Jìiiŋ 3:1 - WƆŊ FƐ̀Ì EBÒ SÌÀŊ DAYÀA

¹ Nyɛ̀iŋ nààŋ wùìyaim nyàŋ, nyɛ̀iŋ nààŋ zimgbeiŋ ɓɔ̀ nìŋ fɛ̀ɛ̀ wèè naŋ nɔ̀ŋ àŋ kààmɔɔŋ. Jàaìŋ jii kɛ̀ wo Dayà do wa nàwèè nàŋ gbàì yàwi nààŋ kààmɔ̀ɔ̀ŋ maŋ Sàwà Dayà nyaŋ e tɔ̀ɔ̀nyaàŋ nyìnga sùà e nìàŋ anyuùŋ gbànaŋ nyàŋ.

Jìiiŋ 3:1 Iomraidhean Croise

Maafiù 10:24

“Wo kààjɔa kuwà è gààŋ wò do nìàŋ wò kààmɔɔuŋ nɔɔ̀ŋ, e kìlà wo ɗo kuwà è gààŋ wò do nìàŋ wò kɛ̀ɛ̀nɛuŋ nɔɔ̀ŋ.

Maafiù 23:13

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ yaà anyùùŋ fɛ̀ɛ̀ ɗòònààkeì. Nìŋ naŋ sìè wɔŋ gbèmgbèè e Kànà àìjɛnɛ̀ɛŋ e kpòò anyùùŋ ko feìŋ, kɛɛ nyɛ̀iŋ bi niŋ fè jɔ̀à, e kìlà nìŋ keewà anyùùŋ kùàŋ feìŋ wèè aŋ goonàŋ jɔ̀ nyiŋ pɛɛ. [

Maafiù 23:14

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ nyinìàŋ aŋ jɔ̀ùŋnèèdàà nyaŋ kàaɓì yèè nìŋ gè nyiìŋ maŋ tùlìè jii nyiŋ màŋ sìwè maŋ gboo nyiŋ màŋ sùà. Nìŋ manaŋ kèè nyɛ̀iŋ bi tɔ̀ɔ yèè maŋ zòòloiŋ màŋ mùŋloe jèì. Nyɛ̀iŋ nààŋ nyùùŋ mààŋ nyɛɛ̀ŋ do wa nàwèè nàŋ kùwò e nimilà nyìnga e mààŋ nyààŋ!]

Maafiù 9:11

Aŋ Fɛlosiì nyaŋ bà nyiŋ naŋ tɛɛ̀ yɛmɛ̀, yèè àŋ naŋ dàwè anyùùŋ màŋjɛ̀wɛ̀uŋ nyàŋ nyààŋ, “Wèè kiìŋ wo kààmɔɔiŋ nɔɔ̀ŋ yaà anyuùŋ kùwà nɛ̀ɛ̀nɛ̀ŋ fuɔɔ̀ŋ e kpùlìà anyùùŋ maŋ kpèè naanààŋ jiiyà nɛ̀ŋje koɓɛ̀ guùŋ?”

Luù 16:2

Yèè wo felaa bàneɔ̀ nauŋ nyààŋ wò nauŋ dàwè wààŋ, ‘Kiìŋ mìŋ naŋ yaà kòmò e nyaàiŋ eum dè? Hnaàŋ muŋ kiɛ̀im ke jii gbài e nyaàiŋ dè manɛ̀ŋ maŋ kinɛiŋ mùŋ yaà yɛ̀ɛ̀mɛ̀ diɛŋ màŋ, esaɓù kɛ̀ mìŋ yààùm gè sùà e tòmò ɓɔìjɔ̀à yɛ̀mɛ̀ manɛ̀ŋ diɛɛ̀ŋ sìwè.’

Luù 6:37

“Ɓɔ̀ nìŋ kilià è kiti ànyùùŋ diɛŋ wèè màŋ jùumù nyiŋ màŋ, kpeiŋ kɛ̀ wo Dayà naìŋ kìlìè kiti diɛŋ wèè màŋ jùumùiŋ màŋ nyɛ̀iŋ pɛɛ. Jùùyaìŋ aŋ dàwiiŋ nyàŋ hakɛ̀ wèè e keì naanààaŋ àŋ naiŋ jàà lɛ, kpeiŋ kɛ̀ wo Dayà wòiŋ jùùyà hakɛ̀ nyɛ̀iŋ pɛɛ.

Jɔ̀ɔŋ 3:10

Wo Jisɛ̀ nauŋ fasaì wààŋ, “Mùŋ yaà wo kààmɔɔŋ kɛnɛ anyùùŋ nyaŋ naŋ nyìmè ko Ezɔ̀ɛ̀ wèè maŋ maŋ Sàwà Dayà maŋ kàa, yèè mààŋ muŋ nyimààŋ tɛɛ̀?

Nyɛ̀nɛ̀ŋ 13:1

Ke gbòò anyuùŋ hààwe nyàŋ ko Aŋtiɔ̀ kuwa wa aŋ wɛ̀ijì yèè aŋ kààmɔɔŋ zimgbe. Nyiŋ nàŋ yaà wa wo Bànaŋɓà, wo Sìmiaŋ, wo yèɔ àŋ hewa ɓɛìŋ nyààŋ wo Nijà wɔ, wo Lùsiɔ̀ e yìwìà ko Sàlinìŋ, wo Manàŋ, wo dàwì mɔ̀ɔ̀nɔ̀ŋ Hɛɛlɔ̀ Aŋtipàa, yaà wo Sɔɔ̀.

1 Kɔliìŋ 12:28

Wo Dayà naŋ tà anyùùŋ maŋ ɗùù, ke gbòò anyuùŋ hààwe nyàŋ sùà. Aŋ jiɛ̀jiɛ̀ nyaŋ, naŋ yaà aŋ keela tàeɗùù nyaŋ. Aŋ dìà tìyèei nyàŋ, aŋ wɛ̀ijì nyaŋ. Aŋ dìà taai nyàŋ, aŋ kààmɔɔŋ. Aŋ yè nyaŋ nyɛnɛŋ maŋ tòmò gaàŋ gbeegbèè nyaàiŋ dè maŋ kèì mèè nyɛ̀nɛŋ. Aŋ gbànaŋ nyàŋ nàŋ yaà, aŋ yè nyaŋ wò naŋ kìɛ̀ŋ e gààŋ wèè aŋ sùngà anyùùŋ, ɔ̀ɔ̀ aŋ kpùùmàŋ anyùùŋ ɔ̀ɔ̀ aŋ nyiŋ dè ke dòmaŋ siaŋ diɛŋ, ɔ̀ɔ̀ wèè aŋ gbùùyà maŋ kaìŋ joo sùà.

2 Kɔliìŋ 5:10

Yàwi nààŋ gbiŋ doiŋ nàŋ hnè wo Jisɛ̀ Kulaì ke kpùà keì gbàiuŋ nɛɛ̀ŋ fɛɛ̀feìŋ, wo wi gbaaì. Yàwi nààŋ gbiŋ doiŋ nàŋ yɛ̀mɛ̀ e pààwà keì sìàŋ ɔ̀ɔ̀ keì naanààŋ wèè e nɛ̀ɛŋ gbiŋ è naiŋ nyɛ̀nɛ̀ŋ ke kpùnaŋ yɛɛ̀ sùà lɛ.

Ɛfesɔ̀ 4:11

Yèè wuŋ naŋ “fè anyùùŋ maŋ kìɛŋ.” Wò naŋ tà aŋ bà nyiŋ ke ɗùù wèè aŋ nɔ̀ŋ aŋ keela tàeɗùù, aŋ bà nyiŋ wèè aŋ nɔ̀ŋ aŋ wɛ̀ijì, aŋ bà nyiŋ nɔ̀ŋ anyuùŋ fè ke mìè seì wèè Dayà, aŋ bà nyiŋ nɔ̀ŋ anyuùŋ gbòà ke mìè Dayà, yèè aŋ bà nyiŋ nɔ̀ŋ aŋ kààmɔɔŋ.

1Time 1:7

Àŋ manaŋ wèè aŋ nɔ̀ŋ aŋ kààmɔɔŋ wèè ke sàwà Dayàa. Kɛɛ aŋ fè jàà màŋ mìè gbòa nyiiŋ bi màŋ jii, ɔ̀ɔ̀ maŋ keì maŋ àŋ woà maŋ, jòòpɛɛ àŋ gongà kɛ̀ àŋ yaà wòò maŋ keì bi.

1Time 2:7

yèè wèètii wo Dayà naim tùɔ̀ŋ wèè ka nɔ̀ŋ wo keela tàeɗùùuŋ nɔɔ̀ŋ bà, yèè wo kààmɔɔŋ koɓɛ̀ anyùùŋ nyaŋ fè àŋ Juùù nyaŋ, wèè ka dàànè ebò ke mìè gbìaŋ e hààwe yaà e tɔ̀ɔ̀nyaàaŋ. Miŋ fè tòaà sùà, mìŋ yààìŋ wòò sùà e tɔ̀ɔ̀nyaàaŋ.

2Time 1:11

Wo Dayà naim nyɛ̀nɛ̀ŋ wo keela tàeɗùù, yèè wo kààmɔɔŋ wèè ka dàànè Ebò Siaàŋ.

Hiɓu 13:17

Jɔ̀ɔ̀lɔìŋ anyuùŋ gbeegbèèiŋ nyàŋ dìì, e kìlà niŋ nyɛ̀nɛ̀ŋ e nɛ̀ɛŋ àŋ woàìŋ lɛ. Àŋ naiŋ jàà fɛ̀ɛ̀ diɛŋ e kèè Dayàa sùà, yèè àŋ kuwa aŋ kìɛ̀ŋ e jìwààjɛ̀wɛ̀ koɓɛ̀ Dayài wèè e tòmoɛ̀ àŋ naŋ nyɛ̀nɛ̀ŋ lɛ. Ɓɔ̀ nìŋ nyɛ̀nɛ̀ŋ màŋ jii nyiŋ màŋ do mɔɔnɛ̀ŋ sèè àŋ nɔ̀ŋ nyìnìè e tòmo nyiŋ nɛ̀, kɛɛ nyɛ̀nɛìŋ nyiŋ àŋ nɔ̀ŋ zɔlɔ̀ sùà. Sèè nìŋ go niŋ nyɛ̀nɛ̀ŋ, aŋ naàŋ ɓɛnɛ̀ŋ wèè aiŋ kpuumàŋ.

Jìiiŋ 1:16

Nyɛ̀iŋ nààŋ wùìyaim nyàŋ, ɓɔ̀ nìŋ dangè wò nyùùŋ doiŋ zuwò.

Jìiiŋ 1:19

Nyɛ̀iŋ nààŋ wùìya mànaim nyàŋ, nyìmaìŋ tɛɛ̀! Tɔ̀ wo nyùùŋ gbiŋ nɔ̀ŋ fiò wèè wo kòmàŋ maŋ kàìŋ, kɛɛ ɓɔ̀ wò gbòà fiò. Ɓɔ̀ wò tuù fiò.

Jìiiŋ 3:10

E yìwìà e mìlè guùŋ bi diɛŋ ko nyaàŋ wiì è tɛnɛ̀ìŋ e kìlà eiŋ gboonò. Nyɛ̀iŋ nààŋ wùìyaim nyàŋ, tɛɛ̀ ɓɔ̀ è nɔ̀ŋ yɛi!

1Pììlɛ 5:3

Ɓɔ̀ nìŋ fɛ̀ɛ̀ wèè naŋ kìlìà kana ànyùùŋ nyaŋ yaà è gaàiŋ nɛ̀ dìì nyaŋ diɛ̀ŋ, kɛɛ nɔ̀iŋ e tɔ̀ɔ̀màŋseì koɓɛ̀ aŋ ɓààwàà Dayà nyaŋ.