Luù 7:37 - WƆŊ FƐ̀Ì EBÒ SÌÀŊ DAYÀA

³⁷ Wo nìe bà yaà wa ko jawa wii, kɛɛ wò yaà wa wo nyùùŋ maŋ jùumù. Wò naŋ wa kòmò kɛ̀ wo Jisɛ̀ yaà wa jììyè nɛ̀ŋ ko gbòò Fɛlosiìɔ. Wo nìeɔ̀ naŋ hìɛ̀ŋ e sàiŋ bàànè e dùò bà àŋ nyaaŋ àlàbasità è naŋ dìè maŋ kuùmàì,

Luù 7:37 Iomraidhean Croise

Luù 5:32

Miŋ gò hnàŋ wèè ka nyààŋ ànyùùŋ tɔ̀ɔ̀nyaàŋ nyaŋ wèè aŋ fè màŋ tùwo naanààŋ nyiŋ màŋ jɛwɛ. Mìŋ naŋ hnè wèè ka nyààŋ anyùùŋ maŋ jùumù nyaŋ.”

Maafiù 21:31

Kòòuŋ aŋ jɔ̀àfèlàà tìyèe nyɛɛ̀ŋ sùà naŋ nyɛ̀nɛ̀ŋ e yèɛ wo dèda nyiŋ nɔɔ̀ŋ manaŋ wa lɛ̀?” Yèè àŋ naŋ fàsàì wo Jisɛ̀ nyààŋ, “Wo jɔ̀àfelaa gbeeɔ̀.” Kpeiŋ wo Jisɛ̀ naŋ nyiŋ woò wààŋ, “Miŋ woòiŋ e tɔɔɓaaà, anyuùŋ kùwà nɛ̀ɛ̀nɛ̀ŋ fuɔɔ̀ŋ yaà aŋ jɔùŋ nyɛ̀nɛ̀ŋ ke yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyàŋ kòò àŋ yaà kɔ̀ɔ̀yɛ̀ e Kànà Dayàa sùà ko fenìiŋ.

1Pììlɛ 4:18

Nààŋ wɔŋ fɛ̀ì Dayàa naŋ woò lɛ, “È naŋ nyìngè wèè anyùùŋ tɔ̀ɔ̀nyaàŋ nyaŋ aŋ yɛ̀mɛ̀ e jòèyè, kɛ̀ kiìŋ nàŋ do nàŋ kaaìŋ koɓɛ̀ anyùùŋ maŋ jùumù nyaŋ yaà aŋ yè nyaŋ gò hààwè Dayà nyaŋ?”

1Time 1:9

Nyìmaìŋ tɔɔɓaa kɛ̀, maŋ sàwà gò wa nɔ̀ŋ bàne miŋ wèè ànyùùŋ tɔ̀ɔ̀nyaàŋ nyaŋ, kɛɛ màŋ yaà wa wèè anyuùŋ gò nɔ̀ŋ màŋ sàwà dìì nyaŋ, yèè anyuùŋ nyɛ̀nɛ̀ŋ maŋ kpèè naanààŋ nyaŋ, e kpùlìà anyuùŋ gò nyìmàŋ Dayà nyaŋ, yaà anyùùŋ maŋ jùumù nyaŋ. Màŋ yaà wa wèè anyùùŋ nyaŋ gboo maŋ mìè gbòà ɓɛ̀ɛ̀pɔ̀ɔ nyàŋ, yèè anyuùŋ jìwà nyùùŋ, aŋ yè nyaŋ kàìŋ nyaŋ pɛɛ àŋ jiwe aŋ dèda nyiŋ nyaŋ yaà aŋ yèye nyiŋ nyaŋ lɛ,

Luù 18:13

Kɛɛ wo nyuùŋ kùwà nɛ̀ɛ̀nɛ̀ŋ fuɔŋ wii naŋ sìè e fèemàŋ mùnlaŋ, yèè wo gò ngèè pɛɛ gè è ɗì dìì wèè wo yɛ̀mɛ̀ è tèèngà kò àìjɛnɛ̀ŋ, kɛɛ wò naŋ ɓùlò ke sɔɔ yèè wò naŋ woò wààŋ, ‘Dayà, mìŋ yaà wo nyùùŋ maŋ jùumù, yɛ̀mɛ̀im ke nyowo!’ ”

Luù 5:30

Aŋ kààmɔ̀ɔ̀ŋ maŋ Sàwà Dayà nyaŋ bà nyiŋ ke gbòò aŋ Fɛlosiì nyaŋ sùà, naŋ tɛɛ̀ yɛmɛ̀, yèè àŋ naŋ dàwè anyùùŋ màŋjɛ̀wɛ̀uŋ nyàŋ nyààŋ, “Wèè kiìŋ nyɛ̀iŋ nààŋ anyuùŋ kùwà nɛ̀ɛ̀nɛ̀ŋ fuɔŋ nyàŋ yaà anyùùŋ maŋ kpèè naanààŋ nyaŋ jiiyà nɛ̀ŋje koɓɛ̀ guùŋ?”

Luùm 5:8

Kɛɛ wo Dayà wò wi tɔ̀ɔ̀ e mànaàŋ wò kuwa weè wilɛ̀, nààŋ wò naŋ nyimèè wèè wo Jisɛ̀ Kulaì wo fà weè wi, jòòpɛɛ è yààìŋ wa anyùùŋ maŋ jùumù.

Jɔ̀ɔŋ 11:2

Wo Mèèle wɛɛ̀ nàŋ yaà wa wo yèɔ naŋ wa kpàlèè maŋ kuùmàì maŋ wo Kanaà Jisɛ̀ maŋ gòlò, yèè wò naŋ hààngè e ɗì dumuuŋ nɛ̀ maŋ gòlò Jisɛ̀ maŋ. Wo wùìyauŋ nɔɔ̀ŋ Lazɔlɔ̀ nàŋ yaà wa siinyɛŋ.

1Time 1:15

E keì wòo lɛɛ̀ yaà e tɔ̀ɔ̀nyaàŋ, wèè maŋ niŋ jàà kùàŋ dìì yèè maŋ niŋ haawè tɛ̀ɛ̀. Wò Jisɛ̀ Kulaì naŋ wa hnè e ɗuunyaàŋ wèè wo jòèyè anyùùŋ maŋ jùumù. Maŋ jùumùim maŋ naŋ nìè maŋ jè anyuùŋ gbànaŋ nyàŋ gbiŋ,

Jɔ̀ɔŋ 9:31

Kà nyìmàŋ kɛ̀ wo Dayà fè kùmìàŋ ànyùùŋ màŋ jùumù. Wò kumiàŋ anyùùŋ nyaŋ kiɛ̀uŋ ɓɛ̀ɛ̀jàa e kìlà àŋ nyɛnɛŋ e yèɛ wò manaŋ àŋ nyɛ̀nɛ̀ŋ lɛ.

Jɔ̀ɔŋ 9:24

Anyuùŋ gbeegbèè nyaŋ naŋ ɓɛìŋ nyààŋ wo felaaà kuwa wa weè le fɛɛ̀ zììle lɛ̀ wɔ yèè àŋ nauŋ woò nyààŋ, “Ɓèmè e ɗààhiì e dèè Dayàa diɛŋ wèè muŋ woò e tɔɔɓaaà. È nyìmàŋ kɛ̀ wo Jisɛ̀ wɛɛ̀ naum yaà sùngò wɔ wò yaà wo nyùùŋ maŋ jùumù.”

Luù 19:7

Anyùùŋ nyaŋ gbiŋ naŋ wa yɛ̀mɛ̀ e keì bi nyàŋ naŋ tɔ̀ɔ̀tù ɗìòsùà gùlia nyààŋ, “Wo kenàŋ wɛɛ̀ wò kà ke nyɛiŋ ko gbòò wo nyùùŋ maŋ jùumù.”

Luù 7:34

Kɛɛ nààŋ miàim wo Jɔ̀àfèlàà Nyuùŋ kpùnɔɔ̀ŋ naŋ hnè, mìŋ naŋ jènɛ̀ŋ yèè mìŋ naŋ tìè, nìŋ naŋ ɓɛìŋ woò nààŋ, ‘Wo felaa wɛɛ̀ jènɛ̀ŋ yèè wò tie zimgbe! Aŋ dàwiuŋ nyàŋ nàŋ yaà anyuùŋ kùwà nɛ̀ɛ̀nɛ̀ŋ fuɔɔ̀ŋ yaà anyùùŋ maŋ jùumù.’

Luù 7:36

Wo Fɛlosiì nyuuŋ bà naŋ wa nyààŋ wo Jisɛ̀ ko gboouŋ noo wèè aŋ jiiyà e nɛ̀ŋje koɓɛ̀ guùŋ. Wo Jisɛ̀ naŋ kɔ̀ ko gbòò Fɛlosiìɔ yèè wò naŋ jɛi wèè wo jènɛ̀ŋ.