Ɛfesɔ̀ 2:3 - WƆŊ FƐ̀Ì EBÒ SÌÀŊ DAYÀA

³ Tɔɔɓaa tiŋ yàwi nààŋ gbiŋ è yaà wa màànààŋ àŋ yaà wa lɛ̀, yèè è yààìŋ wa maŋ kèì è jìì yàwi bi màŋ maŋjɛ̀wɛ, è yaà ko nyìnìè maŋ keì maŋ gbiŋ maŋ gòngo wi màŋ yaà maŋ kpùnaŋ wi màŋ manaŋ wèè eiŋ nyɛ̀nɛ̀ŋ maŋ. È naiŋ sìè Dayà e wùàŋ, yèè wò yaà weè hinie wèè wo wi ngainɓù mààŋ anyuùŋ gbànaŋ nyàŋ gbiŋ.

Ɛfesɔ̀ 2:3 Iomraidhean Croise

Jɔ̀ɔŋ 1:13

Aŋ fè wa àŋ jɔ̀à àŋ yè nyaŋ wò Dayà yaà wò nyuùŋkpùuŋ naŋ kòmò maŋ sɛ̀ìŋ guùŋ sùà nyaŋ. Wo Dayà wuŋ bi naŋ nyiŋ wa nyɛ̀nɛ̀ŋ aŋ jɔ̀àuŋ.

Jɔ̀ɔŋ 8:44

Wo dèdaiŋ nɔɔ̀ŋ naŋ yaà wo sìèfèìŋ wo nyuùŋ kɛ̀ɛ̀nɛ̀ŋ ke kpèè naanààaŋ, yèè nìŋ nyɛnɛŋ nɔŋ màànààŋ wò manaŋ lɛ̀. Wò wa nɔ̀ŋ wo nyuùŋ jìwà nyùùŋ yèè wo nyuùŋ tòa gɔu. E kèì tɔ̀ɔ̀nyaàŋ bà gbiŋ e fòuŋ kò kùàŋ sùà. Wò gboo wèè wuŋ bi, yèè e yèɛ gbiŋ wò woà lɛ è yaà e tòa. E fè nɔŋ kɛ̀ wuŋ bi wò yaà wò nyuùŋ tòa, kɛɛ wuŋ naŋ kòmò anyuùŋ tòa nyàŋ gbiŋ.

Nyɛ̀nɛ̀ŋ 14:16

E teenga gɔuɛ̀ sùà wo Dayà naŋ wa nyimèè wèè anyùùŋ nyaŋ gbiŋ e ɗuunyaàŋ aŋ nyɛ̀nɛ̀ŋ e yèɛ àŋ manaŋ wa lɛ̀.

Luùm 1:24

Weètii wo Dayà naŋ dàngè anyùùŋ nyɛɛ̀ŋ wèè aŋ nyɛ̀nɛ̀ŋ e kèì wùmaŋ nyiŋ. Àŋ naŋ wa nyɛ̀nɛ̀ŋ e yèɛ àŋ manaŋ lɛ̀, yèè maŋ keì kùwà ninaŋ màŋ maŋ jii nyiŋ màŋ sùà toomàŋ maŋ kpùnaŋ nyiŋ màŋ wèè aŋ nyɛ̀nɛ̀ŋ maŋ kèì sàngè mààŋ e hmɔŋtu nyɛ̀nɛŋ.

Luùm 11:30

Sèè è nɔ̀ŋ wèè nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, nìŋ naŋ wa gèèyè wo Dayà maŋhɛɛ e tèèngà guùŋ bà. Kɛɛ wo Dayà wòiŋ naàŋ tɔ̀ɔ̀ ke nyowo esaɓù kɛ̀ aŋ Juùù nyaŋ nauŋ wa gèèyè maŋhɛɛ.

Luùm 13:14

Nɔ̀ŋ wiìŋ bànèbane wi, wèè wo Kanaà Jisɛ̀ Kulaì yɛmɛ̀ wi diɛŋ e kìlà e nɔ̀iŋ mààŋ wuŋ, wèè kɛ̀ anyuùŋ joo aŋ nyìmàŋ kɛ̀ kiìŋ wò nyùùŋ wò yaà, mààŋ maŋ dèè maŋ è gɔaìŋ maŋ wèè anyùùŋ nyìmàŋ ke gbòòɛ è fòlòìŋ sùà yɛ. Sèè mùŋ nyɛnɛŋ tɛɛ̀, kɛ̀ muŋ naàŋ nyɛ̀nɛ̀ŋ è keì wèè maŋ fɔ̀ɔ̀yɛ̀ kè kpùnaŋ mɔɛ̀ŋ jii.

Luùm 2:14

Aŋ gò wà kìɛ̀ŋ màŋ Sàwà Dayà maŋ kòɓɛ̀ ànyùùŋ nyaŋ fè àŋ Juùù nyaŋ. Kɛɛ sèè pɛɛ e teenga gbiŋ aŋ jɔ̀ɔ̀lɔ̀ maŋ sàwà miiŋ dìì, è tɔɔ̀ kɛ̀ àŋ kuwa maŋ sàwà maŋ jìì kòmàŋ nyiŋ bi màŋ sùà, jòòpɛɛ aŋ kuwà màŋ Sàwà Dayà maŋ.

Luùm 5:10

È yààìŋ wa aŋ joo koɓɛ̀ Dayài, kɛɛ wò naŋ wi nyɛ̀nɛ̀ŋ anyuùŋ mɔ̀ɔ̀nɔuŋ wèè euŋ ɓɛìŋ jɛ̀ì kɔɔ esàɓù e fà wo Jɔ̀àfelaauŋ nɔɔ̀ŋ sùà. Kɛɛ e nɛ̀ŋ bà ngèè kòò è yaà weè wi è kuwa sɛmɛ e nìàŋ e mɔ̀ɔ̀nɔŋ. Nààŋ è yààìŋ naàŋ ke jii fàa sùà koɓɛ̀ Dayài lɛ̀, wò do wi nàŋ joeyè e yìwìà wɔŋ nyììŋ wo Jɔ̀àfelaauŋ nɔɔ̀ŋ sùà.

Luùm 5:9

Nààŋ wo Dayà naŋ wi naàŋ jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, esàɓù e ɗewe kiiɛ̀ wo Jisɛ̀ Kulaì naŋ wa fɔ̀ lɛ, e nɛ̀ŋ bà ngèè kòò è yaà weè wi è kuwa sɛmɛ weè wi e fàa kiiuŋ nɛ̀ sùà, tiŋ nàŋ yaà kɛ̀, wo Jisɛ̀ do wi wa nàwèè nàŋ joeyè e yìwìà e nìmìlàa wo Dayà kuwa weè wilɛ̀ sùà.

Luùm 6:12

Ɓɔ̀ nìŋ dangè ɓɛìŋ e jùumù do kɛ̀ɛ̀nɛ̀ŋ gààŋ màŋ kpùnaiŋ màŋ diɛŋ, wèè e goiŋ nàŋ nyɛ̀nɛ̀ŋ naŋ jɔ̀ɔ̀lɔ̀ e ɗèweɛ̀ nìŋ kuwa lɛ̀ ke kpèè maŋ keì naanààiŋ nɛɛ̀ŋ dìì.

Luùm 7:18

Kà nyìmàŋ kɛ̀ e gààaŋ wèè ka nyɛ̀nɛ̀ŋ e keì è yèɛ yaà tɛ̀ɛ̀ lɛ e fè kè kpùnaŋ miɛ̀ŋ sùà. Sèè pɛɛ ka kɛ̀ɛ̀nɛ̀ŋ ɗèwe wèè ka nyɛ̀nɛ̀ŋ e tɔ̀ɔ̀nyaàŋ, miŋ fè niŋ ɓɛ̀nɛ̀ŋ nyɛ̀nɛŋ.

Luùm 9:22

E kèì guùŋ lɛɛ̀ è yaà tɔ̀ɔ̀nyaàŋ wèè e yèɛ wo Dayà naŋ nyɛ̀nɛ̀ŋ lɛ̀. Wo Dayà manaŋ wa wo tɔ̀ɔ̀ e nimilàa, yèè wo nyɛ̀nɛ̀ŋ anyùùŋ nyaŋ gbiŋ aŋ yɛ̀mɛ̀ e gaàuŋ nɛ̀. Kɛɛ wò kuwa wa ke jii tɔumtɔ̀ùm wèè anyùùŋ nyaŋ wò manaŋ wa wo nimilà nyaŋ e kìlà àŋ henàŋ nàŋ fɔ̀ nyaŋ.

1 Kɔliìŋ 4:7

Kiìŋ kai nàŋ yaà e kiium sùà è yaà è gbà? Wo Dayà nààŋ gòum fè è nɛ̀ɛŋ gbiŋ mùŋ kuwa lɛ̀? Sèè è nɔ̀ŋ yɛi, kɛ̀ wèè kiìŋ mùŋ kɛɛ maŋ nyòngà, mààŋ koɓɛ̀i e nɛ̀ɛŋ mùŋ kuwa lɛ̀, e fè è nɛ̀ŋ kìɛ̀ŋ Dayà?

2 Kɔliìŋ 7:1

Nyɛ̀iŋ nààŋ wùìya wi nyàŋ, wo Dayà ɓèmè maŋ ɗààhiì mɛɛ̀ŋ gbiŋ ko nɛ̀ɛ̀ŋ wiì, e wèètii, gùà wiìŋ yàwi bi sengei e gèiŋ maŋ tɔ̀mɛ màŋ gbiŋ yaà maŋ keìŋ wi màŋ sùà yèè aŋ jinàŋ wi nyàŋ sùà lɛ, e nɔ̀iŋ e nɛɛmaŋ sùà kpɛlɛmɛɛŋ esàɓù e jùùɛ yaà wì kɔɔ wèè Dayà lɛ.

Gàla 3:22

Kɛɛ wɔŋ fɛ̀ì Dayàa naŋ woò wààŋ, anyuùŋ kpùuŋ nyàŋ gbiŋ àŋ yaà e gààŋ jùumù dìì. Yèè weètii, e ɗààhiìɛ wo Dayà naŋ wa ɓemè lɛ, è do nàŋ nɔ̀ŋ wèè anyùùŋ nyaŋ gbiŋ naŋ hààwè wo Jisɛ̀ Kulaì nyaŋ.

Ɛfesɔ̀ 2:2

E teenga lii sùà nìŋ naŋ wa dè maŋ kpèè nàànààŋ ɗuunyaàŋ màŋ maŋjɛ̀wɛ, yèè nìŋ naŋ jɔ̀ɔ̀lɔ̀ wo nyuùŋ gbeeɔ̀ wèè maŋ gààŋ aŋ jìnàŋ nyaŋ ke nyiliɛ̀ sùà wo jinàaŋ sia anyùùŋ nyaŋ gbiŋ feìŋ, aŋ yè nyaŋ fè jɔ̀ɔ̀lɔ̀ Dayà dìì nyaŋ.

Ɛfesɔ̀ 4:22

Àŋ naiŋ woò kɛ̀ maŋ ɗèwè e ɓàaɓàa màŋ nìŋ kuwa màŋ, doiŋ nàŋ pɔ̀ɔ̀pɔ̀ɔ̀ e wèètii gèeìŋ kùàŋ wɔŋ nyiiŋ gèe gɔuiŋ nɔɔ̀ŋ sùà, yàà maŋ kpèè naanààŋ wuŋ màŋ gbiŋ.

Kòlo 1:21

E tèèngà guùŋ bà nìŋ naŋ wa gòò wo Dayà fauŋ, yèè nìŋ naŋ wa nɔ̀ŋ aŋ joouŋ esàɓù maŋ gòngo naanààŋ yèè maŋ keì naanààŋ maŋ nìŋ naŋ wa nyɛ̀nɛ̀ŋ maŋ,

1Tɛsè 4:13

Nyɛ̀iŋ nààŋ wùìya wi nyàŋ, è manaŋ wèè naŋ nyìmàŋ e tɔɔɓaà nyaàiŋ dè anyùùŋ nyaŋ naŋ fɔ̀ nyaŋ, wèè ke nyowo goiŋ nàŋ nɔ̀ŋ nyinie mààŋ ànyuùŋ gò kùwìè kè jii tùlia.

1Tɛsè 5:6

Wèètii, ɓɔ̀ è nɔ̀iŋ màŋjàwè mààŋ ànyuùŋ gbànaŋ nyàŋ, jèè wiìŋ e fɛɛ̀ wòwò, yèè maŋ gòngo wi màŋ jilɛ̀ŋ.

1Time 6:9

Kɛɛ aŋ yè nyaŋ manaŋ aŋ banè nyaŋ, àŋ sɔɔ e wàa dìì, yèè àŋ sɛɛ̀ maŋ gbàù ɓàaɓàa zimgbe yaà maŋ gòngò keì nyìnga sùà, maŋ yè maŋ gɔ̀ɛ̀ nyiìŋ yèè maŋ nyiŋ pɔɔpɔ̀ɔ̀ maŋ.

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

1Pììlɛ 1:14

Jɔ̀ɔ̀lɔìŋ Dayà dìì, yèè ɓɔ̀ nìŋ dangè wèè màŋ nyiiŋ màŋ doò kɛ̀ɛ̀ màŋjɛ̀wɛ koɓɛ̀ màŋ ɗèwe gɔu màŋ nìŋ kuwa wa teengaà nìŋ yaà wa jii die sùà lɛ.

2Pììlɛ 2:14

E gòngo nyiŋ nɛ̀ gbiŋ yaà nɔŋ wèè e hmɔŋtu nyɛ̀nɛŋ koɓɛ̀ aŋ jàwè aŋ bà nyaŋ, yaà aŋ fànààŋ bà nyaŋ, e wùànàŋ maŋ kèì jùumù nyɛ̀nɛŋ nyiŋ nɛ̀ fè jùà. Ànyuùŋ gò nyìngà sùà nyaŋ àŋ gbìɛ̀ŋ nyiìŋ maŋ gbàò keì sùà. Maŋ jii nyiŋ màŋ naŋ gbèè e kèèo nyààŋ nyɛ̀nɛ̀ŋ. Àŋ yaà e gbòònò Dayàa dìì.

2Pììlɛ 2:18

Maŋ nyaàŋ gbeegbèè zùwo foo màŋ àŋ gboo màŋ, àŋ toomàŋ maŋ kpèè nàànààŋ kɔɔ nyiŋ màŋ wèè aŋ kùwà anyùùŋ nyaŋ maŋ gbaù sùà aŋ yè nyaŋ naŋ nɔŋ tɔ̀ɔ̀tù fòlà anyùùŋ nyaŋ yaà maŋ keì ɓàa dìì nyaŋ e tɛɛ.

1Jɔ̀ɔŋ 2:16

E nɛ̀ɛ̀ŋ gbiŋ è yaà wèè e ɗuunyaàŋ lɛ, maŋ keì naanààŋ maŋ naiŋ fɔ̀ɔ̀yɛ̀ maŋ jii màŋ, maŋ yè maŋ wo nyuùŋ kpùuŋ naŋ yɛmɛ̀ yèè wò naŋ mɔ̀nɔ̀ŋ wɔŋ nyiiŋ gèeuŋ nɔɔ̀ŋ sùa maŋ, yèè e nɛ̀ɛ̀ŋ gbiŋ wo nyuùŋkpùuŋ naŋ dɛ̀ɛ̀kɛ̀ wuŋ bi weè niŋ e ɗuunyaàŋ lɛɛ̀ sùà lɛ, maŋ bà gbiŋ gò e yìwìà wo Dèdaà sìwè, màŋ gbiŋ naŋ fòlò e ɗuunyaàŋ lɛɛ̀ sùà.

1Jɔ̀ɔŋ 2:8

È gbio sùà, ke sàwàa mìŋ yaà nààŋ sengei yɛ̀ kè yaà ke jɛi nyiŋ, efèfoo è naŋ yɛ̀mɛ̀ e tɔ̀ɔ̀nyaàŋ kɛnɛ nyiŋ nɛ̀ wo Jisɛ̀ Kulaì sùà yèè nyɛ̀iŋ bi. Ke nyìwìɛ kè yaà màaŋ sùà yèè e gbòlòùŋ tɔ̀ɔ̀nyaàaŋ è yaà naàŋ mɛ̀ɛŋ sùà.