Jìiiŋ 1:1 - WƆŊ FƐ̀Ì EBÒ SÌÀŊ DAYÀA

¹ E yìwìà miàŋ Jìiiŋ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔ̀ìjɔ̀à Dayàa yèè wo ɓɔ̀ìjɔ̀à Kanaà Jisɛ̀ Kulaìɔ. Mìŋ yaà sìngìè wɔŋ fɛi wɛɛ̀ŋ koɓɛ̀ anyùùŋ Dayà nyaŋ gbiŋ naŋ ɓààyè e ɗuunyaŋ lɛɛ̀ sùà nyaŋ. Mìŋ zuumàŋ nyɛ̀iŋ nààŋ gbiŋ.

Jìiiŋ 1:1 Iomraidhean Croise

Maafiù 10:3

Wo Felè, wo Bàtolomiò, wo Tàmaŋ, wo Maafiù, wo nyuùŋ kùwà nɛ̀ɛ̀nɛ̀ŋ fuɔɔ̀ŋ, wo Jìiiŋ wo jɔ̀àfèlàà Afiɔ̀ɔ, wo Taaɗìɔ̀,

Maafiù 13:55

Wuŋ nàŋ fè wò jɔ̀àfèlàà kapinàa? Wo Mèèle nààŋ fè wò yèyeuŋ nɔɔ̀ŋ, yèè aŋ wùìyauŋ nyàŋ nààŋ fè wò Jìiiŋ, wò Jòòsɛ, wò Saimɔ̀ŋ yèè wò Juɗà?

Maafiù 19:28

Wo Jisɛ̀ naŋ nyiŋ fasàì wààŋ, “Tɔ̀ miŋ woòiŋ e tɔɔɓaaà kɛ̀, nìŋ yaà anyùùŋ màŋjɛ̀wɛ̀im. Yèè e ɗuunyaŋ jɛiɛ̀ do nàŋ hnè lɛ, sèè miàim wo Jɔ̀àfèlàà Nyuùŋ Kpùnɔɔ̀ŋ mìŋ jaà wa nàwèè ke kpùà e jòòwo gbee miɛ̀ŋ diɛŋ wèè ka kɛ̀ɛ̀ kana, nìŋ do nàŋ jɛ̀ì maŋ kpùà kana diɛŋ, màŋ zììyà jɛ̀wɛ̀ tìyèe wèè naŋ gbàì maŋ zìì ɗì zììyà jɛ̀wɛ̀ tìyèe màŋ ko Ezɔ̀ɛ̀.

Luù 22:30

Nìŋ do nàŋ jènɛ̀ŋ yèè naŋ tìà wɔŋ gbɛ̀gbɛ̀ miɔ̀ŋ diɛŋ e Kana mɛ̀ sùà. Yèè nìŋ do nàŋ jɛ̀ì maŋ kpùà kana diɛŋ wèè naŋ nɔ̀ŋ aŋ sìèfeìŋ maŋ zìì ɗì zììyà jɛ̀wɛ̀ tìyèe màŋ diɛŋ ko Ezɔ̀ɛ̀.”

Luù 6:15

wo Maafiù, wo yèɔ àŋ nyaaŋ wa ɓɛìŋ wo Liivaà wɔ, wo Tàmaŋ, wo Jìiiŋ joo bà, wo jɔ̀àfèlàà Afiɔ̀ɔ, wo Saimɔ̀ŋ wo yèɔ yaà wa wo bàuŋbà wèè ke gbòò woyaà, ke yèɛ hewa nyììnè anyùùŋ jii wèè aŋ giiyà e kànà anyùùŋ ko Luùm nyaŋ maŋhɛɛ,

Jɔ̀ɔŋ 12:26

Sèè nyɛ̀iŋ nààŋ bà gbiŋ nìŋ mɔnɔŋ wèè naŋ tomo weèim, kɛ̀ sɔɔ̀ naŋ dè ke kpèè siaŋ miɛ̀ŋ maŋjɛ̀wɛ. Kpeiŋ sèè mìŋ fà, koɓɛ̀i mìŋ do nàŋ nɔ̀ŋ lɛ, kuuŋ nɔŋ wo ɓɔìjɔ̀à miɔ̀ŋ wò do nàŋ nɔ̀ŋ. Wo Dèda miɔ̀ŋ do nàŋ dɛ̀ɛ̀kɛ̀ wo nyùnɔ̀ɔŋ gbiŋ tomàŋ weèim wɔ̀.”

Jɔ̀ɔŋ 7:35

Anyùùŋ gbèègbèè aŋ Juùù nyaŋ bà nyiŋ naŋ dàwè nyiŋ bi fèemàŋ nyààŋ, “Kòò wò do nàŋ kɔ̀ e yèɛ sèè è kamàuŋ e naàuŋ yɛmɛ̀? Ɓàà wò do nàŋ kɔ̀ wɔŋ fuɔŋ joo bà sùà ko yèi anyuùŋ wi nyàŋ bà joà lɛ anyuùŋ gbòà Guliì mie nyàŋ tɛɛ wèè wo nyiŋ kàà e ɗèwè e Guliì mieɛ̀ gbòa?

Nyɛ̀nɛ̀ŋ 1:13

Nààŋ àŋ naŋ hàì ko jawa gbeeì, àŋ naŋ jòwò ko sààŋ fùùiŋ ko yèi àŋ hewa joo lɛ̀. Aŋ yè nyaŋ yao wa ko fɛɛ̀feìŋ nyaŋ nàŋ yaà, wo Pììlɛ, wo Jɔ̀ɔŋ, wo Jìiiŋ yèè wo Anɗù, wo Felè yèè wo Tàmaŋ, wo Bàtolomiò yèè wo Maafiù, wo Jìiiŋ wo jɔ̀àfèlàà Afiɔ̀ɔ yèè wo Saimɔ̀ŋ wo yèɔ manaŋ e kìlà wò toomàŋ e tɔ̀ɔ̀nyaàŋ sùà wèè wɔŋ fuɔuŋ nɔɔ̀ŋ, yaà wo Juɗà wo jɔ̀àfèlàà Jìiɔ̀ŋ.

Nyɛ̀nɛ̀ŋ 12:17

Kɛɛ wo Pììlɛ naŋ nyiŋ gbùùyè maŋ kùàŋ wèè aŋ nɔ̀ŋ gìli. Kpeiŋ wò naŋ nyiŋ wòò e ɗewe kiiɛ̀ wo màìkà Kanaà nauŋ fulìè lɛ e yìwìà ko sààŋ nyìwìi. Yèè wò naŋ nyiŋ ɓɛìŋ woò wààŋ, “Wòoiŋ tɛɛ̀ koɓɛ̀ Jìiìŋ yèè anyuùŋ hààwe gbànaŋ nyàŋ wèè e yèɛ naŋ kaaìŋ lɛ.” Eɓìèmàŋjɛ̀wɛ̀ tii, wò naŋ nyiŋ jòò yèè wò naŋ kɔ̀ koɓɛ̀ joo bà.

Nyɛ̀nɛ̀ŋ 15:13

Nààŋ àŋ naŋ kpɛ̀ɛ̀yɛ̀ gbòa, wo Jìiiŋ naŋ nyiŋ woò wààŋ, “Wùìyaim nyàŋ, kùmiaŋ nìim!

Nyɛ̀nɛ̀ŋ 15:21

Jàà wiìŋ jii kɛ̀ maŋ Sàwà mɛɛ̀ŋ wo Dayà naŋ wa fè wo Mòòze, yèè màŋ nɔ̀ŋ kàa miŋ maŋ jawa gbeegbèè maŋ gbiŋ sùà wèè maŋ doa jika, yèè ke Ɗɔ̀ɔ̀ Zòòlò aŋ Juùù nyaŋ diɛŋ àŋ kpɛ̀nɛ̀ŋ miìŋ maŋ sààŋ zòòlò aŋ Juùù nyaŋ dìì.”

Nyɛ̀nɛ̀ŋ 15:23

E mìè nyààŋ wɔŋ fɛiɔ̀ àŋ naŋ wa sìngè wɔŋ naŋ woò wààŋ, “Yàwi, aŋ wùìya nyàŋ, aŋ keela tàeɗùù nyaŋ yaà aŋ màmànkùmɛ̀ŋ anyuùŋ hààwe nyàŋ, naŋ tùɔ̀ŋ e zùùmò e mɔ̀ɔ̀nɔŋ koɓɛ̀ nyɛ̀iŋ nyàŋ kinɛiŋ naŋ kìlè koɓɛ̀ wo Kanaà Dayà nyaŋ, kɛɛ niŋ fè àŋ Juùù nyuuŋ nyàŋ ko Aŋtiɔ̀, ko Siilià, yèè ko Sèlesìà.

Nyɛ̀nɛ̀ŋ 2:5

Aŋ Juùù zòòlò Dayà nyaŋ bà nyiŋ hewa jòò ko Jùlusɛ̀làm nyaŋ e yìwìà maŋ fuɔŋ màŋ gbiŋ sùà e ɗuunyaàŋ ko àìjɛnɛ̀ŋ dìì yaào wa.

Nyɛ̀nɛ̀ŋ 21:18

Wɔŋ niìsìaà bàa, è naiŋ dè wo Pɔɔ̀ maŋjɛ̀wɛ eiŋ kà koɓɛ̀ Jìiìŋ, aŋ màmànkùmɛ̀ŋ anyuùŋ hààwe nyàŋ gbiŋ yao wa ko fɛɛ̀feìŋ.

Nyɛ̀nɛ̀ŋ 23:26

E mìè sùà fɛiɔ̀ naŋ woò wàà, “E zùùmo yaà ko nɛ̀ɛ̀ŋ muìŋ, Kanaà Filɛ̀. Wɔŋ fɛi wɛɛ̀ŋ yewe wo Kulɔdiɔ̀ Lasià sìwè yèè wɔ̀ŋ yaà hìnìè ko nɛ̀ɛ̀ŋ muìŋ.

Nyɛ̀nɛ̀ŋ 26:7

Maŋ zìì ɗì zììyà jɛ̀wɛ̀ tìyèe wi màŋ zoolà maŋ e dùùm yèè maŋ gɔɛɛ ke jii tùlia sùà wèè aŋ yɛmɛ̀ kɛ̀ e ɗààhiìɛ wo Dayà naŋ wa jɔ̀ɔ̀ lɛ e hɛɛnɛ̀ŋ, e kìlà wèè ke jìì tùlìà guùŋ yɛɛ̀, Kanaà Àgulepɔ̀, aŋ Juùù nyaŋ naim gbùwò maŋ keì ɗì.

Nyɛ̀nɛ̀ŋ 8:1

Wo Sɔɔ̀ naŋ wa nyimèè wèè aŋ jìwà wo Siiwììŋ. Ke ɗɔ̀ɔ̀ guùŋ bi diɛŋ ke gbòò anyuùŋ hààwe nyàŋ naŋ wa tɔ̀ɔ̀tù e nimilà kùwa ko Jùlusɛ̀làm. Anyuùŋ hààwe nyàŋ gbiŋ, eɓìèmaŋjɛ̀wɛ̀ aŋ keela tàeɗùù nyaŋ, naŋ wa dùɔ̀ŋ aŋ ɓààyè maŋ tàta màŋ sùà wɔŋ fùɔ̀ŋ Jùdiàa sùà yèè ko Sàmilià.

Luùm 1:1

E yìwìà miàim Pɔɔ̀ sìwè, wo ɓɔìjɔ̀à wèè wo Jisɛ̀ Kulaì, nàŋ yaà sìngìè wɔŋ fɛi wɛɛ̀ŋ. Wo Dayà naim wa tàeɗùù wèè ka nɔ̀ŋ wo keela, e kìlà wò naim nyààŋ wèè ka wòò Ebò Siaàŋ.

Gàla 1:19

Wo keela tàeɗùùɔ nɔŋ mìŋ naŋ wa yɛmɛ̀ wɔ nàŋ yaà wo Jìiiŋ, wo wùìya Kanaà Jisɛ̀ɔ.

Gàla 2:12

Wo Pììlɛ, yaà anyuùŋ hààwè Kanaà Jisɛ̀ Kulaì nyaŋ anyùùŋ nyaŋ fè àŋ Juùù nyaŋ, jiiyà wa e nɛ̀ŋje koɓɛ̀ guùŋ, e jèèsùà wo Jìiiŋ tùàŋ aŋ Juùù hààwe nyàŋ bà. Wo Pììlɛ duɔŋ wa aŋ Juùù jàà kpùa nyàŋ, yèè yaà anyùùŋ nyaŋ fè àŋ Juùù nyaŋ naŋ hɔ̀ànè jììyà e nɛ̀ŋjè koɓɛ̀ guùŋ.

Gàla 2:9

Wo Jìiiŋ, wo Pììlɛ, yàà wo Jɔ̀ɔŋ, aŋ yè nyaŋ yaà wa mààŋ aŋ sìèfeìŋ ke gbòò anyuùŋ hààwe nyàŋ, naŋ wa nyìmè kɛ̀ wo Dayà naŋ wi kìɛ̀ŋ e dɛ̀ɛ̀kɛ titi lɛɛ̀, yèè àŋ naŋ wi hɔ̀ɔ̀ kùàŋ sìwè yàwi Bànaŋɓà, wèè e tɔɔ̀ kɛ̀ yàwi nààŋ gbiŋ è yààìŋ anyùùŋ guùŋ. Yàwi Bànaŋɓà naŋ wa nyimèè wèè e tòòmò anyùùŋ nyaŋ fè àŋ Juùù nyaŋ tɛɛ e kìlà anyuùŋ gbànaŋ nyàŋ aŋ tòòmò aŋ Juùù jàà kpùa nyaŋ tɛɛ.

Fèle 1:1

E yìwìà miàim Pɔɔ̀ yaà wo Timetè sìwè, aŋ ɓɔ̀ìjɔ̀à Jisɛ̀ Kulaì nyaŋ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ gbiŋ ko Fèlepì, aŋ yè nyaŋ yaà aŋ bà nyiŋ bà wo Jisɛ̀ Kulaì sùà nyaŋ, e kpùlìà aŋ sìèfèìŋ anyuùŋ hààwe nyàŋ yaà anyuùŋ tòmo dàwi nyiŋ nyàŋ.

2Time 4:21

Nyɛnɛ̀ŋ e tɛ̀ɛ̀tɛ̀ɛ̀ɛ gbiŋ mùŋ naŋ ɓɛ̀nɛ̀ŋ nyɛ̀nɛŋ lɛ, wèè muŋ hnàŋ pangàà ke vuùɛ. Wo Ɛɓulù, wo Pudɛ̀ìŋ, wo Linù, yèè wo Keladià naŋ tùɔ̀ŋ maŋ zùùmo nyiŋ màŋ, e kpùlìà aŋ wùìya nyaŋ gbiŋ.

Taitɔ̀ 1:1

E yìwìà miàim Pɔɔ̀ sìwè, wo ɓɔ̀ìjɔ̀à Dayàa, yèè wo keela tàeɗùù wèè Jisɛ̀ Kulaì nàŋ yaà sìngìè wɔŋ fɛi wɛɛ̀ŋ. Wo Dayà naim tàeɗùù yèè wò naim tùɔ̀ŋ e wèè ka kpùùmàŋ e hààwè anyùùŋ Dayà nyaŋ wò naŋ tàeɗùù nyaŋ, e kìlà ka nyiŋ kɔ̀à koɓɛ̀ e gòngò tɔ̀ɔ̀nyaàaŋ e Dayà hùmaŋ kii wilɛ̀ sùà,

1Pììlɛ 1:1

E yìwìà miàim Pììlɛ sìwè, wo yèɔ yaà wo keela tàeɗùù wèè Jisɛ̀ Kulaì wɔ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nyaŋ wo Dayà naŋ tàeɗùù wèè aŋ nɔ̀ŋ anyunùuŋ nyàŋ, yèè àŋ naŋ nɔ̀ŋ aŋ nyùnèènyɛiŋ àŋ naŋ ɓààyè maŋ kpàlàùŋ kpàlàùŋ maŋ gbiŋ sùà nyaŋ e yìwìà ko Pɔuŋtɔ̀, Gàlatìà, Kàpàdosìà, Eesìà, yèè ko Bɛ̀tenìà.

2Pììlɛ 1:1

E yìwìà miàim Saamɔ̀ŋ Pììlɛ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔìjɔ̀à yèè wo yèɔ yaà keela tàeɗùù wèè Jisɛ̀ Kulaì. Mìŋ yaà sìngìè koɓɛ̀ anyùùŋ nyaŋ aŋ yè nyaŋ esàɓù e tɔ̀ɔ̀nyààŋ Dayàa sùà yaà wo Nyuùŋ Jòèyeɔ̀ Jisɛ̀ Kulaì, àŋ naŋ nyiŋ fè e hààwè jii nyiŋ nɛ̀ mààŋ e je wilɛ̀ nyaŋ.

Juù 1:1

E yìwìà miàim Juù sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɗo wèè Jisɛ̀ Kulaì, yèè yàwi Jìiiŋ è yaà aŋ wùìya Jisɛ̀ Kulaì sùà. Mìŋ yaà sìngìè koɓɛ̀ anyùùŋ nyaŋ gbiŋ wo Dayà, wo Dèdaà naŋ tàeɗùù yèè wò manaŋ nyàŋ, yèè àŋ yaà e gààŋ Jisɛ̀ Kulaìɛ dìì nyaŋ.

Maŋ kèì nyɛɛnɛŋ 7:4

Eɓìèmàŋjɛ̀wɛ̀ tɛɛ̀, mìŋ naŋ wa kòmò kɛ̀ anyùùŋ nyaŋ àŋ naŋ hèè e fèè Dayàa maŋ ɗìfeìŋ nyaŋ, àŋ yaà wa anyuùŋ taasùùŋ hɔ̀nɔ̀ɔ̀ guùŋ, kpɛ̀ùŋ tìyèe jɛ̀wɛ̀ tiinàŋ (144,000). Anyùùŋ nyɛɛ̀ŋ yewe wa maŋ zìì ɗì zììyà jɛ̀wɛ̀ tìyèe màŋ sùà ko Ezɔ̀ɛ̀.