Maafiù 10:5 - WƆŊ FƐ̀Ì EBÒ SÌÀŊ DAYÀA

⁵ Nààŋ wo Jisɛ̀ naŋ banebànè wèè wo tùàŋ a keela tàeɗùù zììyà jɛ̀wɛ̀ tìyèe nyàŋ, wò naŋ nyiŋ woò wààŋ, “Ɓɔ̀ nìŋ ka kò jàwà ànyùùŋ nyaŋ fè àŋ Juùù nyaŋ ɔ̀ɔ̀ màŋ jàwà ànyùùŋ fùɔ̀ŋ Sàmilià nyaŋ bà gbiŋ sùà.

Maafiù 10:5 Iomraidhean Croise

Maafiù 22:3

Wo kanaà naŋ tùɔ̀ŋ aŋ ɓɔìjɔ̀àuŋ nyàŋ wèè aŋ woò anyùùŋ nyaŋ àŋ naŋ nyààŋ nyaŋ wèè aŋ hnàŋ wɔŋ ɗaaà diɛŋ, kɛɛ anyùùŋ nyaŋ gò wa nyimèè wèè aŋ hnàŋ wɔ̀ŋ ɗaaà diɛŋ.

Maafiù 4:15

“E dììɛ maŋ kpàlàùŋ kpàlàùŋ maŋ sùà ko Zɛɓulɔ̀ùŋ yaà ko Nataliì, e tèèngà koɓɛ̀ ke dòmaàŋ kɔ̀à koɓɛ̀ wɔŋ juwoɔ̀ lɛ, yèè wɔŋ fàa bàa e Wùìyè Jɔɔɗììŋ lɛ nìngè, koɓɛ̀ anyùùŋ nyaŋ e dìì wɔŋ fùɔ̀ŋ Galaliìɔ sùà, anyùùŋ nyaŋ fè àŋ Juùù nyaŋ!

Luù 10:1

Eɓìèmàŋjɛ̀wɛ̀ tɛɛ̀ wo Kanaà naŋ tùɔ̀ŋ anyuùŋ kpɛ̀ɛ̀ùŋ taai jɛ̀wɛ̀ zììyà jɛ̀wɛ̀ tìyèe, àŋ tìyèe tìyèe ke gbòò sùà. Wo Jisɛ̀ naŋ nyiŋ wa tùɔ̀ŋ ko feìŋ maŋ jawa màŋ gbiŋ sùà maŋ yè maŋ wuŋ bi hewa nàŋ kɔ̀ɛ̀ɛ̀ sùà maŋ.

Luù 10:33

Kɛɛ wo Sàmilià felaa bà yaà wa kɔ̀ɛɛ sùà ke dòmaŋ guùŋ bi diɛŋ. Nààŋ wò naŋ yɛ̀mɛ̀ wo felaaà, ke nyowo nauŋ nyɛ̀nɛ̀ŋ e weèuŋ.

Luù 17:16

Wò naŋ hnè wo gbùwò wo Jisɛ̀ gòlòò dìì wouŋ gè ke sɛ̀. Wo felaaà yewe wa wɔŋ fùɔ̀ŋ Sàmiliàa sùà.

Luù 9:1

Wo Jisɛ̀ naŋ nyààŋ anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ koɓɛ̀ guùŋ, yèè wò naŋ nyiŋ kìɛ̀ŋ gààŋ wèè aŋ gè aŋ jinàŋ naanààŋ nyaŋ gbiŋ anyùùŋ maŋjɛ̀wɛ, e kìlà aŋ sùngà anyùùŋ nyaŋ gbiŋ kuwa maŋ sàaŋ nyàŋ.

Luù 9:2

Kpeiŋ wò naŋ nyiŋ tùɔ̀ŋ wèè aŋ ka aŋ woò ke mìè gbìàŋ e Kànà Dayàa e kìlà aŋ sùngà anyùùŋ nyaŋ kuwa sàaŋ nyàŋ.

Jɔ̀ɔŋ 17:18

Mìŋ yaà nyiìŋ tùàŋ sùà koɓɛ̀ anyùùŋ nyaŋ e ɗuunyaàŋ, màànààŋ nɔŋ mùŋ naim wa tùɔ̀ŋ lɛ.

Jɔ̀ɔŋ 20:21

Yèè wo Jisɛ̀ naŋ nyiŋ ɓɛìŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ. Mìŋ yààìŋ tùaŋ sùà koɓɛ̀ anyùùŋ nyaŋ e ɗuunyaàŋ, màànààŋ nɔŋ wo Dèda miɔ̀ŋ naim wa tùɔ̀ŋ lɛ.”

Jɔ̀ɔŋ 4:20

Aŋ nèwàènèweim nyàŋ naŋ zòòlò Dayà wɔŋ toò gbee wɛɛ̀ŋ dìmɛ̀, kɛɛ nyɛ̀iŋ nààŋ Juùù nyaŋ naŋ woò kɛ̀ ko Jùlusɛ̀làm nɔŋ nàŋ yaà tɛ̀ɛ̀ wèè Dayà zòòlo.”

Jɔ̀ɔŋ 4:5

Ke dòmàŋ kàaiuŋ nɛɛ̀ŋ diɛŋ, wo Jisɛ̀ naŋ hàì ko jawa bà wɔŋ fùɔ̀ŋ Sàmiliàa sùà àŋ nyaaŋ Sikà. E jawa bi naŋ wa gbɛ̀ɛ̀ koɓɛ̀ e dììɛ wo Jègɔ naŋ wa kìɛ̀ŋ koɓɛ̀ wo jɔ̀àfelaauŋ nɔɔ̀ŋ Jòòsɛ e teenga gɔuo sùà.

Jɔ̀ɔŋ 4:9

Kpeiŋ wo nìeɔ̀ e yìwìà ko Sàmilià naŋ fàsàì wo Jisɛ̀ wààŋ, “Dièsɔa tɛɛ̀ naŋ ɓɛ̀nɛ̀ŋ hɛ̀ɛ̀nɛŋ wèè muàŋ maim dawè wèè e wuiyè tìa, tiiŋ zà mùŋ yaà wo Juùù nyuuŋ, yèè mìŋ yaà wo jɔùŋ e yìwìà ko Sàmilià? Màŋ nyìmàŋ fo kɛ̀ aŋ Juùù nyaŋ yaà anyùùŋ nyaŋ e yìwìà ko Sàmilià fè kpùlìà kè nyɛ̀nɛŋ.”

Jɔ̀ɔŋ 7:35

Anyùùŋ gbèègbèè aŋ Juùù nyaŋ bà nyiŋ naŋ dàwè nyiŋ bi fèemàŋ nyààŋ, “Kòò wò do nàŋ kɔ̀ e yèɛ sèè è kamàuŋ e naàuŋ yɛmɛ̀? Ɓàà wò do nàŋ kɔ̀ wɔŋ fuɔŋ joo bà sùà ko yèi anyuùŋ wi nyàŋ bà joà lɛ anyuùŋ gbòà Guliì mie nyàŋ tɛɛ wèè wo nyiŋ kàà e ɗèwè e Guliì mieɛ̀ gbòa?

Jɔ̀ɔŋ 8:48

Aŋ Juùù nyaŋ naŋ wòò wo Jisɛ̀ nyààŋ, “È naum wa wòò e tɔɔɓaaà kɛ̀ mùŋ yaà wo nyùùŋ e yìwìà ko Sàmilià yèè kɛ̀ wo jinàŋ naanààŋ yààùm ko sùà.”

Nyɛ̀nɛ̀ŋ 1:8

Kɛɛ e teengaà wo Jìnàŋ Nɛɛmaàŋ doiŋ nàŋ kìɛ̀ŋ gààŋ lɛ̀, e gààŋ doiŋ nàŋ sɛ̀ɛ̀ sùà, nìŋ do nàŋ nɔ̀ŋ aŋ sèì e kìlà naŋ wòò anyùùŋ kɛ̀ kiìŋ nìŋ naŋ nyìmè e nyaàiŋ eim dè ko Jùlusɛ̀làm, wɔŋ fùɔ̀ŋ Jùdiàa, wɔŋ fùɔ̀ŋ Sàmiliàa yaà maŋ fuɔŋ joo màŋ gbiŋ sùà e ɗuunyaàŋ.”

Nyɛ̀nɛ̀ŋ 10:45

È naŋ wa fòònò anyuùŋ hààwe nyàŋ aŋ Juùù nyaŋ sùà aŋ yè nyaŋ naŋ wa dè wo Pììlɛ maŋjɛ̀wɛ nyàŋ e yìwìà ko Jɔpà, esaɓù kɛ̀ wo Jìnàŋ Nɛɛmaàŋ naŋ wa nɔ̀ŋ kìɛuŋ koɓɛ̀ anyùùŋ nyaŋ fè àŋ Juùù nyaŋ, aŋ yè nyaŋ fè kpùà jàa nyiŋ nyàŋ.

Nyɛ̀nɛ̀ŋ 8:1

Wo Sɔɔ̀ naŋ wa nyimèè wèè aŋ jìwà wo Siiwììŋ. Ke ɗɔ̀ɔ̀ guùŋ bi diɛŋ ke gbòò anyuùŋ hààwe nyàŋ naŋ wa tɔ̀ɔ̀tù e nimilà kùwa ko Jùlusɛ̀làm. Anyuùŋ hààwe nyàŋ gbiŋ, eɓìèmaŋjɛ̀wɛ̀ aŋ keela tàeɗùù nyaŋ, naŋ wa dùɔ̀ŋ aŋ ɓààyè maŋ tàta màŋ sùà wɔŋ fùɔ̀ŋ Jùdiàa sùà yèè ko Sàmilià.

1Tɛsè 2:16

Àŋ naŋ ngèè pɛɛ fɛ̀ɛ̀ wèè aŋ wi kìlìà kùàŋ feìŋ wèè e goiŋ nàŋ wòò ke miè gbìaàŋ kòɓɛ̀ ànyùùŋ nyaŋ fè àŋ Juùù nyaŋ, wèè aŋ yɛ̀mɛ̀ è jòèye. E ɗewe lɛɛ̀ sùà, àŋ hàì ko dìà maŋ jùumù nyiŋ màŋ gbiŋ àŋ naŋ wa dè nyɛ̀nɛŋ màŋ. Wèètii e nìmìlà Dayàa è nyiŋ dèyà diɛŋ.