebànè wèè aŋ kiɛ̀ŋ anyuùŋ joo.

Felemɔ̀ŋ - PHM 1:7

Wùìya miɔ̀ŋ, esàɓù e mànaŋ mɔ̀ɛ̀, mìŋ kuwa e zɔlɔ̀ gbee, yèè è naim kìɛ̀ŋ ke jii nyingè. È naŋ ɓɛìŋ dììyè e zɔlɔ̀ maŋ jìì anyùùŋ nyaŋ kuwa e mànaŋ wèè anyùùŋ nɛɛmaŋ nyàŋ koɓɛ̀ Dayài.

Hiɓu 13:16

Ɓɔ̀ nìŋ nyɛɛnɛ̀ŋ wèè naŋ kpùùmàŋ kè gbòò Dayà zòòloɛ̀, tɛɛ̀ nàŋ yaà e saaà gèeɛ̀ fɔɔyɛ̀ Dayà jii lɛ̀.

1Pììlɛ 4:11

Anyùùŋ nyaŋ kuwa e kìɛ̀ŋ gbòa nyàŋ, aŋ woò ke mìè gbìàŋ Dayàa. Aŋ yè nyaŋ yaà aŋ ɓɔìjɔ̀à tòmo nyàŋ, aŋ toomò e gàaŋ wo Dayà naŋ nyiŋ kiɛ̀ŋ lɛ. E wèè kɛ̀ e gbio sùà wo Dayà yɛmɛ̀ e ɓɛ̀ɛ̀jàa esàɓù Jisɛ̀ Kulaì sùà wo yèɔ e gààŋ yèè e jòòwo yaà weèuŋ wèè julɔfɔ yèè julɔfɔ wɔ̀. Àmiinàŋ.