Jìiiŋ 3:16 - WƆŊ FƐ̀Ì EBÒ SÌÀŊ DAYÀA

¹⁶ Koɓɛ̀i anyuùŋ gè le koo, yèè anyuùŋ kɛ̀ɛ̀fɛ̀ɛ̀, yèè anyùùŋ nyaŋ manaŋ e nɛ̀ɛŋ gbiŋ wèè nyiŋ guùŋ kpò yaà lɛ, kuuŋ maŋ keì gɔ̀àgɔ̀à sùà yèè maŋ keì naanààŋ gɛ̀wɛɛ̀ gbiŋ màŋ yaà.

Jìiiŋ 3:16 Iomraidhean Croise

Nyɛ̀nɛ̀ŋ 19:29

E teenga kpuu sùà anyùùŋ nyaŋ gbiŋ ko jawaì naŋ wa dàà ke gboà gbee. Yèè anyùùŋ nyaŋ bà nyiŋ naŋ kùwò wo Gayɔ̀ yaà wo Àlètakɔ̀, yèè aŋ naŋ nyiŋ kɔ̀ɔ̀ zɛ̀mɛ̀ɛ̀ŋ dèèneì. Aŋ fèlàà tìyèe bi naŋ wa dè wo Pɔɔ̀ maŋjɛ̀wɛ e yìwìà ko Mɛ̀sèdonià. Kpeiŋ anyùùŋ nyaŋ gbiŋ e faaàŋ sùà naŋ dùɔ̀ŋ aŋ kà koɓɛ̀i àŋ yaà wa kɛ̀ɛ̀nɛ̀ŋ sùà e dèènè jawaà lɛ.

Luùm 2:8

Anyùùŋ nyaŋ bà nyiŋ manaŋ nɔŋ nyiŋ bi e kìlà àŋ gè maŋhɛɛ wèè aŋ jàà e tɔ̀ɔ̀nyaàaŋ wo Dayà naŋ woò lɛ kùàŋ dìì. Àŋ nyɛnɛŋ maŋ keì maŋ wo Dayà naŋ woò wààŋ maŋ fè tɛɛ maŋ. Wo Dayà do nyiŋ nàŋ tùù sìwè e kìlà wò do nyiŋ nàŋ dèèyè keì nyìnga diɛŋ.

1 Kɔliìŋ 14:33

esaɓù kɛ̀ wo Dayà manàŋ wèè è doiŋ nyɛ̀nɛ̀ŋ nyaàtàaŋ kɛɛ e mɔɔnɔ̀iŋ yèè e nɔ̀iŋ jii fàa sùà. Màànààŋ è yaà maŋ gbòò anyùùŋ hààwè nɛɛmaŋ nyàŋ gbiŋ sùà lɛ,

1 Kɔliìŋ 3:3

esaɓù kɛ̀ kòò nìŋ yaà nɔŋ maŋ kpèè anyùùŋ ɗuunyaŋ nyàŋ màŋ maŋjɛ̀wɛ. Sèè e koo gèe yèè e nyaàŋ tàaŋ nɔ̀ìŋ e fèemàŋ, tɛɛ̀ fè tɔɔ̀ kɛ̀ kòò nìŋ yaà nɔŋ è tɔ̀ɔ̀màŋsèì anyùùŋ ɗuunyaŋ nyàŋ maŋ màŋjɛ̀wɛ?

2 Kɔliìŋ 12:20

E jùù yààìm kɔɔ kɛ̀ sèè mìŋ hnàŋ, ɗɔɔ bà, nìŋ do nàŋ nɔ̀ŋ è gbà. Miŋ naìŋ mɛɛ̀ŋ wèè naŋ nɔ̀ŋ è ɗeweɛ̀ mìŋ henàŋ mɔ̀ɔ̀nɔ̀ŋ wèè naŋ nɔ̀ŋ lɛ, yèè mìŋ do nàŋ nɔ̀ŋ è gbà, e yìwìà e ɗeweɛ̀ nìŋ henàŋ mɔ̀ɔ̀nɔ̀ŋ wèè ka nɔ̀ŋ lɛ. E jùù yààìm kɔɔ kɛ̀ mìŋ do nàŋ mɛɛ̀ŋ nìŋ yaà tììnyɛ̀ŋ nyààŋ, yèè nìŋ yaà gììyè koo, ɔ̀ɔ̀ e wùàŋ yààìŋ, yèè wo nyùùŋ gbiŋ naŋ nɔŋ kpɛɛ̀ŋ wèè wuŋ bi, maŋ dìène yèè nyuùŋ fìè fie, e tɛɛmànaŋ yèè maŋ keì gɔ̀àgɔ̀à sùà.

Gàla 5:20

aŋ dàyà joo yèè anyùùŋ sɛɛ̀ŋ zòòlo, è nyɛ̀nɛ̀ŋ anyùùŋ aŋ wùònò fèemàŋ e kìlà aŋ sòmàŋ, aŋ nɔ̀ŋ e koo, e wùàŋ, yèè aŋ nɔ̀ŋ e gòngò nyiŋ biɛ̀ sùà. E kìlà àŋ hiàŋ e fèemàŋ gòòno maŋ dèène yèè maŋ gbòò sùà.

Jìiiŋ 3:14

Kɛɛ sèè mùŋ nɔ̀ŋ wo nyuùŋ gè le koo, mùŋ naŋ kɛ̀ɛ̀fɛ̀ɛ̀, yèè mùŋ manaŋ e nɛ̀ɛŋ gbiŋ wèè muàŋ guùŋ kpò nɔŋ, ke jii mɔɛ̀ŋ sùà, ɓɔ̀ mùŋ kɛ̀ɛ̀ màŋ yòngà wèè è jiikɛ̀ɛum bi kɛ̀ màŋ sɛɛ̀ e jùumù sùà kòɓɛ̀ è tɔ̀ɔ̀nyaàaŋ.

1Jɔ̀ɔŋ 3:12

Yèè ɓɔ̀ è nɔ̀iŋ mààŋ wo Kiìŋ, wò yaà wo nyùùŋ Sɛ̀tanàŋ, wo yèɔ naŋ wa jìwè wo wùìyà wuŋ biɔ̀ Eɓɛ̀ɛ̀ wɔ. Wèè kiìŋ saɓù wo Kiìŋ naŋ wa jìwè wo Eɓɛ̀ɛ̀? Wò naiŋ wa nyɛ̀nɛ̀ŋ esaɓù kɛ̀ wo nanàuŋ nɔɔ̀ŋ yaà wa wo nyùùŋ tɔ̀ɔ̀nyaàŋ, kɛɛ wuŋ bi wò yaà wa wɔŋ fàà wo Nyùùŋ Kɛ̀ɛ̀nɛ̀ŋ ke kpèè naanààaŋ.