Ɛfesɔ̀ 3:3 - WƆŊ FƐ̀Ì EBÒ SÌÀŊ DAYÀA

³ Wo Dayà naim tɔ̀ɔ̀ e ɗèweuŋ nɛ̀ wèè ke gbùnuuŋ nɛɛ̀ŋ. Yèè wèè esaɓù lɛɛ̀ mìŋ naŋ sìngè tòloò wèè e nyaàiŋ dè e keì bi.

Ɛfesɔ̀ 3:3 Iomraidhean Croise

Nyɛ̀nɛ̀ŋ 22:17

Wo Pɔɔ̀ naŋ wa ɓɛìŋ woò wààŋ, “Nààŋ tɛɛ̀ naŋ mààŋ, mìŋ naŋ kɛ̀ɛ̀ ko Jùlusɛ̀làm yèè mìŋ naŋ kɔ̀ ko Saaŋ Zòòlò Dayài wèè ka zoolò. Kuŋ mìŋ naŋ gò e gɔ̀à gò e jɛ̀ì,

Nyɛ̀nɛ̀ŋ 22:21

Kɛɛ wo Kanaà naim woò wààŋ miŋ ka, yèè wò naŋ jɔ̀ɔ̀ ɗààhiì wèè woim tùàŋ maŋ fuɔŋ dii sùà koɓɛ̀ anyùùŋ nyaŋ fè àŋ Juùù nyaŋ.”

Nyɛ̀nɛ̀ŋ 23:9

Yèè maŋ mìè kpààŋ e nyaàŋ tàaŋ nyiŋ nɛ̀ naŋ dɛ̀kɛ̀ò sùà. Aŋ kààmɔ̀ɔ̀ŋ maŋ Sàwà Mòòze nyàŋ bà nyiŋ yaà wa aŋ Fɛlosiì. Ko diemeì, aŋ Fɛlosiì nyaŋ naŋ tuù yèè àŋ naŋ woò nyààŋ, “E gòiŋ yɛ̀mɛ̀ è keì naanààaŋ wò felaa wɛɛ̀ naŋ nyɛ̀nɛ̀ŋ lɛ. È wɛ̀i ɓɛ̀nɛ̀ŋ nɔ̀ɔŋ kɛ̀ wo jinàŋ ɔ̀ɔ̀ wo màikà naŋ gbòò ko nɛ̀ɛ̀uŋ niìŋ.”

Luùm 11:25

Wùìyaim nyàŋ, miŋ manàŋ wèè nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, naŋ ɓèmè nyɛ̀iŋ bi gbee. Weètii mìŋ doiŋ nàŋ kpìnìè ke gbùnuɛ̀, wèè e nɛ̀ɛŋ naŋ kààìŋ koɓɛ̀ anyùùŋ Ezɔ̀ɛ̀ nyaŋ lɛ̀. Aŋ bà nyiŋ naŋ wa nyìngè ɗì yèè àŋ naŋ gè maŋhɛɛ wèè aŋ kɛɛnɛ̀ŋ hààwe, e ɗì nyinge nyiŋ bi naàŋ yɛi jeè, kɛɛ yɛi àŋ do nàŋ jeè, e jèèsùà ke gbòò anyùùŋ nyaŋ fè àŋ Juùù nyaŋ, ke yèɛ wo Dayà tàeɗùù yɛ, ke hnàŋ ko nɛ̀ɛ̀uŋ niìŋ e Kanauŋ nɛ̀ sùà.

Luùm 16:25

Jòòwò wiìŋ e tɛ̀ɛ̀tɛ̀ɛ̀ Dayàa! Wò ɓɛ̀nɛ̀ŋ nyɛ̀nɛ̀ŋ e hààwe mɔ̀ɛ̀ e nyìngà sùà wèè julɔfɔ esàɓù Ebò Siaàŋ mìŋ naiŋ woò lɛ e nyaàiŋ dè wo Jisɛ̀ Kulaì. Tɛɛ̀ nàŋ yaà ɓɛìŋ e yèɛ ke gbùnuɛ̀ yaà wa ko nyɛɛnɛŋ maŋ doà gɔu bà sùà yɛ.

2 Kɔliìŋ 12:1

Mìŋ yaà kɛ̀ɛ sùà maŋ nyòngà jòòpɛɛ e jìwà jɛ̀wɛ̀ fè miìŋ màŋjɛ̀wɛ̀. Kɛɛ mìŋ do nàŋ wòò e kèè maŋ gɔ̀à gò e jɛ̀ì yèè maŋ bò dààne màŋ wo Kanaà naim fè maŋ.

Gàla 1:12

Wo nyuùŋkpùuŋ nààŋ goim wa wòò Ebò Siaŋ lɛɛ̀ ɔ̀ɔ̀ wo miŋ kaà. Ke mìè gbìaŋ miɛ̀ŋ naŋ wa yìwìè wo Jisɛ̀ Kulaì wuŋ bi sìwè e teengaà wò naim fòlò feìŋ nɛ.

Ɛfesɔ̀ 1:17

yèè mìŋ dawà wo Dàyà Kana wiɔ̀ Jisɛ̀ Kulaìɔ, wo Dèdà e jòòwoɔ̀, wèè woiŋ fè wo Jìnàŋ Nɛɛmaàŋ, wo yèɔ doiŋ nàŋ nyɛ̀nɛ̀ŋ naŋ kɛ̀ɛ̀jii e kìlà wo nyɛ̀nɛ̀ŋ e nɛ̀ɛŋ è naŋ tɔɔ̀ wèè naŋ nyìmàŋ Dayà lɛ.

Ɛfesɔ̀ 3:4

Sèè nìŋ do nàŋ kpɛ̀nɛ̀ŋ e nɛ̀ɛŋ mìŋ naŋ sìngè lɛ, nìŋ do kai nàŋ nyìmè e ɗeweɛ̀ mìŋ naŋ jàà e kèè ke gbùnù Jisɛ̀ Kulaìɛ jii lɛ̀.

Ɛfesɔ̀ 3:6

Ke gbùnu bi nàŋ yaà kɛ̀, esàɓù Jisɛ̀ Kulaì sùà, ke mìè gbìàŋ Ebò Siaàŋ kè nɔ̀ŋ esàɓù anyùùŋ nyaŋ fè àŋ Juùù nyaŋ àŋ nɔ̀ŋ aŋ bà nyiŋ bà koɓɛ̀ e ɗààhiìɛ wo Dayà naŋ wa ɓemè koɓɛ̀ aŋ Juùù nyaŋ lɛ̀, e kìlà wo Dayà nyɛ̀nɛ̀ŋ àŋ nɔ̀ŋ aŋ bà nyiŋ bà ke gbòò Jisɛ̀ Kulaìɛ sùà.

Ɛfesɔ̀ 3:9

yèè wèè ka nyɛ̀nɛ̀ŋ anyùùŋ nyaŋ gbiŋ nyìmàŋ e ɗeweɛ̀ ke gbùnù Dayàa kuwa ke nɔ̀ŋ tòòmo nyiŋ lɛ̀. Wo Dayà wo yèɔ naŋ bànè e nɛ̀ŋ gbiŋ wɔ̀, naŋ wa nyɛ̀ɛ̀nɛ̀ŋ ke gbùnuuŋ nɛɛ̀ŋ e teenga lii gbiŋ sùà.

Ɛfesɔ̀ 6:19

Yèè zòòloìŋ e weèim miàŋ pɛɛ, wèè Dayà kiɛ̀im ke miè gbìaŋ sèè mìŋ banaŋ bànàŋ wèè ke gbòà, e wèè ka gbùùyà ke jii nyingè, ka nyɛ̀nɛ̀ŋ aŋ nyìmàŋ ke gbùnuɛ̀ e nyaàiŋ dè ke mìè gbìàŋ ebò siaàŋ.

Kòlo 2:2

Mìŋ nyɛnɛŋ tɛɛ̀ wèè ka nyiŋ kiɛ̀ŋ ke jii nyingè e kìlà ka nyiŋ jàànè koɓɛ̀ guùŋ e mànaŋ sùà, wo Dayà do nyiŋ nàŋ kìɛ̀ŋ e kpùùmaŋ gbee wèè aŋ nyìmàŋ kɛ̀ kiìŋ e nɛ̀ŋ nyìmaŋ kɛnɛ hiàŋ. E ɗewe lɛɛ̀ sùà, àŋ do nàŋ nyìmè ke gbùnù Dayàa. Ke gbùnu bi zà nàŋ yaà wo Jisɛ̀ Kulaì wuŋ bi.

Kòlo 4:3

E tèèngà guùŋ bi, zòòloìŋ weè wi yàwi pɛɛ, kɛ̀ wo Dayà do wi nàŋ kìɛ̀ŋ e ɗeweɛ̀ wèè eiŋ wòò ke miè gbìauŋ nɛɛ̀ŋ e nyaàiŋ dè ke gbùnuɛ̀ wo Kanaà Jisɛ̀ Kulaì sùà. E wèè esàɓù tɛɛ̀ zà mìŋ yaà naàŋ ko sààŋ nyìwì.

Hiɓu 13:22

Mìŋ yààìŋ pɔɔwɔ nyɛ̀iŋ nààŋ wùìyaim nyàŋ, wèè naŋ kòmàŋ maŋ mìè gbìàŋ jii nyingè mɛɛ̀ŋ, esaɓù kɛ̀ wɔŋ fɛi sìngaim wɛɛ̀ŋ ko nɛ̀ɛ̀iŋ niìŋ, wɔŋ gò mùnlàŋ.

1Pììlɛ 5:12

Wo Sailɔ̀ naim kpuumò mìŋ naŋ sìngè wɔŋ fɛi kpuu wɛɛ̀ŋ ko nɛ̀ɛ̀ŋ niìŋ, wo yèɔ mìŋ naŋ ɓemè wèè wo nɔ̀ŋ wo wùìya hààwè tɔ̀ɔ̀nyaàŋ wɔ. Mìŋ yààìŋ sìa sùà ke di kɛ̀ tɛɛ̀ nàŋ yaà e kìɛ̀ŋ tɔ̀ɔ̀nyààŋ Dayàa nyììneìŋ sùà niŋ nɔ̀iŋ sùà.

2Pììlɛ 3:15

Ɓɔ̀ nìŋ nyɛɛnɛ̀ŋ kɛ̀ wo Kanaà yaà kùwa sùà kè jii esaɓù kɛ̀ wò manaŋ wo nyùùŋ gbiŋ yɛ̀mɛ̀ e jòèye, màànààŋ nɔŋ wo wùìya mànaŋ wiɔ̀ Pɔɔ̀ naŋ sìngè ko nɛ̀ɛ̀iŋ niìŋ, wò naŋ tòòmò e jiikɛ̀ɛɛ̀ wo Dayà nauŋ fè lɛ.