Felemɔ̀ŋ - PHM 1:6 - WƆŊ FƐ̀Ì EBÒ SÌÀŊ DAYÀA

⁶ Nààŋ nyɛ̀iŋ nààŋ anyuùŋ joo nìŋ zoolà koɓɛ̀ guùŋ ke gbòò anyuùŋ hààwe nyàŋ sùà lɛ, mìŋ zoolà wèè aŋ hnàŋ aŋ nyìmàŋ e tɛ̀ɛ̀tɛ̀ɛ̀ɛ gbiŋ wo Jisɛ̀ Kulaì naŋ wi kiɛ̀ŋ lɛ.

Felemɔ̀ŋ - PHM 1:6 Iomraidhean Croise

Maafiù 25:16

Wo yèɔ naŋ wa yɛ̀mɛ̀ e pàtaà tààsùùŋ nɔɔnɔɛ̀ŋ wɔ, naŋ kɔ̀ yèè wò naŋ niŋ nyìnìè ebòli, yèè wò naŋ ɓɛìŋ yɛ̀mɛ̀ e tààsùùŋ nɔɔnɔŋ e nɛɛnɛuŋ nɛ̀ diɛŋ.

Maafiù 5:16

E ɗèwè guùŋ lɛɛ̀ sùà, tɔ̀ e gbolòùŋ lɛ mùŋ do nàŋ tɔɔ̀ lɛ e nɔ̀ŋ mɛ̀iŋ niŋ mààŋ e gbòlòùŋ laumpòɛ, e mɛ̀ɛ̀ŋ anyùùŋ nyaŋ fɛɛ̀feìŋ wèè kɛ̀ aŋ yɛmɛ̀ e tòmo sìàaŋ mùŋ naŋ nyɛ̀nɛ̀ŋ lɛ, wèè kɛ̀ aŋ kìɛ̀ŋ wo Dèda mɔɔ̀ŋ e ɓɛ̀ɛ̀jàa ko àìjɛnɛ̀ŋ.

1 Kɔliìŋ 14:25

maŋ gòngò gbùnu nyiŋ màŋ jii nyiŋ màŋ sùà do nàŋ fòlò ko ɓài, e kìlà aŋ gbuwo aŋ zoolò kɛ̀, “Tɔɔɓaa wo Dayà kòò wò yaà nyiìŋ e tɛɛ.”

1 Kɔliìŋ 16:9

Wɔŋ gbèmgbèè e tòmo gbee kià yilè, e yèɛ yaà tɛ̀ɛ̀ wèè ka nyɛ̀nɛ̀ŋ lɛ, jòòpɛɛ aŋ jooim nyàŋ naŋ gàŋ.

Fèle 4:8

Ko diemeì wèè e yèɛ mìŋ yaà hinie ka woò lɛ, nyɛ̀iŋ nààŋ wùìyaim nyàŋ, jàaìŋ maŋ jiiiŋ màŋ maŋ keì mɛɛ̀ŋ maŋjɛ̀wɛ, e nɛ̀ɛŋ yaà e tɔ̀ɔ̀nyaàŋ lɛ, e yèɛ yaà e nɛ̀ŋ tɛ̀nɛŋ lɛ̀, e yèɛ yaà sengei lɛ̀, e yèɛ yaà nɛɛmaŋ lɛ̀, e yèɛ yaà e nɛ̀ŋ siaŋ lɛ̀, e yèɛ yaà e ɓɛ̀ɛ̀jàa lɛ̀, yèè e nɛ̀ɛŋ gbiŋ siaŋ tɛ̀nɛŋ lɛ̀.

Kòlo 1:9

E wèè esaɓù lɛɛ̀, è zoolà e weèiŋ e teenga gbiŋ e yìwìà ke ɗɔɔ jiɛ̀jiɛ̀ɛ è naiŋ wa kòmò e kèè hààweiŋ nɛ̀ lɛ. È zoolàìŋ wèè wo Dayà woiŋ tɔ̀ɔ̀ e nɛ̀ɛŋ gbiŋ wò manaŋ naŋ nyɛ̀nɛ̀ŋ lɛ, yèè woiŋ kìɛ̀ŋ e jiikɛ̀ɛ e kìlà woiŋ nyɛ̀nɛ̀ŋ naŋ nyìmàŋ e yèɛ wo Jinàuŋ nɔɔ̀ŋ kiɛ̀ŋ lɛ,

Kòlo 3:10

Nyɛ̀iŋ nààŋ bà guùŋ gbiŋ mùŋ yaà naàŋ wo nyuùŋ jɛ̀ì. Yèè wo Dayà, wo nyùnɔ̀ɔŋ naum bànè wɔ, kòò wò yààùm naàŋ nyinie wèè maŋ kɛ̀ɛ̀nɛ̀ŋ ke kpèè siaŋ mààŋ ke yèɛ nauŋ teenè yɛ, yèè mùŋ douŋ nàŋ nyìmè tɛ̀ɛ̀.

Taitɔ̀ 3:14

Anyuùŋ wi nyàŋ kuwa wèè aŋ gbèè e ɗèwè e teenga nyiŋ nɛ̀ gbìàŋ maŋ tòmo kɛnɛ sùà. E wèè maŋ nyiiŋ nyiŋ màŋ nɔ̀ŋ e kpùùmaŋ koɓɛ̀ aŋ nyuùŋ joo bà kɛ̀ àŋ tòòmò maŋ nyiiŋ nyiŋ màŋ tɛ̀ɛ̀.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.

Jìiiŋ 2:14

Nyɛ̀iŋ nààŋ wùìyaim nyàŋ, kiìŋ nàŋ yaà e jìwààjɛ̀wɛ̀ siaàŋ wèè wo nyùùŋ woò kɛ̀ wò kuwa e hààwe kɛɛ maŋ nyɛ̀nɛuŋ màŋ fè niŋ tɔɔ̀? Sèè wo nyùùŋ kùwìè e hààwe mààŋ tii èuŋ ɓɛ̀nɛ̀ŋ joeyè?

Jìiiŋ 2:17

Yɛi e hààweɛ̀ yaà, sèè e hààweɛ̀ e nɔ̀ŋ tiŋ guùŋ ke kpèè siaŋ bà gbiŋ gò niŋ nɔ̀ŋ màŋjɛ̀wɛ è yaà e hààwe fàa.

1Pììlɛ 2:12

Maŋ keì kààŋ kiiŋ màŋ anyuùŋ gò hààwè Dayà nyaŋ e fèemàŋ, maŋ nɔ̀ŋ tɛ̀ɛ̀ kaiŋ. Wèè sèè pɛɛ aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, aŋ yɛmɛ̀ maŋ kpèè siaŋ sìàiŋ màŋ aŋ tɛnɛ̀ŋ Dayà ke ɗɔɔɛ̀ wò hiàŋ e jààme ko nɛ̀ɛ̀ŋ wiì lɛ̀.

1Pììlɛ 3:1

Sèè mùŋ nɔ̀ŋ wo jɔùŋ kùwìè felaa, jɔ̀ɔ̀lɔɔ̀ wo faniŋ mɔɔ̀ŋ dìì. Sèè pɛɛ wo gò jɔ̀ɔ̀lɔ̀ kè mìè Dayàa dìì, e jɔ̀ɔ̀lɔ mɔ̀ɛ̀ ko nɛ̀ɛ̀uŋ niìŋ douŋ nàŋ nyɛ̀nɛ̀ŋ wo jɔɔlɔ̀, wo nyùùŋ gbiŋ naùŋ ɓɛìŋ gbòò kɔɔ wèètii.

1Pììlɛ 3:16

Nyɛ̀nɛìŋ tɛɛ̀ e tùwo siaŋ diɛŋ, yèè e ɓɛ̀ɛ̀jàa sùà. Yèè maŋ jiiŋ màŋ nɔ̀ŋ sengei wèè kɛ̀ sèè àŋ pɔɔ̀ìŋ ɓɛ̀ɛ, anyùùŋ nyaŋ gboo naanààŋ wèè maŋ tùwo siaŋ sìàiŋ màŋ wo Jisɛ̀ Kulaì sùà nyaŋ e sàngè do nyiŋ nàŋ nyɛ̀nɛ̀ŋ wèè e nɛ̀ɛŋ àŋ woà lɛ.

2Pììlɛ 1:8

Maŋ keì mààŋ mɛɛ̀ŋ nìŋ kuwa naŋ nyɛ̀nɛ̀ŋ, sèè nìŋ nyɛ̀nɛ̀ŋ miìŋ yèè nìŋ nyɛ̀nɛ̀ŋ miìŋ zimgbe zimgbe, è do nàŋ nyɛ̀nɛ̀ŋ naŋ nɔ̀ŋ kpala kpala, niŋ naàŋ nɔ̀ŋ ànyuùŋ jɛ̀kɛ e nyaàiŋ dè e jiikɛ̀ɛɛ̀ nìŋ kuwa wèè wo Kana wiɔ̀ Jisɛ̀ Kulaì lɛ.