Jìiiŋ 4:6 - WƆŊ FƐ̀Ì EBÒ SÌÀŊ DAYÀA

⁶ Kɛɛ e mànaàŋ wo Dayà kiɛ̀ŋ lɛ è naŋ nyìngè sùà. Màànààŋ wɔŋ fɛ̀ì Dayàa naŋ woò lɛ kɛ̀, “Wo Dayà giiyà wo nyùnɔ̀ɔŋ ɓemàŋ wuŋ bi gbee wɔ̀ maŋhɛɛ, kɛɛ wo kìɛ̀ŋ wo nyùnɔ̀ɔŋ deeyà wuŋ bi wɔ̀ e keì sìàŋ.”

Jìiiŋ 4:6 Iomraidhean Croise

Maafiù 13:12

Wo nyùnɔ̀ɔŋ gbiŋ kuwa e nɛ̀ŋ bà wɔ, wo Dayà douŋ ɓɛìŋ nàŋ tooyè, wèè kɛ̀ wo kɛɛnɛ̀ŋ niŋ zimgbe e nìàŋ e yèɛ wò kuwa lɛ̀. Kɛɛ wo nyùnɔ̀ɔŋ kuwà è nɛ̀ŋ bà gbiŋ wɔ̀, e tòloòɛ pɛɛ wò kuwa lɛ̀, wò douŋ niŋ nàŋ gè sìwè.

Maafiù 23:12

Anyùùŋ nyaŋ joowà nyiŋ bi nyàŋ, wo Dayà do nyiŋ nàŋ deeyè. Anyùùŋ nyaŋ deeyà nyiŋ bi nyàŋ, wo Dayà do nyiŋ nàŋ joowò.

Luù 1:52

Wo Dayà deeyà aŋ kana kùwìè gààŋ nyaŋ e yìwìà maŋ kpùà kana nyiŋ màŋ diɛŋ, yèè wò nyɛ̀nɛ̀ŋ anyùùŋ nyaŋ naŋ dèèyè nyiŋ bi nyàŋ, àŋ miŋ jɛ̀ì diɛŋ.

Luù 14:11

Esaɓù kɛ̀ anyùùŋ nyaŋ joowà nyiŋ bi nyàŋ, wo Dayà do nyiŋ nàŋ deeyè. Anyùùŋ nyaŋ deeyà nyiŋ bi nyàŋ, wo Dayà do nyiŋ nàŋ joowò.”

Luù 18:14

Kpeiŋ wo Jisɛ̀ naŋ woò wààŋ, “Nààŋ aŋ fèlàà tìyèe nyàŋ naŋ wa kɔ̀ maŋ gboo nyiŋ màŋ sùà, e kèè e tɔ̀ɔ̀nyààŋ wo nyuùŋ kùwà e nɛ̀ɛ̀nɛ̀ŋ fuɔɔ̀ŋ naŋ wa fɔ̀ɔ̀yɛ̀ wo Dayà jii, kɛɛ e fè wa wò Fɛlosiìɔ. Anyùùŋ nyaŋ joowà nyiŋ bi nyàŋ, wo Dayà do nyiŋ nàŋ deeyè. Anyùùŋ nyaŋ deeyà nyiŋ bi nyàŋ, wo Dayà do nyiŋ nàŋ joowò.”

Jìiiŋ 4:10

Dèèyeìŋ nyɛ̀iŋ bi wo Kanaà Dayà fɛɛ̀feìŋ, kɛ̀ wò doiŋ nàŋ kìɛ̀ŋ e ɓɛ̀ɛ̀jàa.

1Pììlɛ 5:5

E ɗèwè guùŋ bi sùà nyɛ̀iŋ nààŋ nyuùŋ bɔwɔ nyàŋ sɔɔ̀ naŋ jɔ̀ɔ̀lɔ̀ àŋ màmàŋkùmɛŋ nyaŋ dìì. Nyɛ̀iŋ nààŋ gbiŋ, wo nyùùŋ gbiŋ ɓɔ̀ wò ɓemè wuŋ bi gbee. Màànààŋ wɔŋ fɛ̀ì Dayàa naŋ woò wààŋ, “Wo Dayà giiyà wo nyùnɔ̀ɔŋ ɓemàŋ wuŋ bi gbee wɔ̀ maŋhɛɛ, kɛɛ wò kiɛ̀ŋ wo nyùnɔ̀ɔŋ fè ɓèmè wuŋ bi gbeeɔ̀ e keì sìàŋ.”