Jìiiŋ 3:9 - WƆŊ FƐ̀Ì EBÒ SÌÀŊ DAYÀA

⁹ Tiŋ è toomàìŋ eiŋ tɛ̀nɛ̀ŋ Kanaà wo Dèda wiɔ̀ Dayà, e kìlà eiŋ niŋ toomò eiŋ gbòò anyùùŋ, aŋ yè nyaŋ wo Dayà naŋ banè àŋ nauŋ teenè nyaŋ.

Jìiiŋ 3:9 Iomraidhean Croise

Maafiù 26:74

Kpeiŋ wo Pììlɛ naŋ woò wààŋ, “Kà gboonò kpo kɛ̀ mìŋ yaà wòò sùà e tɔɔɓaaà! Tɔ̀ wo Dayà nimìlàim sèè mìŋ goò nɔ̀ŋ wòò e tɔɔɓaaà! Miŋ nyimààŋ wò felaaà nìŋ yaà wòò è kiiuŋ wɔ̀!” Ko fɛɛ̀feìŋ wo tɔɔ wowoɔ̀ naŋ kolèè,

Maafiù 5:44

Kɛɛ tɔ̀ miŋ woòiŋ naàŋ kɛ̀, mànaìŋ aŋ jooiŋ nyàŋ e kìlà niŋ zoolò wèè anyùùŋ nyaŋ nimilàìŋ nyaŋ.

Nyɛ̀nɛ̀ŋ 2:26

Wèè esaɓù lii, ke jii miɛ̀ŋ naŋ fɔ̀, e kìlà e zɔlɔ̀ naim diè nààŋ pɛɛ mìŋ gboo yaà lɛ. Jòòpɛɛ mìŋ yaà wo nyuùŋkpùuŋ mààŋ aŋ gbànaŋ nyàŋ gbiŋ, mìŋ do nàŋ kùwìè ke jii tùlia wèè e yèɛ wo Dayà do nàŋ nyɛ̀nɛ̀ŋ weèim lɛ̀, màànààŋ wo woì jaà e jie sùà wò kuwa ke jii tùlia lɛ̀.

Luùm 3:14

Maŋ mìè gbòa nyiŋ màŋ naŋ dìè maŋ gbòòno fiifìì.

1 Kɔliìŋ 11:7

Wo felaa kuwà wèè wo ɓùwà è ɗìuŋ nɛ̀, e fèfoo wo Dayà nauŋ banè wèè wo tèènè Dayà yèè wo hìàŋ e jòòwo koɓɛ̀ Dayài. Kɛɛ sɔɔ̀ wo jɔ̀ùŋ tɔ̀ɔ̀ e jòòwo koɓɛ̀ felaa.

Ɛfesɔ̀ 1:3

Gè wiìŋ wo Dayà ke sɛ̀, wo Dèdaà wèè Kana wiɔ̀ Jisɛ̀ Kulaì. E fèfoo, e wèè e nɔ̀ŋ wilɛ̀ aŋ bàwibà Jisɛ̀ Kulaì sùà, wò wi kpuumàŋ. Esaɓù kɛ̀ wò wi kìɛ̀ŋ maŋ kpùùmàŋ jinàaŋ gbiŋ e ɗùùnyàŋ àìjɛnɛ̀ɛŋ sùà.

Jìiiŋ 1:27

Wo Dayà wo Dèda wiɔ̀, wo nyùnɔ̀ɔŋ wò naŋ jàà kùàŋ dìì wèè wo nɔ̀ŋ wo nyuùŋ zòòlò tɔ̀ɔ̀nyaàŋ wɔ, yèè wò yaà zɛ̀nɛuŋ e tɔ̀mɛ fèeùŋ wɔ̀, mɛɛ̀ŋ nàŋ yaà maŋ keì maŋ wò kuwa wo nyɛ̀nɛ̀ŋ maŋ, wèè wo kìɛ̀ŋ e kpùùmaŋ koɓɛ̀ aŋ jɔ̀à è dàà nyaŋ yaà aŋ jɔ̀ùŋnèèdàà nyaŋ, e teengaà àŋ yaà e keì nyìnga nyiŋ nɛ̀ sùà lɛ, e kìlà wo yɛmɛ̀ wuŋ bi diɛŋ wèè wo go nàŋ nyɛ̀nɛ̀ŋ màŋ keì nàànààŋ ɗuunyaŋ màŋ.

Jìiiŋ 3:10

E yìwìà e mìlè guùŋ bi diɛŋ ko nyaàŋ wiì è tɛnɛ̀ìŋ e kìlà eiŋ gboonò. Nyɛ̀iŋ nààŋ wùìyaim nyàŋ, tɛɛ̀ ɓɔ̀ è nɔ̀ŋ yɛi!

1Pììlɛ 1:3

Gè wiìŋ wo Dayà ke sɛ̀ wo dèdà Kana wiɔ̀ Jisɛ̀ Kulaìɔ! Esàɓù ke nyowo gbeeuŋ nɛɛ̀ŋ sùà, wò naŋ wi kìɛ̀ŋ wɔŋ nyiiŋ gèe jɛi nààŋ wò naŋ gè wo Jisɛ̀ Kulaì e fàa dìì. Tɛɛ̀ naŋ wi dììyè wɔŋ nyiiŋ gèe tùlìà jii ko sùà,