Jìiiŋ 5:12 - WƆŊ FƐ̀Ì EBÒ SÌÀŊ DAYÀA

¹² Tii gbiŋ sùà, nyɛ̀iŋ nààŋ wùìyaim nyàŋ, sèè nìŋ ɓemàŋ e ɗààhiì wèè naŋ nyɛ̀nɛ̀ŋ e nɛ̀ŋ bà wèè nyùùŋ. Ɓɔ̀ nìŋ gboonò è dèè àìjɛnɛ̀ɛŋ diɛŋ ɔ̀ɔ̀ è dèè ɗuunyaàŋ diɛŋ ɔ̀ɔ̀ è dèè nɛ̀ŋ bà gbiŋ diɛŋ. Sèè nìŋ, nyimààŋ nààŋ “èèè” e nɔ̀ŋ èèè, sèè nìŋ woà nààŋ “Kpele” e nɔ̀ŋ kpele, kɛ̀ wo Dayà naìŋ gbààè è keì.

Jìiiŋ 5:12 Iomraidhean Croise

1 Kɔliìŋ 11:34

Sèè e jìè nɔ̀ŋ nyùùŋ gbiŋ jènɛ̀ŋ ko gboo moo, wèè wo Dayà goiŋ nàŋ gbaì nààŋ nìŋ deenàŋ kòɓɛ̀ guùŋ lɛ. Wèè maŋ keì gbànaŋ màŋ, mìŋ do miŋ nàŋ banebànè sèè mìŋ hnàŋ.

Jìiiŋ 1:16

Nyɛ̀iŋ nààŋ wùìyaim nyàŋ, ɓɔ̀ nìŋ dangè wò nyùùŋ doiŋ zuwò.

Jìiiŋ 1:19

Nyɛ̀iŋ nààŋ wùìya mànaim nyàŋ, nyìmaìŋ tɛɛ̀! Tɔ̀ wo nyùùŋ gbiŋ nɔ̀ŋ fiò wèè wo kòmàŋ maŋ kàìŋ, kɛɛ ɓɔ̀ wò gbòà fiò. Ɓɔ̀ wò tuù fiò.

1Pììlɛ 4:8

Eɓìèmàŋjɛ̀wɛ̀ tii gbiŋ, kùwieìŋ e mànaŋ tiwìtiwì wèè aŋ dàwiiŋ nyàŋ e fèfoo, e mànaŋ ɓuwo maŋ jùumù zimgbe.

3Jɔ̀ɔŋ 1:2

Dàwi miɔ̀ŋ, mìŋ yaà zoolo wèè e keìɛ gbiŋ e nɔ̀ŋ tɛ̀ɛ̀ ko nɛ̀ɛ̀ŋ muìŋ yèè muŋ nɔ̀ŋ e kɔɔ gbài sùà. Nààŋ mìŋ naŋ nyìmè kɛ̀ mùŋ yaà tɛ̀ɛ̀ wɔŋ nyììŋ jinàaŋ sùà lɛ.