Jìiiŋ 5:3 - WƆŊ FƐ̀Ì EBÒ SÌÀŊ DAYÀA

³ E gòoòɛ yaà e kaiŋfuaiŋ nɛ̀ è do nàŋ kùwò maŋ kààlo, yèè maŋ kààlo bi do nàŋ nɔ̀ŋ seì maiŋ jèè e keì yèè maŋ gbìlà maŋ kenìiŋ màŋ mààŋ e hmɔ̀ɔ̀ŋ. Maŋ ɗɔɔ dìàmaŋ mɛɛ̀ŋ sùà nàŋ gbònògbònò maŋ bàne zimgbe nàŋ miŋ bànè ko hàa.

Jìiiŋ 5:3 Iomraidhean Croise

Nyɛ̀nɛ̀ŋ 2:17

Wo Dayà naŋ woò wààŋ, ‘Tɛɛ̀ mìŋ do nàŋ nyɛ̀nɛ̀ŋ maŋ ɗɔɔ dìàmaŋ màŋ sùà; mìŋ do nàŋ tùɔ̀ŋ wo Jinàŋ miɔ̀ŋ anyuùŋ kpùuŋ nyàŋ gbiŋ maŋjɛ̀wɛ. Aŋ jɔ̀àfelaaiŋ nyàŋ yaà aŋ jɔ̀à jɔùnùiŋ nyàŋ do nàŋ wòò anyùùŋ maŋ miè gbìaim màŋ. Aŋ kɔmɔŋjɔa bɔwɔiŋ nyàŋ do nàŋ gò gɔ̀à e jɛ̀ì, e kìlà anyuùŋ kàìŋ nyaŋ e tɛɛiŋ do nàŋ gò maŋ gɔa.

Luùm 2:5

Kɛɛ nìŋ naŋ nyìngè maŋ jii e kìlà nìŋ naŋ gè maŋhɛɛ wèè naŋ fè maŋ tùwo naanààiŋ màŋ jɛwɛ naŋ kìlà koɓɛ̀ Dayài. Kòò nìŋ yaà tòòyà sùà e kèì nyìngà nyɛ̀iŋ biɛ̀ wèè ke ɗɔɔ yii wa nàwèè nààŋ wo Dayà do nàŋ tuù e kìlà wo gbàì anyùùŋ nyaŋ gbiŋ e ɗuunyaàŋ e tɔ̀ɔ̀nyaàŋ sùà.

2Time 2:17

Maŋ kàa ziì mààŋ mɛɛ̀ŋ màŋ yaà mààŋ e nɛ̀ŋ jèla yìle, e yèɛ gbile e kèìŋ nɛ lɛ̀. Aŋ fèlàà tìyèe aŋ yè nyaŋ naŋ wa kàà e kàa lɛ nyaŋ nàŋ yaà wo Hèmɛnàè yaà wo Feletù.

2Pììlɛ 3:3

E jiɛ̀jiɛ̀ɛ nàŋ yaà, nìŋ kuwa naŋ nyìmàŋ kɛ̀ maŋ ɗɔɔ dìàmaaŋ màŋ sùà anyùùŋ bà do nàŋ hnè aŋ yè nyaŋ naàŋ gòngò è keì bà gbiŋ sɔɔ̀ e ɗèwe naanààaŋ nyiŋ bi kuwa lɛ̀. Àŋ doiŋ nàŋ hiilè

Maŋ kèì nyɛɛnɛŋ 17:16

Maŋ sii màŋ mùŋ naŋ yɛmɛ̀ maŋ yèè wo yilì kùùnoɔ̀, do nàŋ tɔ̀ɔ̀tù wo nìe nyɛ̀nɛ̀ŋ hmɔŋtu wɛɛ̀ wùaŋ. Àŋ douŋ nàŋ gè manɛ̀ŋ maŋ gbiŋ wò kuwa màŋ sìwè yèè auŋ jòà ke kpanja. Àŋ do nàŋ gbìlè e kenùuŋ nɛ̀ yèè aŋ gbìàŋ ke kpùnaŋ gbànauŋ nɛɛ̀ŋ ko hmɔ̀ɔ̀ŋ ke hèwà.

Maŋ kèì nyɛɛnɛŋ 20:15

Anyùùŋ nyaŋ gbiŋ maŋ deè nyiŋ màŋ fè wa sìnga miŋ wɔ̀ŋ fɛ̀ì anyuùŋ gè nyiiŋ nyàŋ sùà nyaŋ, àŋ naŋ nyiŋ wa gbìɛ̀ŋ ko hmɔɔ̀ŋ gbee.

Maŋ kèì nyɛɛnɛŋ 21:8

Kɛɛ tɔ̀ miŋ woòiŋ e nɛ̀ɛŋ dò nàŋ kààìŋ koɓɛ̀ anyùùŋ nyaŋ kuwà jii tùlia nyàŋ, anyuùŋ gò kɛ̀ɛ̀nɛ̀ŋ tɔ̀ɔ̀nyaàŋ nyaŋ, anyuùŋ kùwìè maŋ jii naanààŋ nyaŋ, ɔ̀ɔ̀ nyuùŋ jìwà nyùùŋ nyaŋ, anyuùŋ nyɛ̀nɛ̀ŋ yɛɛ̀ hmɔŋtu naanààŋ nyaŋ, anyuùŋ fɔ̀ɔ̀wɔ̀ kɔìɗòlò nyaŋ, anyuùŋ zòòlò maŋ gòò nyaŋ, yaà anyuùŋ tòa nyàŋ, mìŋ do nyiŋ nàŋ gbìɛ̀ŋ e hmɔ̀ɔ̀ŋ kàànè sɔfɔ̀ sùà. Tɛɛ̀ nàŋ yaà e fàa dìà tìyèeɛ̀.”