Jìiiŋ 2:8 - WƆŊ FƐ̀Ì EBÒ SÌÀŊ DAYÀA

⁸ Sèè tɔɔɓaa tiŋ naŋ jɔ̀ɔ̀lɔ̀ ke sàwà e Kànà Dayàa dìì màànààŋ wɔŋ fɛ̀ì Dayàa yaà woo lɛ̀, “Manàŋ wo nyuùŋkpùuŋ dàwi mɔɔ̀ŋ mààŋ muàŋ bi lɛ̀,” kɛ̀ màŋ nyɛ̀nɛ̀ŋ tɛ̀ɛ̀.

Jìiiŋ 2:8 Iomraidhean Croise

Maafiù 22:39

Ke sàwà kɛ̀ɛ̀nɛ̀ŋ zùlù dìà tìyèeɛ̀ kè yaà nɔŋ mààŋ ke jiɛ̀jiɛ̀ɛ, ‘Manàŋ anyuùŋ kpùuŋ dàwium nyàŋ màànààŋ mùŋ manaŋ muàŋ bi lɛ̀.’

Maafiù 25:21

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ yèè e tɔ̀ɔ̀nyaàŋ. Mìŋ naum mɛ̀iŋ jùùyè e nɛɛnɛŋ jɔa, kɛɛ mìŋ doum naàŋ nàŋ kìɛ̀ŋ e gbee niŋ. Hnàaàŋ yèè muŋ nɔ̀ŋ wo bàumbà e zɔlɔ̀ gèe mɛ̀ sùà.’

Maafiù 25:23

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ yèè e tɔ̀ɔ̀nyaàŋ. Mìŋ naum mɛ̀iŋ jùùyè e nɛɛnɛŋ jɔa, kɛɛ mìŋ doum naàŋ nàŋ kìɛ̀ŋ e gbee niŋ. Hnàaàŋ yèè muŋ nɔ̀ŋ wo bàumbà e zɔlɔ̀ gèe mɛ̀ sùà.’

Maafiù 7:12

“Tùwoìŋ tɛ̀ɛ̀ koɓɛ̀ anyuùŋ kpùuŋ dàwiiŋ nyàŋ màànààŋ nìŋ manaŋ wèè aiŋ tuwò lɛ. Tɛɛ̀ nàŋ yaà e fàsàì maŋ Sàwà Dayà maŋ yaà e yèɛ aŋ wɛ̀ijì nyaŋ naŋ wa kaà lɛ.

Luùm 13:10

Sèè maŋ mànàŋ wo nyuùŋkpùuŋ dàwi mɔɔ̀ŋ, muŋ naàuŋ jàà è keì naanààŋ, sèè mùŋ nyɛnɛŋ tɛɛ̀, kɛ̀ màŋ jɔ̀ɔ̀lɔ̀ maŋ Sàwà Dayà maŋ dìì.

Gàla 5:14

Maŋ Sàwà maŋ gbiŋ màŋ yaà ke Sàwà guùŋ sùà. Ke Sàwà bi nàŋ yaà, “Manàŋ wo nyuùŋkpùuŋ dàwi mɔɔ̀ŋ màànààŋ mùŋ manaŋ muàŋ bi lɛ̀.”

Gàla 6:2

Sèè nìŋ naŋ kìɛ̀ŋ wɔŋ kùàŋ kpùùmaŋ aŋ dàwiiŋ nyàŋ, kɛ̀ nàŋ jɔ̀ɔ̀lɔ̀ ke sàwà Jisɛ̀ Kulaìɛ dìì.

Fèle 4:14

Kɛɛ nìŋ naŋ wa nyɛ̀nɛ̀ŋ e keì sìàŋ, wèè naŋ nɔ̀ŋ àŋ bàiŋbà wèè naim kìɛ̀ŋ e kpùùmaŋ, e teengaà mìŋ yaà wa kɔ̀ɔ̀yɛ̀ e keì nyìnga dìì lɛ.

1Tɛsè 4:9

Esaɓù bà fè wèè eiŋ sìngà wɔ̀ŋ fɛi, è nyaàiŋ dè è ɗeweɛ̀ nìŋ mɔnɔŋ àŋ dàwiiŋ nyàŋ lɛ, esaɓù kɛ̀ nyɛ̀iŋ bi wo Dayà wòiŋ kàà e ɗeweɛ̀ nìŋ kuwìà e mànaŋ wèè aŋ dàwiiŋ nyàŋ lɛ,

Jìiiŋ 1:25

Kɛɛ wo nyùnɔ̀ɔŋ naŋ kpɛ̀nɛ̀ŋ ke miè gbìaŋ yɛɛ̀ tɛ̀ɛ̀ wɔ, yèè wo jèè nyìnìè e nɛ̀ɛŋ kè naŋ woò lɛ, wo Dayà do nàŋ kpùùmò wo nyùùŋ mààŋ wii. Yèè ke miè gbìaŋ yii nàŋ yaà, ke sàwà jìlɛɛ̀ŋ joeyà anyùùŋ lɛ.

Jìiiŋ 2:12

Weètii wòò, yèè muŋ nyɛ̀nɛ̀ŋ maŋ keì mààŋ anyùùŋ nyaŋ naŋ nyìmè kɛ̀ wo Dayà do nyiŋ nàŋ gbààì ke sàwàa do nyiŋ nàŋ gè keì sùà lɛ.

Jìiiŋ 2:19

Mùŋ naŋ haawè kɛ̀ wo Dayà yaà nɔŋ wò guùŋ? Keì sìàŋ le! Aŋ jinàŋ naanààŋ nyaŋ nyiŋ pɛɛ àŋ naŋ niŋ haawè e jèèsùà àŋ jele kɔɔ kpàkpà wèè e jùù.

Jìiiŋ 4:11

Ɓɔ̀ nìŋ woò màŋ keì naanààŋ àŋ dàwiiŋ nyàŋ dèè, nyɛ̀iŋ nààŋ wùìyaim nyàŋ. Wo nyùnɔ̀ɔŋ gbiŋ naŋ wòò e keì naanààŋ wo wùìyauŋ nɔɔ̀ŋ dèè ɔ̀ɔ̀ wouŋ gbààì e keì wɔ, wò nììngè ke sàwàa fɛ̀ɛ̀, e kìlà wò gbààè ke sàwàa e keì. Kɛɛ sèè mùŋ gbaaì ke sàwàa e keì, kɛ̀ muŋ fè ɓɛìŋ wò nyuùŋ jɔ̀ɔ̀lɔ̀ kè sàwàa dìì, mùŋ yaà naàŋ wo nyuùŋ gbààì ke sàwàa e keì.

1Pììlɛ 2:9

Kɛɛ nyɛ̀iŋ nàŋ yaà anyuùŋ tàeɗùù Dayà nyaŋ, aŋ sìèfèìŋ e zòòlò Kanaà, wɔŋ fùɔ̀ŋ nɛɛmaàŋ, anyùùŋ Dayà nyaŋ wuŋ bi naŋ tàeɗùù, wèè aŋ daanè ebò maŋ kpèè sìàŋ Dayà maŋ wò nyɛnɛŋ màŋ, wo yèɔ naiŋ nyààŋ wò naiŋ gè ke nyìwì sùà, yèè wò naiŋ hnìɛ̀ŋ e gbòlòùŋ gbèè wuŋ bi sùà lɛ.