Jìiiŋ 2:1 - WƆŊ FƐ̀Ì EBÒ SÌÀŊ DAYÀA

¹ Nyɛ̀iŋ nààŋ wùìyaim nyàŋ, nìŋ kuwa e hààweɛ̀ wo Kànà ɓɛ̀ɛ̀jàa wiɔ̀ Jisɛ̀ Kulaì sùà, ɓɔ̀ nìŋ kùwà ànyùùŋ nyaŋ bà nyiŋ tɛ̀ɛ̀ naŋ nyìnìàŋ àŋ bà nyiŋ fɛɛ̀ nìngè wèè è nɔ̀ŋ kii nyiŋ nɛ̀.

Jìiiŋ 2:1 Iomraidhean Croise

Maafiù 22:16

Kpeiŋ àŋ naŋ tùɔ̀ŋ anyùùŋ màŋjɛ̀wɛ̀ aŋ Fɛlosiì nyaŋ bà yèè anyùùŋ bà e yìwìà e Kànà Hɛɛlɔ̀ɛ dìì wèè auŋ dawè nyààŋ, “Kààmɔɔŋ, è nyìmàŋ kɛ̀ mùŋ naŋ jeè, yèè muŋ woà wo nyùùŋ gbiŋ e tɔɔɓaaà ke dòmàŋ Dayàa diɛŋ, muŋ fè dùàŋ è gòngò kìì nyuùŋkpùuŋ nɛ̀, esaɓù kɛ̀ muŋ fè jàà kè jii mɔɛ̀ŋ è nɔ̀ŋ kìì nyùùŋ gbiŋ màŋjɛ̀wɛ.

Nyɛ̀nɛ̀ŋ 10:34

Wo Pììlɛ naŋ tɔ̀ɔ̀tù gbòa wààŋ, “Kà naàŋ nyìmàŋ kɛ̀ è yaà tɔ̀ɔ̀nyaàŋ kɛ̀ wo Dayà kuwà wò nyuùŋ mànaŋ titi, kɛɛ wò manaŋ anyùùŋ nyaŋ gbiŋ e seenè kpaŋ.

Nyɛ̀nɛ̀ŋ 20:21

Mìŋ naŋ wòò aŋ Juùù yèè anyùùŋ nyaŋ fè àŋ Juùù nyaŋ kɛ̀ aŋ fè maŋ tùwo naanààŋ nyiŋ màŋ jɛwɛ wèè aŋ kìlà koɓɛ̀ Dayài yèè aŋ kɛɛnɛ̀ŋ hààwe wo Kana wiɔ̀ Jisɛ̀ sùà.

Nyɛ̀nɛ̀ŋ 24:24

Maŋ ɗɔɔ kpàa bà naŋ mààŋ yèè wo Kanaà Filɛ̀ yaà wo jawèuŋ Dɔ̀silà, wuŋ pɛɛ wò yaà wa wo Juùù, naŋ kɔ̀ koɓɛ̀i wo Pɔɔ̀ yaà wa lɛ̀. Àŋ naŋ tùɔ̀ŋ wèè wo Pɔɔ̀ wèè wo gbòà nyiŋ kɔɔ e nyaàiŋ dè e hààwe kɛ̀ɛ̀nɛŋ wo Jisɛ̀ Kulaì sùà.

Nyɛ̀nɛ̀ŋ 7:2

Wo Siiwììŋ naŋ nyiŋ fasaì wààŋ, “Kùmiàŋ nìim, nyɛ̀iŋ nààŋ wùìyaim yèè nyuùŋ kòmaim nyàŋ! Wèè paŋ wo dèda wiɔ̀ Eɓulɔhɛɛ̀ŋ wo ka wa wo joo ko jawaì àŋ nyaaŋ Hàlaàŋ lɛ, wo Dàyà gbolòùŋ gbeeɔ̀ nauŋ wa fòlò feìŋ ko jawa gbeeì àŋ nyaaŋ Mɛsèpòtamiɔ̀,

Luùm 1:11

Mìŋ yaà e wùànàŋ sùà wèè kaiŋ yɛmɛ̀ e kìlà wèè kaiŋ kìɛ̀ŋ e kìɛɛ̀ŋ wo Jìnàŋ Dayàa naim kiɛ̀ŋ lɛ, wèè e hààweiŋ nɛ̀ e nyìngàà sùà.

1 Kɔliìŋ 2:8

Anyùùŋ gbèègbèè ɗuunyaŋ lɛɛ̀ bà gbiŋ gò nyìmàŋ è jiikɛ̀ɛ lɛɛ̀. Sèè aiŋ wa weè nyìmàŋ, aŋ naàŋ wa weè nàŋ jìwìè wò Kànà nɛɛmaàŋ wɔ̀ŋ vànèkpaàa diɛŋ.

Kòlo 1:4

Èiŋ kòmàŋ e kèè e hààweɛ̀ niŋ kuwa wo Jisɛ̀ Kulaì sùà, yèè e mànaàŋ nìŋ kuwa wèè anyùùŋ nɛɛmaŋ nyàŋ gbiŋ lɛ̀.

1Time 1:19

yèè jèèe e hààwe mɔ̀ɛ̀ sùà e kìlà muŋ kɛɛnɛ̀ŋ e gòngò siaŋ. Ànyùùŋ nyaŋ bà nyiŋ kòò àŋ kùmìè e gòngo siaŋ nyiŋ nɛ̀ yèè àŋ nyɛ̀nɛ̀ŋ maŋ hààwe nyiŋ màŋ pɔɔpɔ̀ɔ̀.

1Time 5:21

Ko fɛ̀ɛ̀fèìŋ Dayài yèè wo Jisɛ̀ Kulaì yaà aŋ màìkà nɛɛmaŋ tàeɗùù nyaŋ, mìŋ yààìŋ dàwe sùà wèè naŋ jɔ̀ɔ̀lɔ̀ maŋ keì wòo mɛɛ̀ŋ dìì e yèɛ fè hìàŋ è nyànge wèè è nɛ̀ɛ̀ŋ mùŋ naŋ nyɛ̀nɛ̀ŋ lɛ.

Taitɔ̀ 1:1

E yìwìà miàim Pɔɔ̀ sìwè, wo ɓɔ̀ìjɔ̀à Dayàa, yèè wo keela tàeɗùù wèè Jisɛ̀ Kulaì nàŋ yaà sìngìè wɔŋ fɛi wɛɛ̀ŋ. Wo Dayà naim tàeɗùù yèè wò naim tùɔ̀ŋ e wèè ka kpùùmàŋ e hààwè anyùùŋ Dayà nyaŋ wò naŋ tàeɗùù nyaŋ, e kìlà ka nyiŋ kɔ̀à koɓɛ̀ e gòngò tɔ̀ɔ̀nyaàaŋ e Dayà hùmaŋ kii wilɛ̀ sùà,

Taitɔ̀ 2:13

nààŋ è yààìŋ fùlìè ke ɗɔ̀ɔ̀ e keì sìàaŋ è naiŋ tùlìè jii lɛ̀, ke ɗɔɔɛ̀ e jòòwò Dayà gbee wiɔ̀ yèè wo Nyuùŋ Jòèye wiɔ̀ Jisɛ̀ Kulaì kè hnàŋ lɛ.

Hiɓu 1:3

Wo Jɔ̀àfèlàà Dayàa nàŋ kuwa e gbolòùŋ nɛ gbiŋ wèè e jòòwò Dayàa, e kìlà wò yaà mààŋ e nɔ̀ŋ kìì Dayàa wuŋ bi. E yìwìà ke mìè gaàŋ gbeeuŋ nɛɛ̀ŋ, wò nyɛnɛŋ manɛ̀ŋ maŋ gbiŋ wo Dayà naŋ banè maŋ, jèè e nɔ̀ŋ kìì bàne miŋ nɛ̀ sùà. Nààŋ wo Jɔ̀àfelaaà naŋ nyɛ̀nɛ̀ŋ wo Dayà naŋ jùùyè anyuùŋ kpùuŋ nyàŋ hakɛ̀ wèè maŋ jùumù nyiŋ màŋ wèè aŋ zɛ̀nɛ̀ŋ, wò naŋ jɛ̀ì wɔŋ kùàŋ jìkà Dayàa, wo yèɔ kuwa e gaàŋ gbeeɛ̀ gbiŋ wɔ̀ ko àìjɛnɛ̀ŋ ko fùùiŋ.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.

Jìiiŋ 1:16

Nyɛ̀iŋ nààŋ wùìyaim nyàŋ, ɓɔ̀ nìŋ dangè wò nyùùŋ doiŋ zuwò.

Jìiiŋ 1:19

Nyɛ̀iŋ nààŋ wùìya mànaim nyàŋ, nyìmaìŋ tɛɛ̀! Tɔ̀ wo nyùùŋ gbiŋ nɔ̀ŋ fiò wèè wo kòmàŋ maŋ kàìŋ, kɛɛ ɓɔ̀ wò gbòà fiò. Ɓɔ̀ wò tuù fiò.

Jìiiŋ 2:3

Sèè maŋ tɔ̀ɔ̀ e ɓɛ̀ɛ̀jàa zimgbe koɓɛ̀ wo nyuùŋ gɔ̀à maŋ deè sìàaŋ mauŋ woò mààŋ, “Dàa hnaàŋ muŋ jɛ̀ì kià ke kpùà ɓɛ̀ɛ̀jàa yɛɛ̀ diɛŋ.” E kìlà maŋ wòò nyuùŋ pɔ̀ɔɔ̀ mààŋ, “Sìè kià, ɔ̀ɔ̀, hnaàŋ muŋ jɛi ko dììnaŋ ko dè maŋ golòim màŋ.”

Jìiiŋ 2:9

Kɛɛ sèè naŋ tɔ̀ɔ̀ e nyànge e fèemàŋ kɛ̀ nàŋ nyɛ̀nɛ̀ŋ keì naanààŋ, yèè ke Sàwà Dayàa naŋ kaà kɛ̀ nàŋ ɓèmè e jùumù.

Jìiiŋ 3:17

Kɛɛ e jiikɛ̀ɛɛ̀ yewe wo Dayà sìwè lɛ e jiɛ̀jiɛ̀ɛ nàŋ yaà, è yaà sengei yèè è manaŋ ke jii fàa, è kuwìà nyùùŋ le siwè sìàŋ, è kuwa mɔ̀ɔ̀nɔŋ, è naŋ dìè ke nyowo yèè è hiàŋ maŋ tùwo siaŋ sìàŋ, e fè nyangè yèè e gò gbɛ̀ɛ̀ è kàaɓì kɔɔ.

2Pììlɛ 1:1

E yìwìà miàim Saamɔ̀ŋ Pììlɛ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔìjɔ̀à yèè wo yèɔ yaà keela tàeɗùù wèè Jisɛ̀ Kulaì. Mìŋ yaà sìngìè koɓɛ̀ anyùùŋ nyaŋ aŋ yè nyaŋ esàɓù e tɔ̀ɔ̀nyààŋ Dayàa sùà yaà wo Nyuùŋ Jòèyeɔ̀ Jisɛ̀ Kulaì, àŋ naŋ nyiŋ fè e hààwè jii nyiŋ nɛ̀ mààŋ e je wilɛ̀ nyaŋ.

Juù 1:16

Anyùùŋ nyɛɛ̀ŋ gboo naanààŋ wèè nyùùŋ yèè àŋ sie nyùùŋ jii, àŋ kuwa nɔŋ e gòngò nàànààŋ nyiŋ bi lɛ̀ maŋjɛ̀wɛ, àŋ kɛɛ maŋ nyòngà nyaàiŋ dè nyiŋ bi, àŋ nyaaŋ nyààŋ aŋ bà wèè kàìsa aŋ yɛmɛ̀ ke dòmàŋ e wùmaŋ nyiŋ.

Maŋ kèì nyɛɛnɛŋ 14:12

Tɛɛ̀ naŋ tɔɔ̀ kɛ̀ anyùùŋ nɛ̀ɛ̀màŋ Dayà nyaŋ kuwa aŋ gbèè e ɗèwè e keì nyìnga kùwa ke jii tɔumtɔ̀ùm sùà. Yèè àŋ kuwa ɓɛìŋ aŋ jɔ̀ɔ̀lɔ̀ maŋ sàwàuŋ màŋ dìì e kìlà aŋ kɛ̀ɛ̀nɛ̀ŋ hààwe wo Jisɛ̀ sùà.