Jìiiŋ 4:7 - WƆŊ FƐ̀Ì EBÒ SÌÀŊ DAYÀA

⁷ Wèètii, feìŋ nyɛ̀iŋ bi wo Dayà. Gàngaìŋ wo Sɛ̀tanàaŋ sìwè kɛ̀ wò doiŋ nàŋ dùɔ̀ŋ e kɔɔ.

Jìiiŋ 4:7 Iomraidhean Croise

Maafiù 11:29

Ɓèmeìŋ wɔŋ nɛ̀ŋfoo mùŋga miɔ̀ŋ niŋ jàà wuŋ maŋ gbaiŋ màŋ diɛŋ, yèè niŋ gbeèim sìwè. Esaɓù kɛ̀ mìŋ kuwa ke kpèè siaŋ yèè ke jii tɔumtɔ̀ùm, yèè nìŋ do nàŋ yɛ̀mɛ̀ ko gììyè nyiiŋ wèè wɔŋ nyììŋ jinàiŋ nɔɔ̀ŋ.

Nyɛ̀nɛ̀ŋ 26:19

Wo Pɔɔ̀ naŋ ɓɛìŋ woò wààŋ, “Nààŋ è yaà lɛ, Kanaà Àgulepɔ̀, miŋ gò wa gììyà è gɔ̀à gò jɛ̀ì lɛɛ̀ màŋhɛɛ e yìwìà kò àìjɛnɛ̀ŋ.

Nyɛ̀nɛ̀ŋ 9:6

Wo Jisɛ̀ nauŋ woò wààŋ, “Yewà dìì yèè muŋ ka ko jawa gbeeì, wo nyùùŋ bà doum nàŋ woò kɛ̀ kiìŋ mùŋ do nàŋ nyɛ̀nɛ̀ŋ.”

Luùm 10:3

Kòò àŋ nyìmè è ɗeweɛ̀ wò Dayà jaa ànyùùŋ kùàŋ dìì wèè aŋ nɔ̀ŋ ànyùùŋ tɔ̀ɔ̀nyaàŋ kò nɛ̀ɛ̀uŋ niìŋ lɛ. Kɛɛ àŋ naŋ kàmè ɗewe wèè aŋ kàmè ke dòmàŋ nyiŋ bi. Weètii àŋ naŋ wa gè maŋhɛɛ wèè aŋ hààwè wo Dayà, wèè wo nyiŋ ɓemè wèè aŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Luùm 14:11

Wɔŋ fɛ̀ì Dayàa naŋ woò wààŋ, “Wo Kanaà Dayà naŋ woò wààŋ, ‘Nààŋ è yaà tɔɔɓaa kɛ̀ miàŋ nàŋ yaà wo Dàyà nyiiŋ gèeɔ̀ lɛ, anyùùŋ nyaŋ gbiŋ do nàŋ dè maŋ gɛ̀ɛ̀nìŋ nyiŋ màŋ dìì ko fɛɛ̀fenìim, yèè anyùùŋ nyaŋ gbiŋ do nàŋ kìlìè dèè kɛ̀ miàŋ nàŋ yaà wo Kanaà Dayà.’ ”

Ɛfesɔ̀ 4:27

Ɓɔ̀ nìŋ kiɛ̀ŋ wò Dɛwìɔ è ɗewe bà gbiŋ.

Ɛfesɔ̀ 5:21

Jɔ̀ɔ̀lɔìŋ aŋ dàwiiŋ nyàŋ dìì esàɓù e dùàŋ Jisɛ̀ Kulaìɛ sùà.

Ɛfesɔ̀ 6:13

E wèètii, gɔ̀aìŋ naàŋ manɛ̀ŋ sùmiaŋ màŋ wo Dayà naiŋ kiɛ̀ŋ maŋ, wèè kɛ̀ sèè ke ɗɔ̀ɔ̀ ke gbòò aŋ jinàŋ naanààŋ nyaŋ sùmiaŋ kè haì, niŋ fè nyimèè wèè àŋ jooiŋ nyàŋ aiŋ ɓùlà, yèè sèè ke gùnɛɛ̀ŋ kè juo gbɛlɛiŋ, naŋ nɔŋ jèè e suà nyìngaiŋ.

Hiɓu 12:9

Aŋ dèdà ɗuunyaŋ wi nyàŋ aŋ yè nyaŋ è naiŋ fòlò e kɔɔ sùà nyaŋ, nimilà wì sèè è nyɛnɛŋ e keì naanààŋ, yɛi nɔŋ è yaà è kiɛ̀ŋ nyiìŋ ɓɛ̀ɛ̀jàa. È yaà ngèè pɛɛ tɛ̀ɛ̀ wèè eiŋ jɔ̀ɔ̀lɔ̀ wo Dèdà àìjɛnɛ̀ŋ wiɔ̀ dìì, kɛ̀ èiŋ kùwìè wɔŋ nyiiŋ gèe.

1Pììlɛ 2:13

Esàɓù Kànà è gunɔ̀ɔŋ sùà, jɔ̀ɔ̀lɔìŋ e kànà kɛ̀ɛ̀ nyuùŋkpùuŋ gbiŋ dìì. Wo kanaà kuwa e gaàŋ gbeeɛ̀ wɔ,

1Pììlɛ 5:6

Dèèyeìŋ nyɛ̀iŋ bi wɔŋ kùàŋ gààŋ gbèè Dayàa dìì, kɛ̀ wò doiŋ nàŋ joowò e tèèngà sìàŋ wuŋ biɛ̀ diɛŋ.