Jìiiŋ 1:16 - WƆŊ FƐ̀Ì EBÒ SÌÀŊ DAYÀA

¹⁶ Nyɛ̀iŋ nààŋ wùìyaim nyàŋ, ɓɔ̀ nìŋ dangè wò nyùùŋ doiŋ zuwò.

Jìiiŋ 1:16 Iomraidhean Croise

Maafiù 22:29

Wo Jisɛ̀ naŋ nyiŋ fasàì wààŋ, “Diè nìŋ naŋ yɛi ɓà ke dòmàŋ tɔ̀ɔ̀nyaàŋ le! Esaɓùɛ nàŋ yaà kɛ̀ niŋ nyimààŋ è sìngaà wɔŋ fɛ̀ì Dayàa sùà ɔ̀ɔ̀ e gààŋ Dayàa.

Nyɛ̀nɛ̀ŋ 1:15

Maŋ ɗɔɔ kpàa naŋ mààŋ yèè anyuùŋ hààwe nyàŋ naŋ dèènè koɓɛ̀ guùŋ. Àŋ yaà wa e sɔ̀ngɔ̀ anyuùŋ hɔ̀nɔ̀ɔ̀ guùŋ kpɛ̀ɛ̀ùŋ guùŋ (120), kpeiŋ wo Pììlɛ naŋ sie wèè wo gbòà koɓɛ̀ anyùùŋ nyaŋ.

1 Kɔliìŋ 6:9

Tɔ̀ɔ̀nyaàŋ, nàŋ nyìmàŋ kɛ̀ anyuùŋ naanààŋ gò kùwìè è hààwe nyàŋ, è Kànà Dayàa bà gbiŋ naàŋ wa nàwèè nàŋ nɔ̀ŋ weè nyiŋ. Ɓɔ̀ nìŋ zuwò nyɛ̀iŋ bi, anyùùŋ nyaŋ gbiŋ yaà e kèì nàànààŋ hmɔŋtu sùà, ɔ̀ɔ̀ àŋ zoolà maŋ gòò, ɔ̀ɔ̀ anyuùŋ ɓèmè aŋ jàwè nyùùŋ ɔ̀ɔ̀ aŋ fàìŋ nyùùŋ, ɔ̀ɔ̀ aŋ kpàkòò tìyèe nyɛ̀nɛ̀ŋ ke yɛ̀ɛ̀, ɔ̀ɔ̀ aŋ jɔùŋ tìyèe nyɛ̀nɛ̀ŋ ke yɛ̀ɛ̀

Gàla 6:7

Ɓɔ̀ nìŋ zuwò nyɛ̀iŋ bi, wo nyùùŋ gbiŋ fè ɓɛ̀nɛ̀ŋ zùwò wò Dayà. Nìŋ do wa nàwèè nàŋ kpàà e yèɛ gbiŋ nìŋ naŋ nyùɔ̀ŋ lɛ.

Fèle 2:12

Weètii nyɛ̀iŋ nààŋ wùìyaim nyàŋ, nààŋ nìŋ naim wa jɔ̀ɔ̀lɔ̀ dìì e teengaà gbiŋ mìŋ yaà wa ko nɛ̀ɛ̀iŋ niìŋ lɛ, è yaà ngèè pɛɛ naàŋ tɛ̀ɛ̀ wèè naim jɔ̀ɔ̀lɔ̀ dìì nààŋ miŋ fèìŋ ɓɛìŋ è tɛɛ lɛ̀. Weètii sìaìŋ ke di e kìlà niŋ tomo nyìnga e nyaàiŋ dè e jòèyeiŋ nɛ̀, wèè niŋ nyìmàŋ kɛ̀ kiìŋ è naŋ fasàì wèè naŋ wa nàwèè yɛ̀mɛ̀ e jòèye,

Fèle 4:1

Nyɛ̀iŋ nààŋ wùìyaim nyàŋ, mìŋ mànàiŋ zimgbe, yèè nìŋ naŋ nyɛ̀nɛ̀ŋ e zɔlɔ̀ naim diè zimgbe. Nyɛ̀iŋ nàŋ yaà mààŋ ke ɓɔ̀ɗì kana miɛ̀ŋ. Jèeìŋ e hààwe sùà koɓɛ̀ wo Kanaà.

Kòlo 2:4

Tɔ̀ miŋ woòiŋ, ɓɔ̀ nìŋ nyimèè wèè wò nyùùŋ gbiŋ wò doiŋ zùùwò màŋ mìè gbòa ɓuuyè, miŋ gò kpɛɛ̀ŋ diè kè naŋ ɓuuyè.

Kòlo 2:8

Ɓɔ̀ nìŋ nyimèè wèè wò nyùùŋ gbiŋ doiŋ zuwò wèè naŋ nyɛ̀nɛ̀ŋ è nyaàntàaŋ màŋ keì zùwo màŋjɛ̀wɛ. Maŋ kàa mɛɛ̀ŋ yewe anyuùŋ kpùuŋ sìwè yaà wo sìèfèìŋ aŋ jinàŋ naanààŋ nyaŋ e ɗuunyaàŋ. E kàa kii foo bi gò yìwìà wo Jisɛ̀ Kulaì sìwè.

2Time 2:18

Àŋ naŋ yèwè ke dòmàŋ tɔ̀ɔ̀nyaàaŋ diɛŋ, yèè àŋ yaà gɔ̀àà gɔ̀àà sùà maŋ hààwè anyuùŋ hààwe nyàŋ bà miŋ sùà, esaɓù kɛ̀ àŋ yaà wa woo nyààŋ wo Dayà ngèè naàŋ gè anyuùŋ fàa nyàŋ dìì.

Hiɓu 13:1

Kɛ̀ɛ̀nɛìŋ e mànaŋ wèè aŋ dàwi, màànààŋ anyùùŋ màŋjɛ̀wɛ̀ Kanaà Jisɛ̀ kuwa aŋ nyɛ̀nɛ̀ŋ lɛ.

Jìiiŋ 1:19

Nyɛ̀iŋ nààŋ wùìya mànaim nyàŋ, nyìmaìŋ tɛɛ̀! Tɔ̀ wo nyùùŋ gbiŋ nɔ̀ŋ fiò wèè wo kòmàŋ maŋ kàìŋ, kɛɛ ɓɔ̀ wò gbòà fiò. Ɓɔ̀ wò tuù fiò.

Jìiiŋ 1:2

Nyɛ̀iŋ nààŋ wùìyaim nyàŋ gèeìŋ e zɔlɔ̀ gbee sèè e wàà maŋ keì nyìnga kà tinàŋ gbiŋ fòlòìŋ feìŋ,

Jìiiŋ 2:1

Nyɛ̀iŋ nààŋ wùìyaim nyàŋ, nìŋ kuwa e hààweɛ̀ wo Kànà ɓɛ̀ɛ̀jàa wiɔ̀ Jisɛ̀ Kulaì sùà, ɓɔ̀ nìŋ kùwà ànyùùŋ nyaŋ bà nyiŋ tɛ̀ɛ̀ naŋ nyìnìàŋ àŋ bà nyiŋ fɛɛ̀ nìngè wèè è nɔ̀ŋ kii nyiŋ nɛ̀.

Jìiiŋ 2:14

Nyɛ̀iŋ nààŋ wùìyaim nyàŋ, kiìŋ nàŋ yaà e jìwààjɛ̀wɛ̀ siaàŋ wèè wo nyùùŋ woò kɛ̀ wò kuwa e hààwe kɛɛ maŋ nyɛ̀nɛuŋ màŋ fè niŋ tɔɔ̀? Sèè wo nyùùŋ kùwìè e hààwe mààŋ tii èuŋ ɓɛ̀nɛ̀ŋ joeyè?

Jìiiŋ 2:5

Nyɛ̀iŋ nààŋ wùìyaim nyàŋ, jàaìŋ maŋ nùŋ dìì! Anyuùŋ pɔ̀ɔ nyàŋ e ɗuunyaŋ lɛɛ̀ nyiŋ wo Dayà naŋ tàeɗùù wèè aŋ nɔ̀ŋ aŋ nyuùŋ bàne nyàŋ e hààweɛ̀ sùà. Yèè àŋ do nàŋ kɛ̀ɛ̀nɛ̀ŋ e kànà Dayàa e yèɛ wò naŋ wa ɓèmè ɗààhiì wèè wo fè aŋ nyùùŋ nyaŋ mànaùŋ nyaŋ.

Jìiiŋ 3:1

Nyɛ̀iŋ nààŋ wùìyaim nyàŋ, nyɛ̀iŋ nààŋ zimgbeiŋ ɓɔ̀ nìŋ fɛ̀ɛ̀ wèè naŋ nɔ̀ŋ àŋ kààmɔɔŋ. Jàaìŋ jii kɛ̀ wo Dayà do wa nàwèè nàŋ gbàì yàwi nààŋ kààmɔ̀ɔ̀ŋ maŋ Sàwà Dayà nyaŋ e tɔ̀ɔ̀nyaàŋ nyìnga sùà e nìàŋ anyuùŋ gbànaŋ nyàŋ.

Jìiiŋ 3:10

E yìwìà e mìlè guùŋ bi diɛŋ ko nyaàŋ wiì è tɛnɛ̀ìŋ e kìlà eiŋ gboonò. Nyɛ̀iŋ nààŋ wùìyaim nyàŋ, tɛɛ̀ ɓɔ̀ è nɔ̀ŋ yɛi!

Jìiiŋ 4:11

Ɓɔ̀ nìŋ woò màŋ keì naanààŋ àŋ dàwiiŋ nyàŋ dèè, nyɛ̀iŋ nààŋ wùìyaim nyàŋ. Wo nyùnɔ̀ɔŋ gbiŋ naŋ wòò e keì naanààŋ wo wùìyauŋ nɔɔ̀ŋ dèè ɔ̀ɔ̀ wouŋ gbààì e keì wɔ, wò nììngè ke sàwàa fɛ̀ɛ̀, e kìlà wò gbààè ke sàwàa e keì. Kɛɛ sèè mùŋ gbaaì ke sàwàa e keì, kɛ̀ muŋ fè ɓɛìŋ wò nyuùŋ jɔ̀ɔ̀lɔ̀ kè sàwàa dìì, mùŋ yaà naàŋ wo nyuùŋ gbààì ke sàwàa e keì.

Jìiiŋ 5:12

Tii gbiŋ sùà, nyɛ̀iŋ nààŋ wùìyaim nyàŋ, sèè nìŋ ɓemàŋ e ɗààhiì wèè naŋ nyɛ̀nɛ̀ŋ e nɛ̀ŋ bà wèè nyùùŋ. Ɓɔ̀ nìŋ gboonò è dèè àìjɛnɛ̀ɛŋ diɛŋ ɔ̀ɔ̀ è dèè ɗuunyaàŋ diɛŋ ɔ̀ɔ̀ è dèè nɛ̀ŋ bà gbiŋ diɛŋ. Sèè nìŋ, nyimààŋ nààŋ “èèè” e nɔ̀ŋ èèè, sèè nìŋ woà nààŋ “Kpele” e nɔ̀ŋ kpele, kɛ̀ wo Dayà naìŋ gbààè è keì.

Jìiiŋ 5:19

Nyɛ̀iŋ nààŋ wùìyaim nyàŋ, sèè wo nyùùŋ gbiŋ naiŋ nɔ̀ŋ e tɛɛ wò naŋ kɛ̀ɛ̀ e tɔ̀ɔ̀nyaàaŋ maŋjɛ̀wɛ yèè wo nyùùŋ bà wouŋ niŋ ɓɛìŋ kɛ̀lɛ̀ɛ̀ sùà,