Luù 2:34 - WƆŊ FƐ̀Ì EBÒ SÌÀŊ DAYÀA

³⁴ Wo Simiɔ̀ŋ naŋ nyiŋ zòòlò diɛŋ yèè wò naŋ wòò wo Mèèle, wo nààŋ jɔ̀àa wààŋ, “Wo Dayà naŋ tà wo jɔ̀à wɛɛ̀ ɗùù wèè wo nyɛ̀nɛ̀ŋ anyuùŋ zimgbe ko Ezɔ̀ɛ̀ aŋ sɔ̀àà, yèè aŋ bà nyiŋ aŋ yèwà e fàa dìì aŋ sie. Wò do naŋ nɔ̀ŋ e tɔ̀ɔ̀màŋsèì e keì, yèè anyuùŋ zimgbe naàuŋ jàà kùàŋ dìì.

Luù 2:34 Iomraidhean Croise

1 Kɔliìŋ 1:23

Kɛɛ sèè è nɔ̀ŋ wèè yàwi, è woàìŋ kɛ̀ àŋ naŋ wa jìwìè wo Jisɛ̀ Kulaìɛ wɔŋ vànèkpaàa diɛŋ. Ke miè gbìaŋ bi zà nàŋ sie aŋ Juùù nyaŋ e wùàŋ, yèè koɓɛ̀ anyùùŋ nyaŋ fè àŋ Juùù nyaŋ àŋ gongà kɛ̀ è yaà e ɓàaɓàa,

Maafiù 21:44

Wo nyùnɔ̀ɔŋ gbiŋ duanàŋ ke dùò yɛɛ̀ diɛŋ wɔ̀, wò do nàŋ sɔ̀ɔ̀ wo nɛɛmùŋ, yèè wo nyùnɔ̀ɔŋ gbiŋ ke dùò yɛɛ̀ do naŋ sɔ̀ɔ̀ diɛŋ wɔ̀, wò do nàŋ nɔ̀ŋ hìkèhikeuŋ.”]

1Pììlɛ 4:14

Sèè aiŋ diɛ̀ŋ esaɓù kɛ̀ nìŋ yaà anyùùŋ màŋjɛ̀wɛ̀ Jisɛ̀ Kulaì wo Dayà doiŋ nàŋ kpuumò. Tɛɛ̀ naŋ tɔɔ̀ kɛ̀ wo Jinàŋ kùwìè jòòwo gbeeɔ̀, tèènè mààŋ wò Jìnàŋ Dayàa, wò yààìŋ maŋjɛ̀wɛ.

Hiɓu 7:7

Èiŋ nyìmàŋ tɔɔɓaa kɛ̀ wo nyùnɔ̀ɔŋ kpuumàŋ wo nyùùŋ wɔ, wò kuwa sɛmɛmaŋ e nìàŋ wo nyùnɔ̀ɔŋ yɛmɛ̀ e kpùùmaàŋ wɔ.

Luùm 9:32

Kɛɛ wèè kiìŋ aŋ gò wa yɛ̀mɛ̀ kè sàwà bi? Aŋ gò nyiŋ wa yɛmɛ̀ esaɓù kɛ̀, aŋ gò wa tùlìà è hààwe jii sɔɔ̀ e yèɛ àŋ naŋ wa nyɛ̀nɛ̀ŋ lɛ. Weètii àŋ naŋ wa duonò kè dùò diɛŋ gbàwìà.

Nyɛ̀nɛ̀ŋ 6:7

Kpeiŋ ke mìè Kanaà Dayà naŋ wa ɓaayè. Ke gbòò anyuùŋ hààwe nyàŋ ko Jùlusɛ̀làm naŋ wa dɛ̀kɛ̀ sùà gbee, e kìlà ke gbòò aŋ sìèfèìŋ zòòlo zimgbe naŋ wa jàà e hààweɛ̀ kùàŋ dìì.

Nyɛ̀nɛ̀ŋ 24:5

Wo felaa wɛɛ̀ yaà wo nyuùŋ dàà ke gbòà yèè ke kpùùnɛɛ̀ wèè aŋ Juùù nyuuŋ nyaŋ e ɗuunyaàŋ gbiŋ sùà. Wò yaà ɓɛìŋ wo ɓɛ̀màŋɗì ke gbòò bà e yìwìà ko Naazɔ̀ɛ̀.

Nyɛ̀nɛ̀ŋ 17:6

Kɛɛ nààŋ aŋ gò nyiŋ noo wa mɛɛ̀ŋ, àŋ naŋ kùwò wo Jasììŋ yèè anyuùŋ hààwe nyàŋ bà yèè àŋ naŋ nyiŋ kɔ̀ɔ̀ koɓɛ̀ anyùùŋ gbèègbèè ko Luùm nyaŋ ko jawa gbeeì yèè àŋ naŋ kpààŋ sɛiŋ nyààŋ, “Aŋ felaa nyɛɛ̀ŋ sèèlè anyùùŋ fuɔŋ nyàŋ gbiŋ fùùŋ e ɗuunyaàŋ. Tiŋ tɛɛ̀ àŋ hnàŋ ko jawa wiì,

Nyɛ̀nɛ̀ŋ 13:45

Kɛɛ nààŋ anyùùŋ gbèègbèè aŋ Juùù nyaŋ naŋ wa yɛ̀mɛ̀ e faaŋ lɛɛ̀, e kooɛ̀ naŋ nyiŋ diè. Kpeiŋ àŋ naŋ wa gììyè e yèɛ wo Pɔɔ̀ yaà wa woo lɛ̀ maŋhɛɛ, yèè àŋ nauŋ fè maŋ mìè ɓɛ̀ɛ̀pɔ̀ɔ.

Nyɛ̀nɛ̀ŋ 4:26

Aŋ kànà fuɔŋ nyàŋ e dììɛ diɛŋ e ɗuunyaàŋ naŋ bànèbànè nyiŋ bi, yèè anyuùŋ gbeegbèè nyaŋ naŋ dèènè koɓɛ̀ guùŋ wèè aŋ sumiàŋ wo Kanaà yaà wo yèɔ wò naŋ tàeɗùù wèè wo joeyè e ɗuunyaàŋ wɔ, wo Kulaìɔ.’

Jɔ̀ɔŋ 5:18

Kpeiŋ anyùùŋ gbèègbèè aŋ Juùù nyaŋ naŋ wa ɗewè wèè aŋ jìwà wo Jisɛ̀ wèè esàɓù tìyèe. Nyààŋ wò naŋ wa pɔ̀ɔ̀ ke sàwà ke Ɗɔ̀ɔ̀ Zòòlò aŋ Juùù nyaŋ. Yèè nyààŋ wò naŋ wa ɓèmè wuŋ bi wèè yaà wo Dayà aŋ seenè.

Jɔ̀ɔŋ 3:20

Anyuùŋ nyɛ̀nɛ̀ŋ maŋ keì ngaamuŋ ngààmùŋ nyaŋ fè hnàŋ kòɓɛ̀ è gbolòùŋ lɛ, esaɓù maŋ nyɛ̀nɛ̀ŋ nyiŋ màŋ do nàŋ fòlò ke fòolà e kìlà anyùùŋ aŋ miŋ yɛmɛ̀ janjai.

Maafiù 27:63

àŋ nauŋ woò nyààŋ, “Kanaà, èiŋ jààejii kɛ̀ wo felaa tòa wii naŋ mɛ̀iŋ woò e teengaà wò yaà wɔŋ nyiiŋ gèeɔ̀ sùà lɛ wààŋ, ‘Mìŋ do nàŋ yèwè e fàaà dìì wɔŋ nyiiŋ gèe sùà sèè e gɔ̀ɛ̀ɛ̀ taai è maaŋ.’

Maafiù 12:46

Nààŋ wo Jisɛ̀ yaà wa nɔŋ gbùùyè koɓɛ̀ anyùùŋ nyaŋ, wo yèyeuŋ nɔɔ̀ŋ yaà aŋ wùìyauŋ nyàŋ naŋ wa hnè. Àŋ naŋ sìè ko saaŋ fenìiŋ yèè àŋ naŋ tùɔ̀ŋ ke mìè wèè wo hnàŋ aŋ gbòàuŋ kɔɔ.

Maafiù 11:19

Kɛɛ nààŋ miàim wo Jɔ̀àfèlàà Nyuùŋ kpùnɔɔ̀ŋ naŋ hnè, mìŋ naŋ jènɛ̀ŋ yèè mìŋ naŋ tìè, yèè anyùùŋ nyaŋ gbiŋ naŋ woò nyààŋ, ‘Wo felaa wɛɛ̀ tɔɔ̀ wèè wo nɔ̀ŋ nyùùŋ tɔ̀ɔ̀nyaàŋ, kɛɛ wò jènɛ̀ŋ yèè wò tie zimgbe! Aŋ dàwiuŋ nyàŋ nàŋ yaà anyuùŋ kùwà nɛ̀ɛ̀nɛ̀ŋ fuɔɔ̀ŋ yèè anyùùŋ maŋ kpèè naanààŋ.’ Yɛi nɔŋ e jììkɛ̀ɛ̀ Dayàa è naŋ tɔɔ̀, wèè e nɔ̀ŋ e tɔ̀ɔ̀nyaàŋ e nyaàiŋ dè manɛ̀ŋ maŋ mìŋ nyɛnɛŋ màŋ sùà.”

Hiɓu 7:1

Wo Mɛ̀kisiɗɛ̀ yaà wa wo kana wèè ko jawa gbeeì àŋ nyaaŋ Salɛ̀m, e kìlà e tèèngà guùŋ bi wò yaà wo sìèfèìŋ zòòlo wèè wo Dayà Gaàŋ Gbeeɔ̀. Wo Mɛ̀kisiɗɛ̀ naŋ wa mɛ̀ɛ̀ŋ wo Eɓulɔhɛɛ̀ŋ yèè wò nauŋ gbìɛ̀ŋ zòòlo maŋjɛ̀wɛ, e teengaà wo Eɓulɔhɛɛ̀ŋ naŋ wa jìwè aŋ kànà tiinàŋ nyàŋ, yèè wò yaà wa naàŋ kɛ̀ɛ̀ sùà maŋjɛ̀wɛ lɛ̀.

Nyɛ̀nɛ̀ŋ 28:22

Kɛɛ tɔ̀ e nyìmàŋ kɛ̀ kiìŋ nàŋ yaà e gòngo mɔ̀ɛ̀. Èiŋ nyìmàŋ kɛ̀ anyùùŋ maŋ tàta màŋ gbiŋ sùà yaà wòò e kèè ke gbòò yɛɛ̀ mùŋ sùà yaà lɛ naanààŋ.”

Luù 2:35

Wò do nàŋ ɓàà ke gbùnù maŋ gòngo nyiŋ maŋ. E kìlà ke nyowo doum naŋ kpɛ̀lɛ̀ ke jiio sùà mààŋ e kòyà ɗùà naŋ jùwò wɔŋ nyììŋ jinàŋ mɔɔ̀ŋ.”