Biblia Todo Logo
Bìoball air-loidhne

- Sanasan -




Maafiù 3:9 - WƆŊ FƐ̀Ì EBÒ SÌÀŊ DAYÀA

9 Ɓɔ̀ nìŋ gongò ngèè pɛɛ kòɓɛ̀ nyɛ̀iŋ biì kɛ̀ nàŋ ɓɛ̀nɛ̀ŋ dùàŋ e nimilà sìwè, esaɓù kɛ̀ nìŋ naŋ woò nààŋ nìŋ yewe ke kpòò Eɓulɔhɛɛ̀ɛŋ sùà. Miŋ woòiŋ e tɔɔɓaaà kɛ̀ wo Dayà ɓɛ̀nɛ̀ŋ ɓèmè le dùò lɛɛ̀ wo niŋ kìlà anyuùŋ kpùuŋ aŋ nɔ̀ŋ aŋ jɔ̀à wèè wo Eɓulɔhɛɛ̀ŋ.

Faic an caibideil Dèan lethbhreac




Maafiù 3:9
22 Iomraidhean Croise  

Wo kenàaŋ naŋ wòò ke jiiuŋ nɛɛ̀ŋ sùà wààŋ, ‘Kiìŋ mìŋ naŋ ɓɛ̀nɛ̀ŋ nyɛ̀nɛŋ? Miŋ kuwà kò nɛ̀nɛ̀ŋ gbee wèè kao gbìàŋ mànɛ̀ŋ jè ɓù maŋ gbiŋ mìŋ kuwa màŋ.’


Wo kenàŋ bàneɔ̀ naŋ wòò wo Eɓulɔhɛɛ̀ŋ wààŋ, ‘Dàa Eɓulɔhɛɛ̀ŋ, yɛ̀mɛ̀im ke nyowo! Tuàŋ wo Lazɔlɔ̀ wèè wo dè ke kiiòuŋ nɛɛ̀ŋ e wùìyè sùà yèè wo dè miŋ e milè, esaɓù kɛ̀ mìŋ yaà kùwìè e keì nyìnga zimgbe e hmɔ̀ɔ̀ŋ lɛɛ̀ sùà.’


Wo Jisɛ̀ naŋ nyiŋ woò wààŋ, “Tɔ̀ miŋ woòiŋ kɛ̀ sèè àŋ kumiàŋ, e dùò lɛ tiiŋ bi do nàŋ tɔ̀ɔ̀tù kpàaŋ.”


Nyɛ̀nɛìŋ maŋ keì maŋ do nàŋ tɔɔ̀ kɛ̀ tɔɔɓaa nàŋ fè maŋ tùwo naanààiŋ màŋ jɛwɛ. Ɓɔ̀ nìŋ gongò ngèè pɛɛ kòɓɛ̀ nyɛ̀iŋ biì kɛ̀ nìŋ yewe ke kpòò Eɓulɔhɛɛ̀ɛŋ sùà. Miŋ woòiŋ e tɔɔɓaaà kɛ̀ wo Dayà ɓɛ̀nɛ̀ŋ ɓèmè le dùò lɛɛ̀ wo niŋ kìlà anyuùŋ kpùuŋ aŋ nɔ̀ŋ aŋ jɔ̀à wèè wo Eɓulɔhɛɛ̀ŋ.


Wo Jisɛ̀ nyìmàŋ kɛ̀ kiìŋ àŋ yaà wa goongo maŋ jii nyiŋ màŋ sùà. Kpeiŋ wò naŋ nyiŋ woò wààŋ, “Wèè kiìŋ nìŋ gongà maŋ keì mààŋ mɛɛ̀ŋ maŋ jiiŋ màŋ sùà e nyaàiŋ dè e nɛ̀ɛŋ mìŋ naŋ woò lɛ?


Wo Fɛlosiìɔ naŋ nyààŋ wo Jisɛ̀ wɔ naŋ wòò ke jiiuŋ nɛɛ̀ŋ sùà wààŋ, “Sèè wo kenàŋ wɛɛ̀ tɔɔɓaa wo weè nɔ̀ŋ wo wɛ̀ijì, wò he weè nàŋ nyìmè kɛ̀ ɓòò nàŋ yaà wo nìeɔ̀ yàaùŋ mɛ̀nlɛɛŋ sùà wɔ. Wò henàŋ nyìmè kɛ̀ wò yaà wo nyùùŋ maŋ jùumù.”


Àŋ naŋ fasàì nyààŋ, “È yèwèìŋ ke kpòò Eɓulɔhɛɛ̀ɛŋ sùà, yèè kòò è nɔ̀ìŋ wa àŋ ɗo wò nyùùŋ gbiŋ dìì. Dièsɔa mùŋ naŋ ɓɛ̀nɛ̀ŋ wòo mààŋ, ‘È doiŋ nàŋ fòlò e ɗo dìì’?”


Kà nyìmàŋ kɛ̀ nìŋ folo ke kpòò Eɓulɔhɛɛ̀ɛŋ sùà, yɛi nɔŋ è yaà nìŋ yaà kààmè ɗewe wèè naim jìwà, esaɓù kɛ̀ niŋ gò jàà è kàa mɛ̀ kùàŋ dìì.


E sɛmɛmaŋ mɔ̀ɛ̀ naŋ nìè e jè wo dèda wiɔ̀ Eɓulɔhɛɛ̀ŋ? Wò naŋ wa fɔ̀, e hààwè aŋ wɛ̀ijì nyaŋ. Ɓòò mùŋ naŋ gongò kɛ̀ mùŋ yaà?”


“Wùìyaim nyàŋ e yìwìà ke kpòò Eɓulɔhɛɛ̀ŋ, yèè nyɛ̀iŋ nyàŋ nààŋ fè àŋ Juùù nyaŋ kɛɛ nìŋ duɔŋ Dayà, ko nɛ̀ɛ̀ŋ wiì ke mìè gbìàŋ e jòèye yɛɛ̀ naŋ wa nɔ̀ŋ tùaŋ nyiŋ.


Wo Saamɔ̀ŋ Piilɛ̀ naŋ wi nɔŋ wòò e ɗeweɛ̀ wo Dayà naŋ wa hnè jɛɛ̀ yèè wò naŋ kìɛ̀ŋ e kpùùmaŋ koɓɛ̀ anyùùŋ nyaŋ fè àŋ Juùù nyaŋ. Wo Dayà naŋ wa tii nyɛ̀nɛ̀ŋ nààŋ wò naŋ wa tà aŋ bà nyiŋ ɗùù wèè aŋ nɔ̀ŋ anyunùuŋ.


Sèè è nɔ̀ŋ yɛi, kɛ̀ kiìŋ è naiŋ ɓɛ̀nɛ̀ŋ wòo wèè wo nèwàènèwe wiɔ̀ Eɓulɔhɛɛ̀ŋ e nyaàiŋ dè e yèɛ wuŋ bi naŋ wa nyɛ̀nɛ̀ŋ lɛ? Kiìŋ wò naŋ wa nyìmè e jiikɛ̀ɛuŋ nɛ̀ sùà?


Lean sinn:

Sanasan


Sanasan