Felemɔ̀ŋ - PHM 1:1 - WƆŊ FƐ̀Ì EBÒ SÌÀŊ DAYÀA

¹ E yìwìà miàim Pɔɔ̀ sìwè, wo yèɔ yaà wa ko sààŋ nyìwì esàɓù e hààwe mɛ̀ wo Jisɛ̀ Kulaì sùà wɔ, yàwi Timetè wo nyuùŋ tòmo dàwi miɔ̀ŋ e hààweɛ̀ sùà nàŋ yaà sìngìè wɔŋ fɛi wɛɛ̀ŋ. Felemɔ̀ŋ, wùìya wiɔ̀ yèè wo nyuùŋ tòmo dàwi wiɔ̀, e yaà sìngìè wɔŋ fɛi wɛɛ̀ŋ ko nɛ̀ɛ̀ŋ muìŋ,

Felemɔ̀ŋ - PHM 1:1 Iomraidhean Croise

Nyɛ̀nɛ̀ŋ 16:1

Wo Pɔɔ̀ yèè wo Silà naŋ kɛ̀ɛ̀ maŋjɛ̀wɛ ko Dɛɓì yèè ko Lesità. Kuŋ àŋ naŋ wa mɛ̀ɛ̀ŋ wo nyùùŋ màŋjɛ̀wɛ̀ɔ bà guùŋ àŋ nyaaŋ wo Timetè. Wo yèyeuŋ nɔɔ̀ŋ wuŋ pɛɛ yaà wa wo nyuùŋ hààwe, kɛɛ wò yaà wa wo Juùù nyuuŋ, yèè wo dèdauŋ nɔɔ̀ŋ yaà wa wo Guliì nyuuŋ.

1 Kɔliìŋ 3:9

Yàwi Àpolò è yaà anyuùŋ tòmo dàwi, yèè è yaà tòòmò koɓɛ̀ guùŋ wèè Dayà, yèè nìŋ yaà mààŋ wɔŋ ɓù wèè Dayàa. E kìlà nìŋ yaà mààŋ maŋ saaŋ wèè Dayà.

2 Kɔliìŋ 1:1

E yìwìà miàim Pɔɔ̀ sìwè, wo yèɔ yaà wo keela tàeɗùù wèè Kulaì Jisɛ̀ esàɓù e kèè jìì Dayàa sùà wɔ, yèè e yìwìà wo wùìya wiɔ̀ Timetè sìwè, nàŋ yaà sìngìè koɓɛ̀ ke gbòò anyuùŋ hààwe nyàŋ kè yaà ko Kɔliìŋ yɛ, yèè koɓɛ̀ anyùùŋ nɛɛmaŋ nyàŋ gbiŋ ko Àkaayà.

Gàla 3:26

Nyɛiŋ nààŋ gbiŋ nìŋ yaà aŋ jɔ̀à Dayà, esàɓù e hààweɛ̀ niŋ kuwa wo Jisɛ̀ Kulaì sùà lɛ.

Ɛfesɔ̀ 3:1

Wèè esaɓù lɛɛ̀ miàim Pɔɔ̀, wo Jisɛ̀ Kulaì naim nyɛ̀nɛŋ wèè ka nɔ̀ŋ wo nyùùŋ màŋ keì wèè nyɛ̀iŋ nààŋ nyùùŋ nyaŋ fè àŋ Juùù nyaŋ.

Ɛfesɔ̀ 4:1

Nààŋ miàim Pɔɔ̀, mìŋ yaà wo nyùùŋ màŋ keì wèè Kanaà lɛ, mìŋ yààìŋ pɔ̀wɔ sùà, nààŋ wo Dayà naiŋ nyààŋ wèè nauŋ haawè maŋ nyiiŋ gèeiŋ màŋ sùà lɛ.

Ɛfesɔ̀ 6:20

Wo Dayà naim tùɔ̀ŋ wèè ka nyɛ̀nɛ̀ŋ e tòmo lɛɛ̀, yèè e wèè esaɓù lɛɛ̀, àŋ naim sìè maŋ jɔ̀ɔ̀ɔ ko sààŋ nyìwìi. E wèètii zòòloìŋ wèè miŋ kuwìè ke jii miŋ gbòà màànààŋ è kanaŋ lɛ̀.

Fèle 1:1

E yìwìà miàim Pɔɔ̀ yaà wo Timetè sìwè, aŋ ɓɔ̀ìjɔ̀à Jisɛ̀ Kulaì nyaŋ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ gbiŋ ko Fèlepì, aŋ yè nyaŋ yaà aŋ bà nyiŋ bà wo Jisɛ̀ Kulaì sùà nyaŋ, e kpùlìà aŋ sìèfèìŋ anyuùŋ hààwe nyàŋ yaà anyuùŋ tòmo dàwi nyiŋ nyàŋ.

Fèle 2:25

Mìŋ naŋ gongò kɛ̀ è yaà tɛ̀ɛ̀, wèè ka ɓɛìŋ tùàŋ wo wùìya wiɔ̀ yèè wo nyuùŋ tòmo dàwi miɔ̀ŋ Ɛ̀pàfoditɔ̀ ko nɛ̀ɛ̀iŋ niìŋ. Wò yaà wo ɓɔìjɔ̀à yèè wo nyùùŋ màŋjɛ̀wɛ̀ wèè wo Kanaà, wo yèɔ nìŋ naŋ tùɔ̀ŋ wèè woim wa kpuumàŋ wɔ.

Fèle 4:3

Muàŋ pɛɛ nyuùŋ hààwe dàwi tùlìà jii miɔ̀ŋ, mìŋ dawàùm wèè maŋ kpùùmàŋ aŋ jɔùŋ nyɛɛ̀ŋ. Aŋ jɔùŋ nyɛɛ̀ŋ, naŋ tòòmò yàwi wo Kilɛmɛ̀ŋ kùàŋ sùà, e kpùlìà anyuùŋ tòmo dàwi gbànaŋ wi nyàŋ wèè eiŋ ɓààyè Ebò Siaàŋ. Maŋ deè nyiŋ màŋ yaà naàŋ sìnga miŋ wɔŋ fɛ̀ì Dayàa sùà, wɔŋ yèɔ wo Dayà naŋ sìngè maŋ dèè anyùùŋ nyaŋ do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ nyàŋ.

Kòlo 1:1

E yìwìà miàim Pɔɔ̀ sìwè, wo yèɔ wo Dayà naŋ nyààŋ wèè ka nɔ̀ŋ wo keela tàeɗùù wèè wo Jisɛ̀ Kulaì wɔ, e kìlà e yìwìà wo wùìya wiɔ̀ Timetè sìwè,

Kòlo 4:11

Wo Jàasùà, wo yèɔ àŋ nyaaŋ wo Jɔtù wɔ, naiŋ tùɔ̀ŋ e zùùmo wuŋ pɛɛ. Aŋ fèlàà taai nyɛɛ̀ŋ, nàŋ yaà aŋ Juùù nyuuŋ kɛ̀ɛ̀nɛ̀ŋ hààwe nyàŋ nɔŋ è naiŋ tòòmò koɓɛ̀ guùŋ wèè e Kànà Dayàa, e kìlà àŋ naim kìɛ̀ŋ e kpùùmaŋ gbee.

1Tɛsè 3:2

yèè è naiŋ tùɔ̀ŋ wo Timetè wùìya wiɔ̀, è yààìŋ tòòmò koɓɛ̀ guùŋ wèè Dayà, nààŋ è woàìŋ Ebò Siaàŋ nyaàiŋ dè wo Jisɛ̀ Kulaì lɛ. È nauŋ tùɔ̀ŋ nɛ̀ɛ̀iŋ niìŋ wèè woiŋ nyììnè maŋ jii, yèè wo kpùùmàŋ e hààweiŋ nɛ̀,

2Tɛsè 1:1

E yìwìà miàim Pɔɔ̀ sìwè, wo Sailɔ̀ yaà wo Timetè nàŋ yaà sìngìè wɔŋ fɛi wɛɛ̀ŋ koɓɛ̀ ke gbòò anyùùŋ hààwe nyàŋ yaà sààŋ Dayài ko Tɛsèlonikà, aŋ yè nyaŋ wo Dayà wo Dèdaà wiɔ̀ yèè wo Kanaà Jisɛ̀ Kulaì kanaŋ nyàŋ.

2Time 1:8

Ɓɔ̀ mùŋ nyɛ̀nɛ̀ŋ è sàngè, wèè maŋ gbòà kè mìè seì è nyaàiŋ dè wo Kana wiɔ̀ Jisɛ̀ Kulaì. E kìlà ɓɔ̀ mùŋ nyiniàm è sàngè, esaɓù kɛ̀ mìŋ yaà wo nyùùŋ màŋ keì esàɓù Jisɛ̀ Kulaìɛ sùà. Kɛɛ, ɓèmè e jeum keì nyìngàà wèè Ebò Siaàŋ, màànààŋ wo Dayà naum kìɛ̀ŋ e gààŋ wèè maŋ niŋ nyɛ̀nɛ̀ŋ lɛ.

Felemɔ̀ŋ - PHM 1:23

Wo Ɛpafilè wuŋ pɛɛ, kòò wò yaà kià ko sààŋ nyìwì, esaɓù kɛ̀ wò yaà wo nyùùŋ maŋjɛ̀wɛ̀ Jisɛ̀ Kulaìɔ bà, e kìlà wò naiŋ tùɔ̀ŋ e zùùmo.

Felemɔ̀ŋ - PHM 1:24

Yèè anyuùŋ gbànaŋ nyɛɛ̀ŋ tèènè mààŋ wo Mài, wo Àlètakɔ̀, wo Dimà, yèè wo Luù, anyuùŋ tòmo dàwiim nyàŋ, naiŋ tùɔ̀ŋ e zùùmo nyiìŋ pɛɛ.

Felemɔ̀ŋ - PHM 1:9

Kɛɛ mìŋ yààùm dàwe sùà wèè maŋ niŋ nyɛ̀nɛ̀ŋ esàɓù e mànaŋ. Hɛ̀ɛɛ̀ŋ, jòòpɛɛ miàŋ nàŋ yaà Pɔɔ̀ wo nyuùŋ kɔ̀à ke miè gbìàaŋ e kìlà mìŋ yaà wo nyùùŋ màŋ keì wèè wo Jisɛ̀ Kulaì.